Morgunblaðið - 25.11.2000, Page 5

íslenskt forystufólk í nýju Ijósi
• Hvenær íhugaði Vigdís Finnbogadóttir að segja af sér forsetaembætti?
• Hverjir eru helstu ráðgjafar Ingibjargar Sólrúnar Gísladóttur?
• Hvers vegna bauð Davíð Oddsson sig fram til fiokksformanns gegn
æskufélaga sínum Þorsteini Pálssyni?
• Hvaða mistök gerði Hörður Sigurgestsson á forstjórastóli?
• Af hverju ákvað Kári Stefánsson að segja skilið við prófessorsstöðu
við Harvard-háskóla og stofna íslenska erfðagreiningu?
Hér ræða fimm þjóðkunnir forystumenn opinskátt um líf sitt og feril
í meðvindi og mótbyr. í lok bókarinnar fjallar höfundurinn, Ásdís Halla
Bragadóttir, um listina að vera leiðtogi og leitar meðal annars svara
við spurningunum: Hvað þarf til aö verða leiðtogi? Hvernig nær
leiðtoginn árangri?
Ásdís Halla Bragadóttir
Hrífandi ættarsaga
Guðrún Helgadóttir er einn þekktasti rithöfundur þjóðarinnar og
hefur hún hlotið margvíslegar viðurkenningar hér á landi sem
erlendis. Hér kemur Guðrún lesendum skemmtilega á óvart, með
fyrstu skáldsögu sinni fyrir fullorðna. Oddaflug er fjölskyldusaga
um Katrínu Ketilsdóttur, dætur hennar fjórar og einkasoninn sem
hún missti ungan. Líf þessa fólks virðist í föstum skorðum en undir
lygnu yfirborði eru ýmis óuppgerð og sársaukafull mál. Oddaflug
er litrík og hrífandi frásögn um ást og söknuð, gleði og sorg, svik
og vonbrigði.
Guðrún Helgadóttir
m
VAKA- HELGAFELL