Morgunblaðið - 25.11.2000, Blaðsíða 10

10 LAUGARDAGUR 25. NÓVEMBER 2000
MORGUNBLAÐIÐ
FRÉTTIR
Tímabundnum
Dómsmálaráðherra með frumvarp
til breytinga á hegningarlögum
atvinnuleyfum
útlendinga fjölgar
TÍMABUNDNUM atvinnuleyfum
sem veitt eru útlendingum hefur
fjölgað verulega á undanförnum
árum. í fyrra voru þau 1.732 og
933 eldri leyfi voru framlengd en
árið áður höfðu ný leyfí verið 1.307
og 662 voru framlengd.
Þetta kemur fram í skriflegu
svari Páls Péturssonar félagsmála-
ráðherra við fyrirspurn Stefaníu
Óskarsdóttur, varaþingmanns
Sjálfstæðisflokks, um atvinnuleyfí
útlendinga. Fram kemur í svarinu
að skv. lögum sé atvinnuleyfum
skipt í fjóra flokka; tímabundið at-
vinnuleyfi, óbundið atvinnuleyfi,
atvinnuleyfí vegna námsdvalar og
vistráðningar og atvinnurekstrar-
leyfi. Er tímabundið atvinnuleyfi
ALÞINGI
til að ráða útlending til starfa veitt
atvinnurekanda skv. 7. grein laga
um atvinnuréttindi útlendinga.
Segir í svarinu að þegar útlend-
ingur komi í fyrsta skipti til starfa
á Islandi sé atvinnurekanda veitt
slíkt tímabundið atvinnuleyfi. Stef-
anía spurðist fyrir um rök þess að
atvinnurekandi hefði atvinnuleyfi
útlendinga á sinni hendi og svarar
félagsmálaráðherra að með því að
veita atvinnurekanda tímabundna
atvinnuleyfið sé honum gert að
undirgangast ákveðnar kvaðir og
bera nokkra ábyrgð á erlendum
starfsmanni sínum. Heimilt sé hins
vegar að veita útlendingi óbundið
atvinnuleyfi hafi hann samfellt átt
lögheimili á íslandi í þrjú ár, hafi
öðlast ótímabundið dvalarleyfi og
að áður hafi verið veitt leyfi skv. 7.
gr. laga, þ.e. tímabundið atvinnu-
leyfi.
Voru alls gefin út 275 óbundin
atvinnuleyfi í fyrra, 193 árið áður,
162 árið 1997 og 154 árið 1996.
Björgunar-
sveitum
verði léttur
róðurinn
Hámarksrefsing
fíkniefnabrota
hækkuð í 12 ár
SAMGÖNGURÁÐHERRA verður
falið að setja á fót nefnd með það að
markmiði að létta rekstur björgun-
arsveita í landinu og bæta starfsað-
stöðu þeirra ef Alþingi samþykkir
þingsályktunartillögu sem Olafur
Órn Haraldsson, Framsóknarflokki,
hefur lagt fram.
Er gert ráð fyrir að nefndin skoði
tekjumöguleika sveitanna og rekstr-
arkostnað þeirra og þá sérstaklega
gjöld og álögur sem þær greiða til
opinberra aðila. Enn fremur leggi
nefndin fram tillögur um hvernig
tryggja megi framtíðarstöðu björg-
unarsveitanna í landinu.
RÍKISSTJÓRNIN samþykkti á
fundi sínum í gær að leggja fram
frumvarp dómsmálaráðherra um
breytingu á almennum hegningarlög-
um. Með frumvarpinu er lagt til að
hámarksrefsing vegna meiriháttar
fíkniefnabrota verði hækkuð úr allt
að 10 ára í 12 ára fangelsi. Til sam-
ræmis er einnig lögð til samsvarandi
hækkun á refsimörkum vegna pen-
ingaþvættis sem rakið er til fíkni-
efnabrota, þ.e. úr 10 ára fangelsi í 12
ár.
Frumvarpið er samið í dómsmála-
ráðuneytinu að höfðu samráði við
refsiréttamefnd, sem hafði til hlið-
sjónar norræn lög, sem einnig hafa
hert refsingar vegna fíkniefnabrota.
Þar eru refsimörk fyrir alvarleg brot
allt frá 10 að 21 ári, þyngst í Noregi.
