Árbók Hins íslenzka fornleifafélags - 01.01.1929, Page 72

72
14.
Reykjavík 23. Júní 1870.
Háttvirti vin!
Eg fékk sendíngu frá stúlku í Englandi til safnsins, sem er bréf
ágætlega vel ritað á skinni, sem Jón biskup Arason hefir látið rita,
og sendi eg yður hér með nákvæma afskrift af því. Eg hugsaði að
þér, ef til vill, annað hvort hefðuð ekki afskrift af því, eða þá að hún
væri naumast eins góð, en ef þér hafið það, þá er eingu spillt. —
Eg heli verið að hugsa um, að láta búa til dúkkur með kvenbún-
íngum fram að 1500, og hafa þær til sýnis á safninu. Þess vegna
væri mér mjög kært, ef þér vilduð gera svo vel og gæta að fyrir
mig, við hentugleika, mynd, sem er í ÁM. 345 in folio. Það er
Jónsbókarhandrit frá 16. öld(?) Þar eru 3 stúlkur, sem gánga brúðar-
gáng, og hefir brúðurin uppslög á ermum, og vildi eg vita litinn
á þeim, og líka hvort nokkur litur er sýndur á höfudböndunum, sem
þær hafa um faldinn. Ein stúlkan hefir og borda framan á treyjunni, undir
spennunum. Eg þarf að vita litinn á þeim. Eg sé að maður getur
líklega fengið allt kvensilfur, fram að 1500, og væri gaman að setja upp
alla þá helztu búnínga í fullri stærð, en mig vantar að vita, hvort
höfuð muni fást á slíkar dúkkur í fullri stærð, lagleg og með þol-
anlegum hörundslit, og hvað þau kosta, ef þau fást. Eg þarf seinna
að biðja konu yðar að grenslast eptir þessu fyrir mig.
Eg hefi fulla ástæðu til að biðja yður að afsaka þetta kvabb,
en eg er neyddur til þess, því allir aðrir, sem eg hefi beðið um það,
hafa alveg skellt við því skolleyrunum, en þetta þarf eg nauðsyn-
lega að fá fyrir safnið.
Forlátið þessar línur.
Yðar
Sigurður Guðmundsson.
Mér gleymdist að spyrja um litinn á púngnum, sem sýndur er
hángandi við beltið á þessum fyrgreindu kvennamyndum. Fötin eru
blá, ef eg man rétt (myndina hef eg, en litalausa).
(S. G.)