Morgunblaðið - 25.11.2000, Blaðsíða 11

MORGUNBLAÐIÐ
____________________________LAUGARDAGUR 25. NÓVEMBER 2000 11
FRÉTTIR
Verklokum Kiðjabergsvegar í Grímsnesi var fagnað í golfskála Kiðjabergs í gær
Morgunblaðið/Sigurður Jónsson
Framkvæmdanefndin og fulltrúar sveitarstjórnar og Vegagerðarinnar. Frá vinstri: Guðmundur Hallvarðs-
son, Gunnar Þorgeirsson, oddviti Grímsness- og Grafningshrepps, Steingrímur Ingvarsson, umdæmisstjóri
Vegagerðarinnar á Suðurlandi, Sigurður Magnússon, Ásgeir Ingvarsson og Sveinbjörn Helgason.
V egager ð unnin í samvinnu
einkaaðila og hins opinbera
VERKLOKUM Kiðjabergsvegar,
sem er um 8,5 km langur vegur í
Grímsnesi á Suðurlandi, var fagnað
með sérstakri athöfn í golfskálanum
í Kiðjabergi í gær.
Guðmundur Hallvarðsson, þing-
maður og formaður Sjómannadags-
ráðs, sem á sumarbústaðalandið
Hraunkot, sagði að um einstaka
vegagerð væri að ræða því vegurinn
hefði verið byggður í samvinnu
einkaaðila og hins opinbera, en hann
þjónar m.a. eigendum á sjötta
hundraðs sumarbústaða á svæðinu.
Heildarkostnaður vegna vegagerð-
arinnar var um 33 milljónir króna og
tóku framkvæmdimar þijú ár.
„Þetta var malarvegur sem ekki
hafði verið mikið lagt í en nú hefur
vegurinn verið hækkaður upp og
breikkaður og lagt á hann bundið
slitlag," sagði Guðmundur. „Það var
alltaf eilíft vandamál að komast
þarna niðureftir í leysingunum á
vorin, en nú er þetta orðið allt ann-
að.“
Guðmundur sagði að um sam-
starfverkefni jarðeigenda, sumarbú-
staðaeigenda, Grímsness- og Grafn-
ingshrepps og Vegagerðarinnar
hefði verið að ræða. Hann sagði að
upphafíð mætti rekja til ársins 1995,
þegar jarðeigendur hefðu sent Þor-
steini Pálssyni, þáverandi fyrsta
þingmanni Suðurlands, bréf og ósk-
að eftir hans liðsinni í málinu. Hann
sagði að málið hefði komist á skrið
fyrir um fimm árum en að verklok-
um hefði verið fagnað í gær og af því
tilefni hefðu Vegagerðinni og sveit-
arfélaginu verið afhentar sérstakar
viðurkenningar fyrir einstakt sam-
starf við þessa framkvæmd.
Verkinu var skipt í þrennt. Fyrsti
áfangi náði frá Biskupstungnabraut
að Hraunborgum. Annar áfangi náði
frá Hraunborgum og að svokölluðu
ristarhliði og þriðji frá ristarhliðinu
að Hestlandi. Eins og áður kom fram
var heildarlengd vegaiins 8,5 km og
heildarkostnaður um 33 milljónir
króna. Sveitarfélagið greiddi um 4,5
milljónir, ríkið um 13,3 milljónir og
sumarbústaðaeigendur, jarðeigend-
ur og golfvöllurinn Kiðjabergi
greiddu um 15 milljónir af kostnað-
inum.
Nýi vegurinn hefur
breytt miklu
„Þetta er líklega fyrsta vegagerð á
Islandi sem notendur koma að með
þessum hætti og taka þátt í að
byggja veginn upp með sérstökum
greiðslum.
Það þurfti að lagfæra veginn veru-
lega vegna brúar yfir Höskuldslæk.