Dómstólar hafa nýtt
að fullu refsimörk
Fram kemur í frumvarpi dóms-
málaráðherra að dómstólar hafa nán-
ast nýtt að fullu refsimörk vegna al-
varlegustu fíkniefnabrota. í fylgi-
skjali með frumvarpinu má sjá af
nokkrum héraðs- og hæstaréttardóm-
um, sem felldir hafa verið á grundvelli
173. gr. a almennra hegningarlaga, að
refsingar hafa verið að þyngjast, eink-
um í e-töflumálum. Af þeim sökum
þykir nauðsynlegt að hækka refsi-
mörkin svo dómstólum verði gert
kleift að ákveða þyngri refsingu ef
reyna mun á alvarlegri brot en hingað
til hafa komið til kasta dómstóla. Með
breytingunni er lögð sérstök áhersla á
alvarleika þessara brota og tekið und-
ir það refsimat sem dómstólar hafa
beitt. Hins vegar er ekki gert ráð fyrir
að hækkun á refsimörkum ein og sér
leiði almennt til þyngingar á refsing-
um við fikniefnabrotum. Frekar er
verið að skapa dómstólum aukið
svigrúm við ákvörðun refsingar sem
þeir meta hæfilega, að því er fram
kemur í minnisblaði dómsmálaráð-
herra, Sólveigar Pétursdóttur.
Alitamálin
STUNDUM liggur mönnum mikið á hjarta á Alþingi.
Hér er Þorgerður K. Gunnarsdóttir, þingmaður Sjálf-
stæðisflokks, í hrókasamræðum við sessunaut sinn
Morgunblaðið/Ásdís
eru svo mörg
vegna einhvers álitaefnisins. Þau eru vissulega mörg í
pólitíkinni og koma gjarnan upp í umræðum um ein-
stök mál sem fjallað er hverju sinni.
Vetrar-
fþrótta-
safn á
Akureyri?
ÓLAFUR Örn Haraldsson,
þingmaður Framsóknarflokks,
hefur Iagt fram á Alþingi þings-
ályktunartillögu um vetrar-
íþróttasafn. Felur tillagan í sér
að Alþingi álykti að skipuð
verði nefnd sem undirbúi stofn-
un og rekstur safns vetrar-
íþrótta.
„Vetraríþróttir eru ríkur
þáttur í sögu og nútíð lands-
manna en fjölbreytni þeirra og
vöxtur hefur þó aldrei verið
meiri en síðustu ár,“ segir í
greinargerð. „Eðlilegt er að
komið verði upp safni sem hafi
að geyma muni, myndir og frá-
sagnir um vetraiTþróttir á ís-
landi.“
Flutningsmaður segir
nokkra staði koma til greina
þegar hugað verði að stað fyrir
safnið en nærtækast sé að
benda á Akureyri enda sé þar
nú þegar miðstöð vetraríþrótta
og fjöldi gesta þar mikill, bæði
íþróttamenn og venjulegir
ferðamenn. Safnið muni efla
miðstöð vetraríþróttanna og
auðga bæjarlífið á Akureyri.
Alþingi
Utan dagskrár
Forsmekkurinn að því sem koma skal
Eftir Davíð
Loga Signrðsson
þingfréttamann
NÚ ER farið að styttast til jóla sem þýðir að
annir aukast mjög á Alþingi enda bíða mörg
mál afgreiðslu. Á þriðjudag fengu þingmenn,
starfsmenn Alþingis og aðrir sem fylgjast með
þingstörfum forsmekkinn að því sem koma
skal en þá stóð þingfundur frá kl. 13.30 til kl.
hálf eitt eftir miðnætti.
Halda mætti að þennan dag hefðu þingmenn
verið að ræða landsins helstu þjóðþurftarmál
en svo var ekki, mörg málanna sem voru á dag-
skrá gátu talist minniháttar, ekki mál sem
maður hefði talið svo mikilvæg að þingmenn
væru að vinna fram á rauða nótt þeirra vegna.
Vinnutími Alþingis er semsagt til umræðu
hér í dag og kannski kominn tími til. Eðiilegt
er nefnilega að velta því fyrir sér hvað veldur
því að Alþingi kemur ekki saman fyrr á daginn
og fundum er síðan einfaldlega slitið um t.d.
sexleytið nema þegar eitthvað mikið ber við.
