Dagblaðið Vísir - DV - 30.12.1981, Blaðsíða 22

22
DAGBLAÐIÐ& VÍSIR. MIÐVIKUDAGUR 30. DESEMBER 1981.
Desember
Desember er mánuður ljósanna —
jólaljósanna og áramótaflugeldanna.
Desember er einnig mánuður flóðanna,
svo sem jólabókaflóðsins og auglýs-
ingaflóðsins. Það þarf varla að taka
þaö fram að desember var einstaklega
kaldur mánuður.
Úrslit í prófkjöri sjálfstæðismanna
lágu fyrir 1. desember. f ljós kom að
Davíð Oddsson hlaut flest atkvæði í
prófkjörinu, Markús Örn Antonsson
varð annar og Albert Guðmundsson
þriðji. Á eftir þeim komu svo Magnús
L. Sveinsson, Ingibjörg Rafnar og Páll
Gíslason.
Nóvember
Ekki skánaði veðrið mikið í nóvem-
ber. Mánuðinn var kaldari en menn
eiga að venjast og einhvern veginn virt-
ist skammdegið myrkara en venjulega.
Þetta er kannski einstaklingsbundið.
Nóvember byrjaði og endaði með
Sjálfstæöisflokknum. Byrjaði með for-
mannskjöri á Landsfundi Sjálfstæðis-
flokksins, en endaði með prófkjöri
fyrir borgarstjórnarkosningarnar i
Reykjavík.
Geir Hallgrimsson var endurkjörinn
formaður Sjálfstæðisflokksins með
miklum yfirburðum. Sigraði hann þar
Pálma Jónsson. Þá var Friðrik Sóphus-
son kjörinn varaformaður flokksins.
Mikill meirihluti fulltrúa á landsfund-
inum greiddi síðan atkvæði gegn ríkis-
stjórn Gunnars Thoroddsen, sem að
sjálfsögðu sat landsfundinn.
Skrefatalning bæjarsímtala hófst
fyrsta nóvember. Miklar umræður
höfðu farið fram um málið og virtust
flestir vera breytingunni andsnúnir,
enda hækkar skrefatalningin símreikn-
inga allflestra.
Vopnaflutningar
I nóvember var ýjað að því, að
Arnarflug stæði í vopnaflutningum, en
Arnarflug virðist ekki hafa verið eitt
um það. Upp komst sá kvittur, að
Flugleiðaþotur flyttu vopn til Saudi-
Arabíu og jafnvel Líbýu, og skömmu
síðar bárust fréttir af því að Laxfoss
væri i flutningum fyrir egypzka herinn.
Hundahald í Reykjavík er sem
kunnugt er bannað. Snemma í nóvemb-
er gerði einn þessara ólöglegu hunda
sér lítið fyrir og klessukeyrði Range
Rover eiganda síns — og það án þess að
hafa fengið bílinn lánaðan. Eigandinn
hafði skroppið úr bilnum og skilið
hundana sína tvo eftir. Annar hundur-
inn sparkaði í gírstöngina með þeim af-
leiðingum, að bíllinn fór af stað.
Billinn nam ekki staðar fyrr en hann
var kominn hálfur inn um glugga á
Blikksmiðjuni Gretti. Talsverðar
skemmdir urðu á bílnum. Hundurinn
mun ekki hafa neytt áfengis, en var
réttindalaus. Hann hefur lofað bót og
betrun.
Gengisfelling hafði lengi verið yfir-
vofandi. 10. nóvember tóku stjórnvöld
af skarið og lækkuðu gengið um 6,5
prósent. Andstæðingar stjórnarinnar
voru náttúrlega óhressir með þessar
aðgerðir og sögðu að gengisfellingar-
aðferðin hefði fyrir löngu gengið sér til
húðar. Þeir bentu jafnframt á að
gengið hefði auk þess verið fellt allt of
lítið og of seint.
Krydd í skammdeginu
Nágrannaerjur í húsi nokkru að
Þingvallastræti á Akureyri krydduðu
tilveruna fyrir norðanmönnum. íbúar
hússins deildu hart um tilveru veggs
nokkurs i kjallaranum, og ýmist rifu
vegginn niður eða reistu á nýjan leik og
fengu til þess lögregluvernd.
Rétt áður en verkföll bókagerðar-
manna og blaðamanna áttu að skella á,
skemmti Ólafur Ragnar Grímsson
landsmönnum með lýsingum á nætur-
lífinu um borð í flugmóðurskipum og
áhrifum næturdvalar í slíkum dalli á
embættismenn.
Eina nóttina, svona upp úr þurru að
því er virtist, sömdu VSÍ og ASÍ um
3,25% kauphækkun. Þetta kom öllum
á óvart og héldu margir að hér
væri um siðbúið aprílgabb að ræða.
Verkfall bókagerðarmanna skall á
14. nóvember og lamaði það blaða- og
bókaútgáfu um sinn. Skömmu áður
höfðu blaðamenn samið um 3,25
prósentin, sem ASÍ hafði gert sig ánægt
með. Verkfall bókagerðarmanna stóð í
tíu daga og fengu þeir þá sömu kaup-
hækkun og aðrir launþegar.
