Óðinn - 01.01.1922, Blaðsíða 29

ÓÐINN
29
þau, að hún veitti fjölda mörgum ráð og liðveitslu.
Veitti stúkunni »Perlan« forstöðu, og tók drjúgan
þátt — á tímabili — í starfsemi Hins íslenska kven-
fjelags í Reykjavík. Frú Margrjet var í störfum og
anda sveitakona; hún unni sveitalífinu og gladdist
yfir því að vera bóndadóttir. Hún var laus við alt
höfðingjadekur og dramb, þótt hún umgengist mjög
fólk í »hærri stöðu«, væri kona embættismanns og
ætti fyrir bróður einn allra merkasta embættismann
þessa lands. Hún var jafnan öruggur og viss liðs-
maður og hjelt fast við sína skoðun í hverju máli,
og hafði áhuga fyrir öllum málum, sem henni virtist
horfa til bóta. Lestur bóka stundaði hún meira en
alment gerist. Af öllu lesmáli unni hún mest ljóðum,
einkum þar sem sveitasælan var útmáluð og hugur-
inn barst á vængjum vindanna. Kunni hún vel að
meta háfleygi andans og kjarna ljóðanna. Sálmar
voru og hennar yndi.
Margrjet sál. var hin mesta fríðleikskona og hjelt
sjer vel, alt til hins síðasta. Heilsa hennar var og
góð um dagana; átti hún það eflaust mikið að þakka
glaðlyndi sínu og bjartsýni, sem hún hjelt jafnan og
voru einar af hennar dýrmætustu vöggugjöfum.
Vinir hennar sakna hennar mjög, finna sig óstyrk-
ari, höfðu ekki gætt þess, fyrri en dauðinn barði að
dyrum, að hún var orðin svo öldruð kona. En nú er
hún komin í vinahópinn fyrir handan.
Jón H. Þorbergsson.
Nýja kvikmYndaleikhúsiö. — „Nýja Bíó“.
12. apríl þ. á. voru liðin 10 ár frá
stofnun hlutafjelagsins, sem kom upp
Nýja kvikmyndaleikhúsinu hjer í bæn-
um, en fyrsta sýningin var haldin þar
4. júní 1912. Eldra kvikmyndaleikhúsið,
»Gamla Bíó«, hafði þá starfað hjer eitt
um nokkurra ára skeið.
Stofnendur hf. Nýja Bíó voru þessir:
Friðrik og Sturla Jónssynir, Sveinn
Björnsson þáverandi yfirdómslögmaður,
Pjetur Gunnarsson kaupmaður, Carl
Sæmundsson stórkaupmaður og Pjetur
Brynjólfsson ljósmyndari. Var hinn síð-
astnefndi ráðinn framkvæmdastjóri fyrir-
tækisins. Hafði fjelagið fengið húsnæði
á Hótel ísland, þar sem nú er veitinga-
salurinn, og þar var kvikmyndahúsið
þangað til vorið 1920, eða í rúm átta
ár. Pjetur Brynjólfsson hafði stjórn fyr-
irtækisins í eitt ár. En í maímánuði voriðl913 tók við
stjórninni danskur maður, Bang að nafni, og stjórn-
aði hann kvikmyndahúsinu í tæpt ár. Tók þá við
stjórninni Bjarni Jónsson frá Galtafelli, er hafði þá
nýlega farið utan til þess að kynna sjer rekstur kvik-
myndahúsa. Hefur hann stjórnað þessu fyrirtæki síðan.
Fyrstu tvö árin var hann starfsmaður hlutafjelagsins,
sem áður er getið, en haustið 1916, í október, keypti
hann öll hlutabrjef fjelagsins, og var einn eigandi
kvikmyndahússins um hríð, eða því sem næst.
Árið 1919 var Nýja Bió sagt upp húsnæði því, er
það hafði á Hótel ísland, frá vorinu 1920 að telja.
Var nú úr vöndu að ráða fyrir fjelagið, því hvergi
var að fá hentugt húsnæði fyrir kvikmyndahús, síst á
góðum stað. Rjeðist því Bjarni í að byggja nýtt kvik-
myndaleikhús, Nýja Bíó, sem nú er, þrátt fyrir óhag-
stætt árferði til bygginga. Var byrjað á byggingu
hússins 8. maí 1919, en fullgert var það rúmu ári
síðar og vígt 19. júní 1920. Hús þetta kostaði á
fjórða hundrað þúsund krónur, enda er það stærsta
samkomuhúsið í bænum. Var ekkert til sparað, að
það yrði sem best úr garði gert á allan hátt, enda
munu ekki vera til margir bæir á stærð við Reykja-
vík, sem hafa eins fullkomið kvikmyndahús. Árið