Hverra hagsmunum er þjónað með því að
fundir Alþingis standi iðulega fram á kvöld,
eins og er raunin?
Ekki er á máli þingmanna að heyra að þeir
séu ýkja ánægðir með vinnutíma sinn, sannar-
lega er starfsfólks þingsins oft farið að lengja
eftir samvistum við sína nánustu og fjölmiðla-
menn vita auðvitað sem er að þeir geta illa flutt
fréttir af því sem gerist á Alþingi seint á kvöld-
in. Grundvallarspumingin er sú hvers vegna
Alþingi er talið svo sérstakur vinnustaður að
þar þurfi fundir að standa öll kvöld, í stað þess
að halda sig við skrifstofutíma.
Mörg áhugaverð mál voru reyndar á dag-
skrá Alþingis í þessari viku. Á mánudag var
t.d. sterk undiralda en þá var rætt um verkfall
framhaldsskólakennara í upphafi fundar að
viðstöddum hópi kennara sem hafði komið sér
fyrir á pöllunum. Lét fjármálaráðherra þar
falla ummæli sem forysta kennaranna taldi á
fundi sínum daginn eftir greinilega ekki fallin
til þess að leysa deiluna.
Jafnframt var mælt fyrir frumvörpum er
tengjast skattlagningu söluhagnaðar á hluta-
bréfum og reyndist sú umræða harla áhuga-
verð, en hún hélt síðan áfram á þriðjudag.
Þann sama dag gátu menn reyndar líka karpað
í klukkutíma um innflutning á sementi og því
skal það viðurkennt að vissulega er ekki allt
jafnáhugavert sem fram fer á Alþingi. Kannski
þess vegna sem þingmenn hafa stundum með
sér lesefni í þingsalinn, en á mánudag sást
hvar Sighvatur Björgvinsson gluggaði í þriðja
bindi ævisögu Steingríms Hermannssonar
sem nú er nýkomið út. Sjálfsagt er hann ekki
eini þingmaðurinn sem vill kynna sér þau skrif.
XXX
Það gerist ekki oft að þau Pétur H. Blöndal
og Jóhanna Sigurðardóttir séu á einu máli um
ágæti lagafrumvarpa. Það gerðist þó á þriðju-
dag þegar rætt var um ábyrgðarmannafrum-
varp Lúðvíks Bergvinssonar. Má af því tilefni
rifja upp þann einstæða atburð frá því í vor
þegar tvímenningarnir stóðu saman að nefnd-
aráliti úr efnahags- og viðskiptanefnd.
Fyrst farið er að minnast á Jóhönnu má
nefna einnig að ólíklegt er að fáir hafi eytt
meiri tíma í ræðustól en hún síðastliðinn
þriðjudag. Það vakti semsé athygli að Jóhanna
virtist telja sig skylduga til að klára ávallt
leyfilegan ræðutíma og tók hún auk þess oft til
máls. Sumir þingmenn hafa þennan háttinn á
en aðrir virðast ekki telja neina sérstaka nauð-
syn á því að nýta ætíð ræðutíma sinn að fullu.
Ætli meðalhófið sé ekki best í þessu eins og
öðru?
XXX
Óhætt er að segja að fyrirspumatími á mið-
vikudag hafi verið tíðindalaus. Engir al-
mennilegir molar handa fréttaþyrstu fjöl-
miðlafólki þar. Jóhann Ársælsson á vafalaust
tilþrif dagsins - a.m.k. gáfu hlátrasköll þing-
manna það sterklega til kynna - en hann lét
engan bilbug á sér finna þótt þingforseti
hringdi bjöllu óspart til að láta þingmanninn
vita að ræðutími hans væri liðinn. Hélt Jóhann
áfram ræðu sinni á leið úr ræðustól, þrumaði af
krafti yfir kollegum sínum drykklanga stund
þó að út í miðjan þingsal væri komið. Þessu
frumlega vinnulagi eiga menn ekki að venjast.
Undirritaður hverfur nú til starfa á öðrum
vettvangi um sinn. Rétt er því að nota þetta
tækifæri og þakka þingmönnum og starfsfólki
Alþingis samveruna undanfarin misseri.