Árbók Hins íslenzka fornleifafélags - 01.01.1908, Qupperneq 41

Gamlir legsteinar
í Reykjavíkur-kirkjugarði hinum eldra,
nú á Forngripasafninu.
í gamla kirkjugarðinum hér í Reykjavík, sem hefir verið breytt
í blómgarð, sést nú að eins 1 minnismerki; það er yfir frú Hedevig
Lov. Aug. Ulstrup (f. Lerche), konu R. Chr. Ulstrups landfógeta og
bæjarfógeta í Reykjavík; hún dó 13. marz 1830. Sannorðir menn
hafa sagt mér, að ekki sé mjög langt um liðið síðan þar sást leg-
steinn Geirs biskups Vidalins (f 20. september 1823)1).
Aftan á dálítið handrit um legsteina o. fl., skrifað um 1865—66
af Sigurði Guðmundssyni málara og nú geymt meðal ýmsra skrifa
eftir hann á Forngripasafninu, er skrifuð svo hljóðandi klausa2):
»í stéttinni nálægt Reykjavíkurkirkju voru 1858 3 legsteinar, 2
heilir, en 1 brotinn. Sá fjórði hafði verið settur ofan á hornstöpla
kirkjunnar þá er hún var bygð3) og var höggvið utan af honum;
hann er nú tekinn ofan og settur á þjóðsafnið. Þar var 5. steinn-
inn, hann tóku Frakkar, eg held án þess að spyrja um það. Einn
af þeim þremur, er eg gat fyrst um, er nú horfinn og hefir eflaust
farið sömu leiðina; á hann var höggvið: hjer, hvíler, under, Þor-
leifur, Hallvard, son, í, guðe, sofnaður, 1648. Sá steinn, sem Frakkar
tóku áður, var yfir einn mann, sem var bóndi í Reykjavík nálægt
miðri 17. öld og var hann þvi heldur merkur«.
Sá steinn, sem S. G. segir hér að settur hafi verið á þjóðsafnið
(þ. e. Forngripasafnið), er vafalaust steinninn nr. 20384), sem er í
skýrslu safnsins fyrir árið 1881 talinn kominn til safnsins síðasta
‘) I septembermán. þ. á. fann eg í dómkirkjunni marmaratöflu (53X35 sm.) með
árituninni: „S0RGENDE EORÆLDRE SATTE DENNE STEEN OVER WOLF-
G-ANG- JLLIUS HOPPE I AARET 1829“. Hún mun og vera úr gamla kirkju-
garðinum; nú á Eorngripasafninu.
a) Prentuð hér með „blaðamannarithætti11.
s) þ. e. 1847.
*) Hér í þessari ritgerð nr. 1.
6*