Morgunblaðið - 29.10.2000, Blaðsíða 4
4 SUNNUDAGUR 29. OKTÓBER 2000
MORGUNBLAÐIÐ
VIKAN 22/10-28/10
► ALLS eru um 1.753
börn á aldrinum eins til
fímm ára skráð á biðlista
eftir leikskólavist hjá
Reykjavíkurborg.
► FLEIRI ungir vímu-
efnanotendur leituðu til
Sjúrahússins á Vogi
fyrstu sex mánuði ársins
en á sama tíma í fyrra
eða 76 einstaklingar und-
ir 18 ára aldri en 57 í
fyrra.
► KRISTÍN Rós Hákon-
ardóttir, sundkona úr
Reykjavík, hefur unnið
fern verðlaun á Ólympíu-
móti fatlaðra í Sydney.
Hún hefur unnið tvenn
gullverðlaun og tvenn
bronsverðlaun.
► ÍSLENSKA ríkið hefur
stefnt elli- og hjúkrunar-
heimilinu Grund vegna
ágreinings um daggjalda-
greiðslur.
► BÆJARYFIRVÖLD í
Kópavogi hyggjast breyta
byggingaráformum sínum
við Vatnscnda, til að
koma til móts við gagn-
rýni íbúa. M.a. er frestað
byggingu sex og fjögurra
hæða fjölbýlishúsa við
vatnið.
► í DRÖGUM að laga-
frumvarpi, sem samið
hefur verið af nefnd á
vegum viðskiptaráðherra,
er gert ráð fyrir að spari-
sjóðunum verði gert
kleift að breyta rekstrar-
formi sínu í hlutafélög.
► GENGI krónunnar hef-
ur lækkað mikið undan
farið eða um 2,6% frá síð-
ustu mánaðamótum. Frá
áramótum hefur gengið
lækkað um 7,6%.
Samið um réttindi op-
inberra starfsmanna
BANDALAG starfsmanna ríkis og
bæja, Bandalag háskólamanna og
Kennarasamband íslands, undirrit-
uðu á þriðjudag samkomulag við
fjármálaráðuneytið, launanefnd sveit-
arfélaga og Reykjavíkurborg um ýmis
réttindamál samtakanna. Samkomu-
lagið nær til nærri 30.000 manns, eða
tæplega þriðjungs launþega í landinu.
Þar er kveðið á um ýmis ný réttindi til
veikinda- og fæðingarorlofs auk þess
sem stofna á sérstakan fjölskyldu- og
styrktarsjóð sem er ígildi sjúkrasjóðs
á almennum vinnumarkaði. Geii’
Haarde fjármálaráðherra segir að
samkomulagið slái ágætan tón fyrir
komandi kjaraviðræður við einstök
félög opinberra starfsmanna.
Samherji með 34
þúsund tonna kvóta
TILKYNNT var á miðvikudag að fyr-
irhugað væri að sameina Samherja og
BGB-Snæfell um næstu áramót. Sam-
einað sjávarútvegsfyrirtæki kemur til
með að hafa yfir að ráða um 34.000
tonna veiðiheimildum, þar af um 5.200
tonnum utan landhelgi. Auk þess á
fyrirtækið um 17 þúsund tonna afla-
heimildir í öðrum löndum. Við sam-
eininguna eignast KEA, sem átti
stærsta eignarhlutinn í BGB-Snæ-
felli, 17% hlut í Samherja og verður
stærsti einstaki hluthafínn.
Barnabætur hækka
RÍKISSTJÓRNIN tilkynnti á föstu-
daginn veigamiklar breytingar á
barnabótakerfinu sem hafa í för með
sér að barnabætur hækka í heild um
þriðjung á næstu þremur árum. Jafn-
framt verður tekjutenging minnkuð.
Hækkunin verður mest hjá barnafólki
með miðlungstekjur og lágar tekjur.