Það voru hæðir aðliggjandi brúnni,
sem sköpuðu mikla hættu og þar var
vegurinn lækkaður verulega.“
Guðmundur sagði að tilkoma nýja
vegarins hefði breytt miklu og auð-
veldað aðgang manna að svæðinu
þar sem m.a. væri að finna Kiðja-
bergsvöll, sem er golfvöllur húsa-
smíðameistara og sundlaug í landi
Hraunkots, sem er í eigu sjómanna-
samtakanna. Þá sagði hann að Kiðja-
bergsbærinn, elsta timburhús á Suð-
uriandi, væri á svæðinu, en hann
hefði verið endurbyggður af húsa-
smíðameisturum og væri glæsileg
endurbygging á merkilegu húsi, sem
ætti sér mikla sögu.
„Það er mikil umferð héma allt ár-
ið en þó mest á sumrin ,en þá er mik-
ið sótt í golfvöllinn og sundlaugina og
svo náttúrlega alla sumarbústaðina.
Vegurinn er vel breiður og til mikils
sóma fyrir alla þá sem að komu.“
Vaskleg framganga
V egagerðarinnar
Við athöfnina í gær flutti einn af
hvatamönnunum, Sigurður Magnús-
son, ávarp og þakkaði öllum þeim
sem að málinu hafa komið. Sérstak-
ar þakkir færði hann fulltrúum
Vegagerðarinnar fyrir vasklega
framgöngu.
Steingrímur Ingvarsson, um-
dæmisstjóri Vegagerðarinnar í Suð-
urlandskjördæmi, sagði að hægt
yrði að byggja á þeirri reynslu sem
Morgunblaðið/RAX
Nýr og endurbyggður Kiðja-
bergsvegur hefur verið hækk-
aður upp, breikkaður og lagt á
hann bundið slitlag.
þarna hefði fengist við uppbyggingu
samsvarandi vega.
Gunnar Þorgeirsson oddviti
Grímsness- og Grafningshrepps
sagði að þessi góði vegur myndi ýta
undir fólksfjölgun og lengri búsetu-
tíma fólks í bústöðum allt árið.
Loks flutti Guðni Agústsson land-
búnaðarráðherra kveðjur þing-
manna kjördæmisins og sagði að
þama hefði verið unnið gott verk til
að styrkja þjónustu og búsetu á
svæðinu.
Tsjetsjneskur flóttamaður án skilrikja giftist íslenskri konu
Presturinn segist hafa haft
samráð við ráðuneytið
Ráðuneytið segir að um misskiln
ing hafi verið að ræða
HAFT var samráð við dómsmála-
ráðuneytið áður en Aslan Gilaev,
sem segist vera tsjetsjneskur flótta-
maður, var gefinn íslenskri konu 2.
september. Þetta kom fram í samtali
Morgunblaðsins við Ólaf Odd Jóns-
son, prest í Keflavík, sem gaf hjónin
saman, en hann sagði að stuðst hefði
verið við mannréttindasáttmála
Sameinuðu þjóðanna og Evrópu þeg-
ar ákvörðunin hafi verið tekin um að
gefa þau saman. Ingvi Hrafn Ósk-
arsson, aðstoðarmaður dómsmála-
ráðherra, segir að um misskilning sé
að ræða hjá sr. Ólafi Oddi.
„Þetta mál var skoðað mjög vel og
ekki flanað að neinu og þessi ákvörð-
un var tekin yfirvegað," sagði Ólafur
Oddur. „Eg hafði samband við full-
trúa dómsmálaráðuneytisins, sem
hefur með stofnun og slit hjúskapar
að gera, og hann sagði mér að hjónin
væru ábyrg fyrir því sem þau skrif-
uðu undir og gerði ekki aðrar at-
hugasemdir við hjónabandið.
Eg hafði líka samband við lög-
fræðing sem sagði mér að það væri
ekki hægt að halda því gegn honum
(Gilaev) að gefa upp misvísandi upp-
lýsingar hér og í Noregi. Það gerist í
svona tilvikum þar sem menn eru
landflótta og hræddir um að verða
sendir heim.“
Tekið mið af mann-
réttindasáttmálum
Eins og kom fram í Morgunblað-
inu í fyrradag kom Gilaev til Islands í
lok júní frá Noregi og sótti um póli-
tískt hæli. Útlendingaeftirlitið hafn-
aði beiðninni á þeirri forsendu að
maðurinn hefði ekki getað með lög-
legum hætti fært sönnur á hver hann
væri og frá hvaða ríki. Hann hefði
ekki haft lögleg skilríki og gefið upp
mismunandi nöfn og fæðingardaga.
