Árbók Hins íslenzka fornleifafélags - 05.01.1986, Blaðsíða 94

156
ÁRBÓK FORNLEIFAFÉLAGSINS
byrðis og þykkt þcirra, bentu til þess, að þarna væru á ferðinni mið-
aldalagið (það neðra) og K-1500 (það efra).
Niðurstaða rannsókna Gunnars varð sú, að ætla mætti, að mannvist-
arleifarnar væru eldri en bæði gjóskulögin. Það er a.m.k. frá því fyrir
1340, og sennilega fyrir 1226. Þó hafði hann þann fyrirvara á niður-
stöðum sínum, að efnagrcining á gjóskulögum kynni að leiða annað í
Ijós.21
Svo sem fyrr segir, fannst gjóska aðeins í jarðvegssniðunt út við
Vonarstræti. Vakti það furðu, að enga gjósku var að finna annars staðar
á uppgraftarsvæðinu. Jarðlagaskipanin var mjög mikið röskuð víðast á
svæðinu, ,svo vera kann, að K-1500 og ntiðaldalagið, hafi þar blandast
moldinni.
Um landnámslagið er það að segja, að hugsast gæti, að byggingartorf
með landnámslagi í hafi verið rist á lóðinni þar sem Suðurgata 7 var
síðar byggð. Skýrði það hugsanlega hvers vegna landnámslagið fannst
í og ofan á veggjatorfi húsa, sem grafin voru upp að Suðurgötu 3-5, en
hvergi að Suðurgötu 7.22
CÍ4 aldursgreining
Þar sem viðarkol voru einu lífrænu leifarnar, sem fundust í húsi IV,
voru viðarkolasýni send til C14 aldursgreiningarstofnunarinnar í Kaup-
mannahöfn.23
Frjókornarannsóknir í Reykjavík benda til þess, að birkiskógur hafi
vaxið í Reykjavík við landnám, en svo eyðst fljótlega eftir landnámið.24
Greining á viðarkolasýnunum, sem send voru til Kaupmannahafnar
(K 4271 )25, leiddi í ljós, að um væri að ræða leifar af birki (Betula), sem
talið í C14 árum reyndist vera 1100 4-—75BP eða frá um 850 e.Kr.
+—75.26
Eftir að talningin hafði verið leiðrétt út frá leiðréttingarkúrvu Stui-
vers varð aldursgreiningin: 950-975 e.Kr.27
Viðarkolin reyndust gerð úr grönnum stofnum eða greinum, og taldi
Claus Malmros viðarfræðingur hjá C14 aldursgreiningarstofnuninni í
Kaupmannahöfn, að um íslenskan við væri að ræða. Hann taldi smæð
viðarins benda til þess, og auk þess væri frumugerð viðarins annars
konar en í miðevrópsku birki.2x
Á undanförnum árum hafa sérfræðingar ekki verið sammála um
áreiðanleika niðurstaða C14 aldursgreininga úr íslenskum sýnum. Ing-
rid Olsson, sérfræðingur í C14 aldursgreiningu hjá Uppsalaháskóla
hefur aldursgreint mörg sýni frá íslandi. Hún telur niðurstöður
aldursákvarðana sinna gefa of háan aldur. Hún hefur getið sér þess til,