Kostnaðarauki ríkissjóð vegna breyt-
inganna er um 2 milljarðar króna.
Gbagbo við völd á
Fílabeinsströndinni
SÓSÍALISTINN Laurent Gbagbo sór
embættiseið sem forseti Fílabeins-
strandarinnar á fímmtudag. Hann lýsti
sig réttkjörinn sigurvegara í kosning-
unum sem fram fóru sl. sunnudag.
Sama gerði Robert Guei, leiðtogi her-
foringjastjórnarinnar, sem hefur verið
við völd frá því í desember. Tugþúsund-
ir gerðu hins vegar uppreisn gegn hon-
um í höfuðborginni Abidjan og náðu
her- og lögreglumenn, sem studdu
Gbagbo, skrifstofu forsetans á sitt vald
þá um kvöldið. Guei fer nú huldu höfði.
Samkvæmt úrslitum kosninganna hlaut
Gbagbo 59,6% atkvæða en Guei 32,7%.
Átök blossuðu upp milli stuðnings-
manna Gbagbo og Álassane Ouattaras,
íyrrverandi forsætisráðherra, á
fímmtudag og féllu tugir manna í þeim.
Outtaras krefst nýrra kosninga, en hon-
um var meinað að taka þátt í kosningun-
um á sunnudag.
Viðræður Dana o g
Færeyinga stranda
VIÐRÆÐUR Dana og Færeyinga um
sjálfstæði Færeyja sigldu í strand á
fimmtudagskvöld. Ágreiningur er um
hver var orsök viðræðuslitanna. Lög-
maður Færeyinga, Anfinn Kallsberg,
sagði orsökina þá að Danir vildu ekki
viðurkenna Færeyjar sem ríki í
þjóðréttarlegum skilningi, en sú var
krafa Færeyinga. Færeyska land-
stjómin boðar nú þjóðaratkvæða-
greiðslu um forsendur nýrrar samn-
ingalotu. Rasmussen og Kallsberg
segja þó báðir, að viðræðunum hafi ekki
endanlega verið slitið.
Poul Nyrup Rasmussen, forsætisráð-
herra Danmerkur, segir orsökina vera
ágreining um fjármál. Danir hafa boðið
Færeyingum fjögurra ára fjárstuðning
áður en Færeyingar lýsi yfír sjálfstæði.
Færeyingar hafa hins vegar farið fram
á stuðning til fimmtán ára.
► VLADIMIRO Montesin-
os, fyrrverandi yfírmaður
leyniþjónustunnar í Perú,
sneri óvænt aftur til
landsins á mánudag.
Heimkoma hans olli mik-
illi ólgu í stjórnmálum
landsins í vikunni og var
hann grunaður um að
undirbúa valdarán. Mont-
esinos var áður helsti
bandamaður Fujimoris,
forseta Perú. Hann kom
ekki opinberlega fram í
vikunni og hóf Fujimori
mikla leit að honum, sem
hefur ekki borið árangur.
► MADELEINE Albright,
utanrfkisráðherra Banda-
rikjanna, ræddi við Kim
Jong-II, leiðtoga N-Kór-
eu, á sögulegum fundi í
vikunni. Búist er við að
viðræðurnar leiði til þess
að Clinton Bandaríkja-
forseti fari til N-Kóreu
áður en hann lætur af
embætti í janúar.
► BARAK, forsætis-
ráðherra ísraels, lýsti á
sunnudag yfir hléi á
samningaviðræðum við
Palestínumenn. Hann hef-
ur í vikunni reynt að
mynda þjóðstjórn og var
hún í sjónmáli í gær.
Átökin milli ísraela og
Palestínumanna standa
enn og hafa nokkrir Pal-
estínumenn látist í vik-
unni.
► BROTIST var inn í
tölvukerfi Microsoft.
