Dagblaðið Vísir - DV - 10.02.1986, Blaðsíða 8

8
DV. MÁNUDAGUR10. FEBRÚAR1986
Útlönd ÚUönd Útlönd ÚUönd ÚUönd
SÝNING-
UMÁ
EVÍTU
LOKIÐ
Eftir átta óra sigurgöngu er sýn-
ingum á söngleiknum Evítu nú lokið
í London.
Höfundarnir, Tim Rice og Andrew
Lloyd Webber, hafa ekki þurft að
kvarta yfir aðsókn. Söguþráðurinn
byggir sem kunnugt er á litríkum
æviferli ekkju Juan Peron, fyrrum
forseta Argentínu.
Alls skilaði söngleikurinn inn yfir
32 milljónum dollara í aðgangseyri.
Það var fullt út úr dyrum í Prince
Edward leikhúsinu í London á laug-
ardagskvöld er söngleikurinn var
sýndur þar í 2913. sinn og jafnframt
það síðasta í London í bili.
Gestir létu sig ekki muna um að
borga yfir 6000 krónur fyrir að-
göngumiðann enda mikið um stór-
menni á síðustu sýningunni.
Versta
lestar-
slys i
Kanada
Að mmnsta kosti 40 manns létust
og yfir 80 slösuðust í miklu lestar-
slysi við borgina Hinton í Alberta-
fylki í Kanada á laugardagsmorgun.
Slysið varð með þeim hætti að
farþegalest ók á flutningalest er
skipt hafði verið á ranga brautar-
teina.
Við áreksturinn gaus upp mikið
eldhaf og torveldaði það allt björg-
unarstarf.
Yfir hundrað björgunarmenn unnu
að björgun fólks úr brakinu í á annan
sólarhring. Ekki er enn vitað ná-
kvæmlega hve margir létust vegna
þess að farþegalisti var aldrei gerður.
Búist er við að taka muni nokkra
daga að staðfesta endanlega hve
margir létust.
Enn hefur engin ástæða verið gefin
fyrir slysinu en sterklega er talið að
hér hafi mannleg mistök átt sér stað.
Yfirvöld í Albertafylki telja þetta
eitt versta lestarslys í sögu Kanada.
Orðrómur
um
frelsi Mandela
Þeim orðrómi vex nú stöðugt fiskur
um hrygg að blökkumannaleiðtog-
anum Nelson Mandela verði sleppt
úrfangelsi.
Haft er eftir eiginkonu hans,
Winnie, í Jóhannesarborg í gær að
nú sé einungis tímaspursmál fyrir
stjómvöld í Pretóríu hvenar honum
verði sleppt úr haldi.
Winnie Mandela heimsótti eigin-
mann sinn í Pollsmoor öryggisfang-
elsið í Höfðaborg um helgina. „þeir
verða að leysa hann úr haldi, spum-
ingin er aðeins hvenær,“ sagði
Winnie Mandela eftir heimsóknina.
Svipaður orðrómur kom einnig upp
8kömmu fyrir síðustu jól en dó aftur
skömmu eftir áramót.
Talið er að sex manns hafi látið
lífið i óeirðum í Suður-Afríku um
helgina, þar á meðal hvítm- lögreglu-
maður er varð fyrir árás blökku-
manna við Höfðaborg.
Hundruð erlendra ferðamanna á Haiti óttast nú auknar ofbeldisaðgerðir eftir flótta Duvalier. Enn hafa fæstir ferðamannanna komist i burtu vegna þess að
flugvellir og hafnirerulokuð.
Hundruð ferðamanna
innlyksa á Haiti
Hundruð erlendra ferðamanna eru
nú innlyksa á Haiti vegna þess að
samgöngur hafa legið niðri fró því
ný ríkisstjóm tók við völdum eftir
Duvalier.
Flugvélum í millilandaflugi hefur
verið bannað að nota eina alþjóða-
flugvöll landsins í höfuðborginni
Port Au Prince og samgöngur á sjó
hafa engar verið.
