Morgunblaðið - 25.11.2000, Síða 35

MORGUNBLAÐIÐ LAUGARDAGUR 25. NÓVEMBER 2000 35
LISTIR
Stuttsýning
í Galleríi
Reykjavík
STUTTSÝNING Kristínar
Þorkelsdóttur verður opnuð í
Galleríi Reykjavík, Skólavörðu-
stíg 16, í dag kl. 15.
Þetta er 11. einkasýning
Kristínar, sem hún kallar Horf-
ur, á þeim undanförnum sextán
ánim, sem Kristín hefur helgað
sig myndlistinni. Kristín sýnir
smámyndir frá Snæfellsnesi,
Þingvöllum, Reykjanesi og
Lakagígum ásamt myndröðinni
„Dægur í lífi okkar Herðu-
breiðar“.
Verkin eni öll ný og eiga það
sameiginlegt að vera máluð
undir berum himni, sem Krist-
ín telur ómissandi þátt í sköp-
unarferli þessara mynda.
Smámyndirnar frá Þingvöll-
um eru málaðar um jólaleytið í
fyrra og má sjá í þeim túlkun
listakonunnar á friðsæld jól-
anna. Sömuleiðis eru Reykja-
nesmyndirnar málaðar þar að
vetrarlagi, en myndirnar frá
Snæfellsnesi eru málaðar á
göngu milli Hellna og Arnar-
stapa í ágúst 1999.
Kristín hefur haldið fjölda
einkasýninga og er ein af stofn-
endum Akvarell Island-sýning-
arhópsins, sem samanstendur
af nokkrum af okkar bestu
vatnslitamálurum.
Verk Kristínar eru í eigu
helstu listasafna hér á landi og
opinberra aðila.
Sýningin er opin virka daga
kl. 13-18, laugardaga kl. 11-17
og sunnudaga kl. 14-17.
Sýningin stendur til 3. des-
ember.
Aðgangur er ókeypis.
Jólaleikrit
Möguleikhússins
MOGULEIKHUSIÐ býður upp á
tvær leiksýningar fyrir yngstu
áhorfendurna á aðventunni. Jónas
týnir jólunum segir frá Jónasi sem
situr við tölvuna sína. Hann er svo
upptekinn að hann má ekki vera að
því að halda jól. Himinþöll jóla-
engill er send af stað frá jóla-
stjörnunni í sína fyrstu jólaeftir-
litsferð til að kanna hvort nokkur
sé að gleyma að halda jólin.
Höfundur er Pétur Eggerz og
leikstjóri Bjarni Ingvarsson.
Þá sýnir Möguleikhúsið leikritið
Hvar er Stekkjarstaur? sem segir
frá því þegar jólasveinarnir voru
nærri hættir við að halda til
byggða á réttum tíma. Leikstjóri
er Pétur Eggerz og leikarar Bjarni
Ingvarsson og Aino Freyja Járvela.
„Naktar
konuru
SÝNING á verkum Hreins Stein-
grímssonar „Naktar konur“ verður
opnuð á Tapas-barnum, Vesturgötu
3b, í dag, laugai-dag, kl. 16.
Hreinn hefði orðið sjötugur, 27.
nóvember nk., hefði honum enst ald-
ur.
Hreinn Steingrímsson var mennt-
aður tónlistarmaður og fékkst lengst
af við rannsóknir á rímnakveðskap
og gamalli íslenskri tónlist almennt.
Hann fékkst einnig við kennslu, þýð-
ingar og myndlist. Hann hélt aðeins
eina myndlistarsýningu í lifanda lífi,
í Hafnarborg vorið 1992.
Þá er nýútkomin bók Hreins,
Kvæðaskapur - Icelandic Epic
Song, sem fjallar um tónlist ís-
lenski-a rímna og fylgir henni geisla-
plata.
