Árbók Hins íslenzka fornleifafélags - 01.01.1970, Qupperneq 28

32
ÁRBÓK FORNLEIFAFÉLAGSINS
Kirkjustæðið á Varmá, áSur en uppgröfturinn hófst. Við lækinn til vinstri eru
bæjarrústirnar. — The church site at Varmá before excavation.
svonefnda Varmárklauf. Ekki voru byggingar á hólnum, þó mátti sjá
óglöggt móta fyrir kofatóft efst á honum.
Þessi hóll hafði mörg einkenni íslenzkra bæjarhóla. Oft eru bæjar-
hólar að miklu leyti leifar byggingarefnis þeirra húsa, sem á þeim
hafa staðið. Hafa þeir þá að geyma fjölda gólfskána, veggjabrota og
húsatófta. Getur oft verið mjög torvelt að greina milli einstakra
atriða. Byggingarefnið sem varanlegast er, torf og grjót, hefur verið
hið sama um aldabil og því erfitt að skera úr um á stundum, hvort
hús hafa verið endurbætt ellegar byggð upp að nýju. Mikilvægastar
til viðmiðunar eru steinaraðir þær sem oft er að finna undir torf- og
moldarveggjum. Séu ljósar og jafnar leifar torfs til staðar eru þær
og hinar mikilvægustu, einkum ef greinilegt samband steina og torfs
er sjáanlegt. Þegar kemur til gólfskána vandast hinsvegar málið. Það
er hugsanlegt að þær hafi stundum verið hreinsaðar út úr húsum, ef
þær gerðust mjög þykkar. Þá er einnig hugsanlegt að mold eða leir