Tímarit Hins íslenzka bókmentafélags - 01.01.1880, Síða 6

•-
Um
Sturlunga sögu og Prolegomena
eptir Dr. Guðbrand Vigfússon. Oxford 1878. ~|
Eptir Benedict Gröndal.
Sú lífsskoðun og vísindalega rannsókn, sem hin ómet-
anlegu fornrit vor hafa valdið á Noróurlöndum, hefir
breytzt mikið á hinum seinni árum. fegar fyrir og í
kringum aldamótin, þaðan í frá og á meðan fornfræða-
félagið stóð í sem mestum blóma (o: á dögum Rafns),
þá kvað svo mikið að þeim auði, sem hin fornu fræði
fela í sér, að hann hafði áhrif á alt líf Norðurlanda;
málfræðin, goðafræðin og háttfræðin fengust við stór-
kostlegar og fagrar hugsanir, sem höfðu áhrif á þjóð-
irnar og settu á þær annan og fegri blæ, en áður
höfðu þær. Nú eru menn komnir í alt aðra stefnu,
nú er alt skoðað með sjónaukum sálarinnar; í staðinn
fyrir hinar skáldlegu hetjur og hina unaðlegu skoðun
á undralífi fornaldarinnar, þegar menn kváðust á i dauð-
anum og voru vinir eða óvinir goðanna, dverganna,
tröllanna og landvættanna, þegar menn glímdu við
drauga og unnu til kvenna með kröptum og kvæðum
— í staðinn fyrir þetta fást menn nú við Homiliubæk- ^
ur og hljóðvörp. þ>etta er raunar eðlilegur gangur
hlutanna; menn þreytast á að fást ávalt við hið sama,
og andinn þarf tilbreytingar við, sér til endurlífgunar
og hressingar, enda þótt eigi sé búið að tæma það,
sem hann hvarf frá. Ef vér undanskiljum þ>jóðverja-