Ró virðist komin á í landinu eftir
nokkurra daga óeirðir og takmarka-
laus fagnaðarlæti yfir flótta Duvali-
er.
f kjölfar flóttans hafa ofsóknir
gegn fyrrum embættismönnum for-
setans og mönnum í illræmdum ör-
yggissveitum hans vaxið til muna.
Ottast menn nú mjög að til frekari
ofbeldisverka kunni að koma eftir
að fagnaðarlátum yfir flótta forset-
ans linnir.
Er sérstaklega búist við að reiði
manna muni bitna á þeim er þóttu
handgengir Duvalier.
Bandarískir ferðamenn á Haiti
hafa kvartað yfir því við sendiráð
sitt í höfuðborginni að bandarísk
stjómvöld hafi ekkert gert til að
koma þegnum sínum úr landi vegna
hins hættulega ástands er þeir telja
ríkja í landinu.
Forráðamenn Club Mediterranean
hótelsins, vel þekkts lúxushótels, er
þéttsetið var af ferðamönnum er
Duvalier flúði land, hafa farið þess
á leit við hin nýju stjómvöld að þau
leyfi sérstakri Boeing 747 þotu að
lenda til þess að taka yfir 200 gesti
hótelsins er enn hafa ekki komist í
burtu.
„Bandaríkjamenn sendu sérstaka
flugvél til að nó í Duvalier og koma
honum í burt. Af hverju senda þeir
ekki eftir okkur líka, við virðumst
alveg hafa gleymst,“ sagði vonsvik-
inn bandarískur ferðamaður í Port
Au Prince er beið þess að komast
úr landi.
Ferdaskrif-
stofan
Tjæreborg
til sölu
Haukur Lárus Hauksson, fréttarit-
ari DV í Kaupmannahöfn:
Ein stærsta ferðaskrifstofa Norð-
ur-Evrópu, Tjæreborg, ásamt flug
félaginu Sterling Airways, hefur
verið til sölu síðustu vikumar.
Á blaðamannafundi fyrir helgi
skýrði eigandi ferðaskrifstofunnar,
presturinn Eilif Kroager, svo frá að
tilboð þau er hann hefði fengið til
þessa hefðu ekki verið nægilega góð
og því ekki grundvöllur fyrir frekari
samningaviðræðum.
Hann sagðist meta fastar eignir
fyrirtækisins á um 800 milljónir
danskra króna en í heild taldi hann
eignimar mun meira virði.
Auk þess sagðist hann vilja halda
Tjæreborg í danskri eign og enn-
fremur að hann væri opinn fyrir
þeirri hugmynd að starfsfólkinu
gæfist kostur á að kaupa að minnsta
kosti helming hlutabréfanna.
Hefur starfsfólk fagnað því að til-
boðum hefur fram að þessu verið
hafnað.
Vitað er að norski fjármálamaður-
inn Helge Naarstadt, sem um tíma
var framkvæmdastjóri Tjæreborg og
er nú framkvæmdastjóri skipafélags-
ins Norske Cruise, hefur boðið milli
sjö og átta hundruð milljónir dan-
skra króna í fyrirtækið.
Hefur sá uppi áætlanir um að verða
ferðaskrifstofiikóngur Skandinavíu
með aðstoð bandarískrar hótelkeðju
og ógna þar með veldi SAS flugfé-
lagsins.
Þrátt fyrir að slitnað hafi upp úr
viðræðum hans við Tjæreborg prest-
inn hefur hann ekki í hyggju að
gefast upp og samkvæmt nýjustu
fréttum hefur norski ABC bankinn
boðist til að fjármagna kaupin.
Líkur eru taldar á að Helge Naar-
stadt hækki tilboð sitt í vikunni.
Þótt ástæðan fyrir sölunni ó Tjære-
borg sé að sögn fjárhagserfiðleikar
er gert róð fyrir 50 milljón danskra
króna hagnaði á núverandi reikn-
ingsári er lýkur í mars.
En prestur telur hundrað milljón
króna árshagnað eðlilegan.
Séra Eilif Krogager hefur nú í hyggju að selja ferðaskrifstofu sina, Tjæreborg,
en á erfitt með að finna kaupendur.