Steve Ballmer, forstjóri
fyrirtækisins, sagði tölvu-
þrjótana ekki hafa komist
yfír frumkóða helstu hug-
búnaðarkerfanna. Inn-
brotið er engu síður mik-
ið áfall fyrir Microsoft.
FRÉTTIR
Morgunblaðið/Aðalheiður Högnadóttir
Það var mikill léttir í hugum fyrstu íbúa bráðabirgðahúsanna á Hellu,
hjónanna Samúels Guðmundssonar og Kristínar Kolbrúnar Guðmunds-
dóttur, er þau tóku við lyklum að fyrsta bráðabirgðahúsinu úr hendi
Hjörleifs Jónssonar verktaka.
Fyrstu
skjálfta-
húsin viku
á undan
áætlun
Hellu. Morgunblaðið.
FYRSTU tvö jarðskjálftahúsin voru
afhent á Hellu á fimmtudag, einni
viku á undan áætlun. Hjörleifur
Jónsson, verktaki frá Akranesi,
samdi við Framkvæmdasýslu ríkis-
ins um smiði á tuttugu húsum til af-
hcndingar hinn 1. nóvember nk.
Flest húsanna, sem vinnuflokkur
Hjörleifs vinnur að, eru reist á
Hellu, eitt á Rangárvöllum og
nokkur í sveitarfélögum í vestan-
verðri Rangárvallasýslu.
Húsin eru öll eins, 79 fermetrar
að stærð, með þrem svefnherbergj-
um, stofu, eldhúskrók, salerni og
þvottahúsi, en hönnun þeirra er ís-
lensk-norsk en timbrið er frá Nor-
egi. Vinna við smíði húsanna hófst
13. september sl. og að sögn Hjör-
leifs hefur verkið gengið sam-
kvæmt áætlun og munu húsin
verða afhent eitt af öðru næstu
daga. Samið hefur verið við Hjör-
leif um smíði á 4-5 húsum til við-
bótar og verða þau flest reist í byrj-
un nóvember á Hellu og nágrenni.
í sumarbústaðnum
í fjóra mánuði
Það voru hjónin Samúel Guð-
mundsson og Kristín Kolbrún Guð-
mundsdóttir, íbúar á Hellu, sem
tóku við lyklunum að fyrsta húsinu
við Hraunöldu 2c, en þeirra hús
varð illa úti í skjálftanum 17. júní
og hefur verið rifið. Þau hafa búið í
sumarbústað sínum í Fljótshlíð frá
skjálftanum en þurft að keyra til
vinnu á Hellu dag hvern um 25
kílómetra leið.
Þau hafa þegar steypt sökkul og
grunn að nýju húsi sem verður
reist í vetur á lóð þeirra við Út-
skála á Hellu þannig að þau búast
við að verða í bráðabirgðahúsinu í
nokkra mánuði.
Samgönguráðherra og formaður
samgöngunefndar ósammála um útboð Herjólfs
Asakanir um að sam-
komulag hafí verið svikið
ARNI Johnsen, formaður sam-
göngunefndar, segir að Vegagerðin
og samgönguráðherra hafi brugðist í
þeirri vinnu sem fram fór í kjölfar út-
boðs á þjónustu Heijólfs. Sturla
Böðvarsson samgönguráðherra vísar
því algjörlega á bug og segir að farið
hafi verið að reglum.
Sturla sagði að lögð hefði verið
mikil áhersla á að útboð á rekstri
Herjólfs yrði vel unnið og þess vegna
hefði allan undirbúningstímann verið
haft gott samráð við bæjaryfirvöld í
Eyjum. Reglumar um hvemig
standa ætti að svona útboðum væru
algerlega skýrar. „Óskir Herjólfs-
manna og forsvarsmanna bæjarfé-
lagsins var ekki hægt að uppfylla að
öðru marki en því en að farið yrði að
öllum reglum.