Ólafur Oddur, sem sagðist ekki ef-
ast um það að maðurinn væri
Tsejtsjeni, sagði að það þyrfti að
skoða sérstöðu þessa manns.
„Hann kemur frá Grosnf í Tsje-
tsjníu, sem var 400 þúsund manna
borg en er núna 40 þúsund manna
borg. Það er engar upplýsingar það-
an að fá, hann getur ekki fengið nein
skilríki þaðan. I Ijósi þessarar sér-
stöðu þá tók ég sem prestur mið af
þeim mannréttindasáttmálum sem
Islendingar hafa undirritað, þ.e.
mannréttindasáttmála Sameinuðu
þjóðanna og mannréttindasáttmála
Evrópu. Það var fyrst og fremst á
þessum mannréttindaforsendum
sem sú ákvörðun var tekin að gefa
þau saman ogþað er enginn í raun og
veru sem getur ógilt þessa ákvörðun
nema þau sjálf og réttarríkið hlýtur
að virða það.
Reyndar vil ég meina það að rétt-
arríkið hefði átt að virða sambúð
þeirra burtséð frá sambúðarformi,
trúlofunarsambúðina hefði átt að
virða.“
Ólafur Oddur sagði að hjónin væru
búin að vera undir mjög miklu álagi.
„Eg held að fæstir geri sér grein
fyrir því nema við prestarnir sem
höfum verið að sinna þeim.“
Engin undanþáguákvæði
Ingvi Hrafn Óskarsson, aðstoðar-
maður dómsmálaráðherra, sagði að
ráðuneytið hefði ekki tekið neina af-
stöðu til þess hvort rétt hefði verið
farið að við hjónavígsluna. Hann
sagði að í reglugerð um könnun á
hjónavígsluskilyrðum væru sett tvö
skilyrði. Annars vegar þyrftu hjóna-
efni að leggja fram fæðingavottorð
og persónuskilríki sem færðu sönnur
á nafn og fæðingardag. Hins vegar
vottorð frá Hagstofu íslands um hjú-
skaparstöðu eða sambærilegt vott-
orð frá erlendu yfii’valdi ef unnt
væri.
Ingvi Hrafn sagði að um einhvern
misskilning væri að ræða í máli
Tsjetsjenans því það væri ekki gert
ráð fyrir neinni undantekningu varð-
andi ákvæðið um persónuskilríkin og
að hjón þyrftu undantekningalaust
að færa sönnur á nafn sitt.
„Það er algjörlega útilokað að
embættismaður ráðuneytisins sem
þekkir þessar reglur einna best hafi
látið svo í veðri vaka að það væru ein-
hverjar undantekningar varðandi
þetta atriði.“
Ingvi Hrafn sagði að ráðuneytið
hefði ekki aðild að ógildingu hjóna-
banda, það hefðu einungis hjónin
sjálf og hugsanlega þriðji aðili ef
hann ætti í hjónabandi við annan að-
ilann.
Ránið í
Hallanum
Lög-
reglan
lýsir eft-
ir manni
LÖGREGLAN í Reykjavík
lýsir eftir manni sem þvingaði
afgreiðslumann í söluturnin-
um Hallanum við Bókhlöðu-
stíg að afhenda sér peninga.
Atvikið varð skömmu fyrir
kl. 17 sl. þriðjudag.
Maðurinn forðaði sér síðan
á hlaupum austur Bókhlöðu-
stíg og suður Laufásveg þar
sem hann fór til vesturs um
port Miðbæjarskólans. Mað-
urinn var sagður vera 20-30
ára gamall. Hann var með
stutt, ljóst aflitað hár og
u.þ.b. 170 cm á hæð. Þeir,
sem geta gefið einhverjar
upplýsingar, annaðhvort um
ferðir þessa manns umrædda
leið á þessum tíma eða um
þann er þarna kann að hafa
verið að verki, eru beðnir um
að hafa samband við lög-
regluna í Reykjavík.