Áttunda Kröflugosið í Mývatns-
eldum hinum síðari hófst 18.
nóvember. Gosið var kröftugt í fyrstu,
en stóð aðeins í rúma viku. Meðan
hæst lét gaus á átta kílómetra langri
sprungu.
Sögulegar sættir urðu í blaðaheim-
inum 26. nóvember. Þetta héldu menn
að væri annað aprílgabbið á skömmum
tíma, því nú var því haldið fram að
Dagblaöið og Vísír, erfðafjendurnir,
heföu sameinazt. Og sjá, þetta var
ekkert gabb. í stað tveggja síðdegis-
blaða var nú komið eitt stórt og gott
blað. Ritstjórar þess eru Jónas
Kristjánsson og Ellert B. Schram.
Blandaðar tilfinningar
um Blöndul
Mikið var rætt um Blönduvirkjun
þennan mánuðinn. Hreppsnefndir
nyrðra ræddu um tillögu rikisstjómar
og Landsvirkjunar og tóku málaleitan-
inni næsta fálega flestar. Málið er í eins
konar biðstöðu þessa stundina.
Verðbólgan á árinu varð rúm 40
prósent, segja stjórnvöld, aðrir segja
að hún hafi verið meiri, enn aðrir að
hún hafi verið mun meiri. Hvað sem
verðbólgunni líður má gleðja ungt fólk
sem hefur hug á að festa kaup á sinni
fyrstu fasteign, á því að ibúaðverð
hefur hækkað um 80% á árinu. Þeir
sem ekki hafa látið leiðast út í kapp-
hlaupið um steinsteypuna geta svo
yljað sér við þá staðreynd, að meðal-
hækkun húsaleigu hefur aðeins verið
um hundrað prósent milli ára að und-
anförnu.
Fimmtán ára gömul stúlka varð fyrir
hrottalegri árás 5. desember. 28 ára
gamall maður batt stúlkuna og keflaði
og stórslasaði hana siðan með skrúf-
járni og kveikjara.
í desember var tilkynnt, að I bígerð
væri stofnun félagsskapar sem hefði
það á stefnuskránni að berjast gegn
gjörningum. Skömmu síðar var auglýst
fjölskynjunarmessa í Bústaðakirkju.
Fyrir framan altarið átti meðal annars
að framkvæma ballett og gjörninga.
Mikið kuldakast kom í desember um
mestallt landið. Kuldanum fylgdi
mikill gjóstur þannig að kælingin varð
stundum 30—40 gráður i mínus.
Mikið tjón varð er verkstæði Egils Vilhjálmssonar brunnu til kaldra kola.
DV-mynd Einar Ólason.
í miðju
kuldakastinu
I miðju kuldakastinu kom yfirlýsing
frá Dagblaðinu Tímanum, að það
hygðist slíta samstarfinu í Blaðaprenti
að mestu leyti. Áður hafði Vísir slitið
samstarfinu við Blaðaprent, og nú er
útlitið dökkt hjá þessari prentsmiðju.
Það var einnig í kuldakastinu að
tveir menn um tvítugt urðu uppvisir að
stórfellduávísanafalsi.Höfðu þeir gefið
út ávísanir fyrir allt að 60 þúsundum
króna, þar af höfðu þeir símsent ávís-
anir fyrir tuttugu þúsund krónur. Þeir
höfðu síðan lifað í vellystingum prakt-
uglega í tíu daga áður en hinn langi
armur réttvísinnar hnippti í þá.
Nú þykir það vist ekki fínt lengur að
heita Jón eða Guðrún, alla vega eru
þetta ekki lengur algengustu manna-
nöfnin á Islandi. Þór og Kristín hafa
tekið forystuna.
Tvö leiðinleg atvik urðu rétt fyrir jól.
1 fyrsta Iagi brann gamli góði Sjallinn á
Akureyri og varð af því milljónatjón.
Síðan gerði lögreglan sér lítið fyrir
og handtók jólasveininn. Hurðaskellir
var að gefa alþingismönnunum epli en
þau hljóta víst hafa verið vond því einn
þingvarðanna hringdi á lögregluna.
Jólasveinninn var því hnepptur í varð-
hald en sem betur fer var honum fljót-
lega sleppt. Því hvað eru jól án jóla-
sveins?
Aldrei hefur verið sendur meiri jóla-
póstur en í ár, að sögn póstmanna.
Sjálfsagt hefur heldur aldrei verið gefið
jafnmikið út af bókum og i ár. Hvorki
fleiri né færri en 420 bókatitlar sáu
dagsins ljós að þessu sinni, og var
bókasalan mikil að venju. Bezt seldust
bækurnar um Gunnar Thoroddsen og
Ólaf Thors, en aðrar komu fast á eftir.
Mest seldaíslenzkahljómplataní ár var
plata Gunnars Þórðarsonar, Himinn
og jörð.
Fjórir ungir menn fórust með flugvélinni TF-ROM. Mjög viðtæk leit var gerð að
vélinni.
