Skírnir - 01.12.1909, Qupperneq 54

342
Kvenréttindahreyfingin i Ameriku.
í Suður Dakota voru lögin samþykt í báðum þing-
deildum, en landstjórinn mótmælti þeim, og það dugði.
í Iova voru þau fyrir þinginu 1872 og 1884, en féllu
bæði skiftin með eins atkvæðis mun. í Wisconsin voru
þau samþykt 1880, en af þvi að stjórnarskrána þarf að
samþykkja á tveimur þingum, var hún aftur borin upp
1882 og féll þá með 2 atkvæðis mun. í Indiana voru
þau samþykt 1882, en komust þó aldrei i gildi. í Kansas
hafa konur kosningarrétt í sveitamálum og fylkjamálum,
en ekki pólitískan kosningarrétt. Það er Vínflokkurinn
þar, sem leggur alt kapp á að útiloka konurnar, því sjálf-
sagt er talið, að þær beiti öllum sínum áhrifum gegn vín-
sölunni.
A hundraðasta sjálfstæðisafmæli Bandaríkjanna átti að
verða mikið um dýrðir. Heimssýning átti að halda í
Philadelphiu, þar sem sjálfstæðisyfirlýsingin var gefin út.
Hátíðina átti að halda á aldarafmælinu 4. júlí 1876 í
Independencehöllinni. Hvert ríki og hver borg í öllum
Bandaríkjunum bjóst við að halda þessa þjóðhátíð eftir
beztu föngum.
I öllum kvenréttindafélögum Ameriku var rætt um,
hvernig konur ættu að taka þessu hátíðahaldi. Og öllum
kom saman um að láta það hlutlaust, af því að sjálfstæð-
isyfirlýsingin kæmi konum ekki við. Gagnvart þeim
hefðu heitin um almenn mannréttindi aldrei verið haldin.
Sumstaðar var kvenréttindafélögunum boðið að vera með
öðrum félögum í skrúðgöngunum. En þau neituðu því
kurteislega. Það væri eðlilegt að karlmenn héldu hátíð
þenna dag, en konur gætu það ekki meðan þær hefðu eng
in stjórnarfarsleg réttindi. Nema í Kaliforniu, í San
Erancisko. Þar mæltist stjórn kvenréttindafélagsins til
að þær fengju að ganga í skrúðgöngunni um götur borg-
arinnar milli Svertingjanna og Kínverja eins og þeim væri
skipað réttarfarslega.
Tveim dögum áður en hátíðin byrjaði, 2. júlí, hélt Amer-
ska kvenréttindafélagið aldarafmæli sitt, í minningu þess,
jað þann dag voru 100 ár síðan er Nýja Jersey hefði veitt kon-