Eftir að ljóst var að útboðið yrði
kært óskaði ég eftir að Vegagerðin
stæði þannig að málum að þeim gæf-
ist færi á að kæra þannig að það
kæmi Ijós hvort undirbúningur út-
boðsins og mat á lægstbjóðanda væri
innan verklagsreglna og laga. Ef ekki
hefur verið hægt að uppfylla óskir
Eyjamanna þá er það vegna þess að
það var ekki hægt að ganga á svig við
reglur.
Það var alveg ljóst að útboðsregl-
umar gerðu ráð fyrir að lægsta til-
boði yrði tekið. Það var ekkert sem
benti til annars en að Samskip upp-
fylltu þær kröfur sem reglur settu.
Framhjá því var ekki hægt að
ganga,“ sagði Sturla.
Sturla sagði að kærunefndin hefði
gefið álit þrátt fyrir að frestur hefði
verið útmnninn og í því áliti væri al-
veg skýrt tekið fram að eðlilega hefði
verið staðið að málum. Sturla sagði
mikilvægt að hafa í huga að sam-
gönguráðuneytið hefur ekkert með
störf kærunefndarinnar að gera. Hún
heyrði undir fjármálaráðuneytið.
Ekki staðið við samkomulag
Ami sagði að það hefðu verið gerð-
ar mjög alvarlegar athugasemdir við
framsetningu Vegagerðarinnar á út-
boðinu og ekki síst kostnaðaráætlun,
sem væri mjög óraunsæ. Hann
nefndi sem dæmi að Herjólfur væri
3.300 tonna skip með 16 menn í áhöfn,
en Breiðafjarðarfeijan Baldur væri
600 tonna skip með 7 menn í áhöfn.
Það munaði hins vegar ekki nema 700
þúsund krónum á mánuði á kostnað-
aráætlun Vegagerðarinnar milli
þessara tveggja feija. Einnig hefði
Vegagerðin gert ráð fyrir að svartolía
en ekki gasolía yrði notuð á Heijólf
sem að mati Heijólfsmanna þýddi
meira slit á skipinu og því orkaði tví-
mælis að þessu fylgdi sparnaður.
Einnig hefði Vegagerðin gert ráð fyr-
ir fækkun í áhöfn, sem Siglingastofn-
un hefði á sínum tíma hafnað. Árni
sagði að þessara atriða hefði ekki
verið getið í útboðsgögnum, en svo
virtist vera að Samskip hefði verið
kunnugt um þetta.
Árni sagðist vilja taka fram að ekk-
ert væri við Samskipsmenn að sakst í
þessu máli og hann byði þá velkomna
til starfa í þjónustu við Eyjamenn.
„Vegagerðin og samgöngu-
ráðherra hafa hins vegar brugðist í
þessu máli. Ráðherra lofaði að stöðva
framgang málsins á meðan kæra
gengi fram. Um þetta var samið 2.
október og kæran var lögð fram 4.
október, en 6. október skrifaði Vega-
gerðin undir samning við Samskip
þrátt fyrir að henni væri kunnugt um
kæruna. Þetta eru svikin. Það er að
sjálfsögðu hlægilegt að vera að skrifa
undir bindandi samning áður en kær-
an gengur fram. Við undirritun er
ríkið orðið skaðabótaskylt ef
samningnum er rift. Heijólfsmenn
fengu ekki að vita strax að búið var að
skrifa undir. Þegar það kom í ljós
varð að taka það öðrum tökum.
Stjórn Heijólfs var þá neitað um eðli-
legan frest vegna þess að formaður
kærunefndar þurfti að fara tii út-
landa,“ sagði Árni.
„Eyjamenn gleyma ekki þegar
brotið er á þeim. Það verður að virða
leikreglur og samninga,“ sagði Ámi.
Sturla sagði að það væri ávallt mið-
ur þegar samherjar væru að deila, en
vildi að öðru leyti ekki bregðast við
orðum Ama. Þeir ættu eftir að ræða
saman.