Október
Október var ekkert frábrugðinn
öðrum mánuðum ársins hvað veðurfar
snertir. Á nær öllum veðurstöðvum
landsins var hitinn töluvert undir
meðallagi. Ekki var enn hægt að ná
upp kartöflum Eyfirðinga, nema ef til
vill með jarðborum, og skiðasvæði
Akureyringa var opnað um miðjan
mánuðinn. Svo snemma árs hefur
skíðasvæðið aldrei áður verið opnað.
Annars má segja, að allt hafi gengið
sinn vanagang í október. Óeining um
fiskverð og flotinn hótaði að sigla í
land, útgerðin á hausnum, verkföll
yfirvofandi í flestum starfsgreinum og
mjólkin súr.
Bflbeltin lögfest
Annars byrjaði október með því að
reglugerð um skyldunotkun bílbelta
tók gildi. ökumenn og farþegar tóku
nýju reglunum með kostum og kynjum
og sýndu kannanir að meirihluti þeirra
notaði beltin. Seinni kannanirhafahins
vegar sýnt að aftur hefur diegið úr
notkuninni. Þvi er full ástæða til að
minna fólk á að lögum samkvæmt á
það að spenna bilbeltin.
Flutningaskipið Mávurinn strandaði
í Vopnafirði annan október. Skipið var
að lesta fisk og var nær fulllestað,
þegar mikill leki kom að skipinu. Skip-
stjórinn sá þann kost vænstan að sigla
skipinu upp í grynningar til að koma í
veg fyrir að það sykki. Slæmt veður
var á strandstað og því erfitt að ná
varningnum. Gat kom á lestar skipsins
og fiskinn rak upp á iand. Skipið er
talið ónýtt.
Lífshlaup Kjarvals olli áfram
deilum. Eigandi verksins, Guðmundur
í Klausturhólum, vildi selja borginni
Lífshlaupið, borgin vildi kaupa en ekki
greiða uppsett verð. Kom þá upp sá
kvittur að Guðmundur myndi selja
verkið til útlanda. Meðal annars áttu
dönsk brugghús að hafa haft mikinn
áhuga á þessari myndskreyttu vinnu-
stofu. Ekkert varð þóaf þessum sölum.
Uppvíst varð um nokkur fikniefna-
mál. Athyglisverðast var þó svokallað
niðursuðudósamál. Talsverðu magni af
kannabisefnum var smyglað til landsins
i niðursuðudósum merktum „Dönsk
kæfa”. Margir voru yfirheyrðir vegna
þessa máls. Þá voru tvær unglings-
stelpur teknar bjargarlausar á Selfossi
vegna ofneyzlu sjóveikitaflna, en vand-
séð er hvað menn eru að gera með sjó-
veikitöflur á Selfossi yfirleitt!
Um miðjan mánuðinn fundust lik
átta varnarliðsmanna sem fórust með
flugvél á Mýrdalsjökli fyrir 28 árum.
Höfðu menn á orði að jökullinn skilaði
ætíð því sem hann tæki, þó nokkur bið
kynni að verða á því.
Fjárskaði á
hafi úti
Fjárskaði varð í hafinu út af Aust-
fjörðum í október en fjárskaðar á þeim
slóðum eru ekki tíðir, sem betur fer.
Varðskipið Ægir var að flytja 600 fjár
milli Reyðarfjarðar og Mjóafjarðar, er
alda reið yfir skipið og sextán kindur
drukknuðu.
Snarráður strætisvagnastjóri bjarg-
aði tveimur ungmennum úr brennandi
bílflaki á Hvaleyrarholti 18. október.
Bíllinn hafði lent I hörðum árekstri,
kastazt út af veginum og oltið. Við
áreksturinn kviknaði í bílnum og er
strætisvagnastjórinn sá það fór hann
að bílnum og dró ungmennin lítið
slösuð út.
Vikurit Vilmundar Gylfasonar, Nýtt
land, hætti að koma út. Alls komu út
sex tölublöð.
Forseti fslands, Vigdís Finnboga-
dóttir, fór í opinbera heimsókn til
Noregs og Svíþjóðar. Vigdís heillaði
þessar bræðraþjóðir okkar, eða eins og
fréttaritari DV í Noregi orðaði það:
„Vigdís vann Noreg með brosi.”
Nemendur MH gengu harðast fram í
mótmælaaðgerðum við nýja reglugerð
um áfangaskóla seinni partinn í
október. Nemendurnir tóku skólann og
lokuðu honum í einn dag og voru auk
þess í verkfalli i nokkra daga.
Rekstrarerfiðleikar voru talsverðir
hjá Flugleiðum og Cargólux í mánuðin-
um, og Arnarflug var sakað um ólög-
legt vopnaflug.
Nokkrar stórstjörnur komu til lands-
ins í október, þeirra á meðal Platters,
Dubliners og Gary Numan.
Það verður bið á þvi að menn fái sér neðan í því I Sjallanum á Akureyrí, þvi hann brann i desember.
DV-myndir GS-Akureyri.
INIMLENDUR FRÉTTAANNÁLL 1981