Tímarit Hins íslenzka bókmentafélags - 01.01.1880, Blaðsíða 44

44
að sléttun hverrar dagsláttu kostaði 200 kr., verður þá
sléttunar-kostnaðurinn 2400 kr. Túngarðurinn kring um
það set eg að verði 450 faðmar, og þegar kostnaður-
inn við hvern faðm er metinn 1 kr. 33 a., þá hleypur
girðingar-kostnaðurinn 598 kr. 50 aur., eða í tugatölum
600 kr. Allur kostnaður við sléttun og girðing túnsins
verður þá 3000 kr. Eg set nú, að við túnbót þessa vaxi
árlegi arðurinn um 6 heyhesta afhverri dagsláttu, svo
að nú fáist eins 13 hestar af dagsláttunni að jafnaðar-
tali, eins og áður fengust tæpir 7.; hefir þá töðuaflinn
aukizt um 72 hesta, og sé hver þeirra reiknaður affeins
á 4 kr. verður upphæðin..................288 kr.
Verksparnaður m. m., eptir áður sögðu, við
dagsláttuna 6kr., gjöra við 12 ..........72 kr.
Koma 360 kr.,
sem sýnir, að 12 kr. ágóði kemur árlega af hverjum
100 krónum kostnaðarins.
En — þegar tún er svona sléttað og girt, þá er
líkast til, að ágóðinn verði meiri, en eg hefi til þessa
talið, og skal eg sanna það með dæmum, teknum úr
búnaðarskýrslum Suðuramtsins.
í Hvítaness-túni í Borgarfjarðarsýslu eru vellir,
sem gefa 28 hesta töðu af dagsláttunni, og blettur er
þar, sem gaf af sér að tiltölu eins og 60 hestar fengj-
ust af dagsláttu. Af Hvítaness-túni, sem er rúmar 20
dagsláttur að stærð, fékkst rúmur hálfur fjórtándi hest-
ur (>3.65) af dagsláttu að meðaltali.
Dannebrogsmaður Geir Zóega í Reykjavík fær
nálægt 120 hestum töðu af túni sínu, sem er 4 dag-
sláttur á stærð. Bóndi í Hafnarfirði fékk 20 hesta að
tiltölu af dagsláttu, af bletti, sem hann hafði grætt upp.
Björn prófastur Haldórsson, sem bjó á næst liðinni öld
(1752—1781) i Sauðlauksdal, ætlar til í Atla, að kýr-
fóðrið, eða það sem eg kalla 40 hesta, fáist af hálfri
annari dagsláttu það er 26% hestar af dagsláttunni.