Eimreiðin - 01.09.1903, Side 52

212
legg eg þá ríkt á við hann, að bíða kyrran með dyrnar læstar
að sér og ljúka ekki upp fyrir neinum nema hann heyri mig kalla.
Hermes. Nú skulum við þá fara inn í Attíku; haltu í skikkju
mína og fylgdu mér þangað til við komum í útberjuna hans
Tímons.
Auður. það er vel gert af þér, Hermesminn! að leiða mig,
því ef þú yfirgæfir mig, þá gæti ég auðveldlega lent í fanginu á
honum Hyperbolos eða honum Kleon.1 En hvaða hljóð er þetta?
Pað er því líkast, sem járn stappi við stein.
31. Hermes. Pað er hann Tímon, hann er þarna að pæla
í grýttu fjalllendi skamt frá okkur. Hvað sé égP hún er þá þarna
hjá honum, hún Örbirgð (Penía), Erfiðið, þolgæðið, Vizkan og
Karlmenskan og allar þær verur, sem Hungrið hefir yfir að segja,
og miklu eru betri en þitt lið.
Auður. Ætli það sé þá ekki bezt, Hermes! að við drögum
okkur burt hið bráðasta ? Pað er þó ekki líklegt að okkur verði
neitt verulegt ágengt við mann, sem umkringdur er af slíku liði.
Hermes. Annað vill þó Sevs vera láta. Við megum ekki
láta okkur hugfallast.
32. Örbirgð. Hvert ertu að leiða blinda manninn þarna,
herra Argus-bani!2
Hermes. Til hans Tímons hérna, við erum sendir af Sevs.
Örbirgð. Hvað! er Auður nú sendur til hans Tímons, sem
ég tók svo illa leikinn af Sællífinu og fékk í hendur Vizkunni og
Erfiðinu og gerði með þeim hætti úr honum duglegan og mikils-
verðan mann? Er hún þá svo lítilsverð í ykkar augum, hún Ör-
birgð, og þykir ykkur svo lítið fyrir að gera á hennar hluta, að
þið viljiÖ svifta hana þeim eina grip, sem hún á, — einum góð-
um manni, sem hún hefir unnið dygðinni til handa? verður svo
þetta ekki til annars, en að Auður ofurselur hann aftur Drambinu
og Hrokanum og fær mér hann að síðustu aftur eins og annan
ræfil, þegar hann er búinn að gera úr honum ódreng og vitsljótt
kveifarmenni.
Hermes. Hvað um gildir, Örbirgð! svona vill Sevs hafa það.
1 Hyperbqlos lampasali og Kleon sútari vóru nafntogaðir lýðæsingamenn á
tímum Pelopseyjar-ófriðarins.
2 Argus-bani er eitt af kenningarnöfnum Hermesar. Þegar Sevs lagði ást
við íó, fyltist Hera eiginkona hans afbrýði og setti Argos, (hinn hundraðeyga), til
að gæta hennar. Drap Hermes Argos að boði Sevs.