Sýningin verður opin virka daga
kl. 11.30-23.30 og kl. 16-2 um helgar
og stendur til 10. desember.
----------------
„Hófadynur“
í hestamiðstöð
BJARNI Þór opnar myndlistarsýn-
ingu sína „Hófadynur" í Hestamið-
stöð íslands, Sörlaskeiði 26 v/Kald-
árselsveg í Hafnafirði, í dag
laugardag, kl. 16.
A sýningunni eru olíumálverk og
vatnslitamyndir, sem eru málaðar á
þessu ári. Myndir Bjarna einkennast
af hinum mikla krafti og léttleika,
sem eru aðalsmerki íslenska hests-
ins, segir í kynningu. Bjarni Þór býr
á Akranesi, hann stundaði nám við
Myndlista- og handíðaskóla Islands
og Myndlistaskóla Reykjavíkur.
Bjarni hefur haldið 10 einkasýningar
og 6 samsýningar.
Sýningin er opin alla daga kl. 8-17
til jóla.
Verk Guðnýjar á sýningunni.
Nytjahlutir
í glugga
GUÐNY Hafsteinsdóttir sýnir nú í
glugga Meistara Jakobs. Verkin eru
nytjahlutir úr postulíni, gúmmí og
plexígleri.
Guðný lauk kennaraprófi frá KHÍ
1981 og námi frá leirlistardeild MHÍ
1995. Hún var við nám í Danmörku
einn vetur. Einnig var hún gesta-
nemandi við Listiðnaðarháskólann í
Helsinki og á alþjóðlegum leirlistar-
vinnustofum í Ungverjalandi.
Sýningin stendur tii 1. desember.
---------*-+-*-----
Málað
á Kvíabryg-gju
PÉTUR Þór Gunnarsson opnar í
dag málverkasýningu í Hári og list,
Hafnarfirði, kl. 15 og aðra klukku-
stund síðar í Listamiðstöðinni
Straumi fyrir sunnan álverið.
Sýningin heitir „Málað á Kvía-
bryggju” og segir í fréttatilkynn-
ingu, að Pétur sýni um 50 málverk,
sem hann málaði á Kvíabryggju
meðan hann sat af sér dóm fyrir að
selja fölsuð málverk. Einnig sýnir
hann verk máluð á vinnustofu í
Straumi á síðustu vikum.
Pétur Þór er fæddur 1958. Hann
hefur haldið nokkrar sýningar hér á
landi og í Danmörku.
Sýningin í Hári og list er opin á af-
greiðslutíma og sýningin í Straumi
er opin laugardaga og sunnudaga frá
kl. 14-18. Þeim lýkur 10. desember.
Orgeltónleikar
í Dómkirkjunni
ORGELTÓNLEIKAR þar sem
Jörg E. Sondermann flytur verkið
Jobsbók fyrir lesara og orgel eftir
Petr Eben verða í Dómkirkjunni á
morgun, sunnudag, kl. 17.
Lesari á tónleikunum verður séra
Kristján Valur Ingólfsson.
„Petr Eben er í hópi merkustu
núlifandi tónskálda. Hann nam tón-
list í Prag og hefur kennt tónvísindi
við Karlsháskóla í Prag frá 1955. Frá
1991 hefur hann verið prófessor í
orgelleik við Tónlistarakademíuna í
Prag. Orgelverk hans endurspegla
skapandi styrk höfundarins, hug-
myndaauðgi í formum og laglínum
og fullkomnar útsetningar fyrii'
hljóðfærið. Frjósemi hugans kemur
einnig fram í notkun takta og hljóma,
en fyrst og fremst í ríku innihaldi og
dýpt verkanna," segir í kynningu.
Jörg E. Sondermann er fæddur í
Þýskalandi. Hann stundaði kirkju-
tónlistarnám í Herford og Dortmund
og lauk þaðan A-prófi (lokaprófi)
1980. Eftir það fór hann til Ham-
borgar og lauk þaðan einleikaraprófi
Kórtónleikar
í Fella- og
Hólakirkju
SAMKÓR Vopnafjarðar heldur tón-
leika í Fella- og Hólakirkju í dag,
laugardag, kl. 16.
Kórinn hefur haldið tónleika víðs-
vegar á Norður- og Austurlandi, en
þetta er í fyrsta skipti sem hann
syngur á höfuðborgarsvæðinu.
Á efnisskránni eru lög og ljóð
þekktra og óþekktra höfunda, þar á
meðal eftir Vopnfirðinga. Má þar
nefna Þorstein Valdimarsson, Georg
Jósefsson, Kristján Magnússon og
stjórnanda kórsins, Zbigniew
Zuchowicz, en hann er jafnframt
skólastjóri tónlistarskólans á Vopna-
firði. Undirleikari er Teresa
Zuchowicz.
á orgel 1982. Árin 1979-1997 starfaði
hann sem organisti og kórstjóri í
Westfalen og frá árinu 1985 stóð
hann fyrir tónlistarhátíð er nefnist
„westfálische Bach-Tage“. í efnisvali
sínu hefur hann lagt mesta áherslu á
verk J.S. Bach og jafnframt Max
Regers og samtímamanna hans auk
verka núlifandi tónskálda. Jörg
Sondermann flutti til Islands haustið
1997 og hefur síðan starfað sem org-
anisti í Hveragerðis- og Kotstrand-
arsóknum. Hann kennir einnig kór-
stjórn og orgelleik við Tónskóla
Þjóðkirkjunnar.
Séra Kristján Valur Ingólfsson er
fæddur á Grenivík. Hann lauk guð-
fræðiprófi frá HÍ 1974 og hefur
starfað sem sóknarprestur á Raufar-
höfn, Grenjaðarstað og ísafirði og
verið rektor Skálholtsskóla frá 1992.
Árin 1977-1985 stundaði hann dokt-
orsnám í kennimannlegri guðfræði í
Heidelberg í Þýskalandi og hefur
starfað að margskonar fræðslu- og
menningarmálum innan Þjóðkirkj-
unnar.
Djassað
í Gerðarsafni
YFIRLITSSÝNINGU Búnað-
arbankans á verkum Tryggva
Ólafssonar lýkur á morgun,
sunnudag.
Af því tilefni hafa vinir hans
sett saman djassstjörnusveit
sem mun halda tónleika í Gerð-
arsafni á morgun, sunnudag, kl.
15.
Hljómsveitina skipa margir
af fremstu djassleikurum okk-
ar íslendinga: Rúnar Georgs-
son, Árni Sceving, Tómas R.
Einarsson og Guðmundur
Steingrímsson. Kynnir verður
Vernharður Linnet.
Aðgangur að tónleikunum er
ókeypis.
Margnota kæli- og hitagelpokar
Draga úr verkjum
og minnka
bólgu
Kæli- og hitagelpokarnir frá ísgeli eru
hitaðir í örbylgjuofhi eða vatni eða kældir
í ísskáp og halda hitanum/kuldanum
lengi í sér.
Pokana má því nota jafnt sem heita og
v kalda bakstra.
Hitabakstur eykur blóðflæði til vöðva,
mýkir þreytta og stirða vöðva, dregur
úr lið- og vöðvabólgum og tíðaverkjum.
Kuldabakstur dregur úr bólgumyndun,
minnkar blæðingu og dregur úr
verkjum eftir áverka.
LO
v- -
Sölustaðir: Lyfja, Lyf og heilsa, Borgarapótek,
Grafarvogsapótek og flestar lyfjaverslanir
á landsbyggðinni. Pokarnir fást einnig hjá KÁ Selfossi,
KS Sauðárkróki og Samkaupum á Seyðisfirði og ísafirði.
------------------------------------------------------i---------------------------------i-----------------------
—