Dagblaðið Vísir - DV - 25.03.1987, Blaðsíða 2

2
MIÐVIKUDAGUR 25. MARS 1987.
Stjómmál
Albert fyrstur í sögu
íslenska lýðveldisins
- til að segja af sér ráðherradómi vegna meints misferlis
I fyrsta sinn í 43 ára sögu íslenska
lýðveldisins hefur ráðheiTa verið
neyddur til að segja af sér vegna
meints misferlis. Albert Guðmunds-
son baðst í gær lausnar frá embætti
iðnaðarráðherra í ííkisstjóm Stein-
gríms Hermannsso^av.
Árið 1932, þegar Ísland var enn
tengt Danmörku, baðst Magnús
Guðmundsson dómsmálaráðherra
lausnar eftir undirréttardóm. Hann
tók aftur við ráðherraembætti er
Hæstiréttur sýknaði hann.
„Á þessum fundi var aðeins eitt
mál á dagskrá. Það var lausnar-
beiðni Alberts Guðmundssonar,"
sagði Ólafur G. Einarsson, formaður
þingflokks Sjálfstæðisflokksins, eftir
stuttan þingflokksfund í Alþingis-
húsinu síðdegis í gær.
„Á sínum tíma fékk Albert, sem
aðrir ráðherrar, umboð þingflokks-
ins til að gegna þessu starfi. Þing-
flokkurinn hefur fallist á þessa
lausnarbeiðni.
Jafiiframt hefur þingflokkurinn
falið formanni flokksins, Þorsteini
Pálssyni, að gegna embætti iðnaðar-
ráðherra meðan þessi ríkisstjóm
situr, jafhframt því sem hann gegnir
áfram embætti fjármálaráðherra,"
sagði Ólafur.
Hann og Þorsteinn Pálsson sögðu
á fundi með blaðamönnum að lausn-
arbeiðnin hefði verið samþykkt
samhljóða. Full samstaða hefði verið
innan þingflokksins. Ekki hefði ver-
ið rætt á þingflokksfundinum um
fyrsta sæti framboðslistans í Reykja-
vík. -KMU
Albert gengur úr Stjórnarráðinu við Lækjartorg af síðasta ríkisstjómarfundi
sínum, að minnsta kosti á þessu kjörtimabili.
Þetta hefur kostað
mig andvökunætur
sagði Albert Guðmundsson eftir afsógnina
„Þegar þú hefur ekki traust þeirra
sem fólu þér umboð til að gegna störf-
um þá er ekki hægt að gegna þeim
störftim lengur," sagði Albert Guð-
mundsson á blaðamannafundi í
Alþingishúsinu í gær eftir að hann
baðst lausnar.
„Við skulum vera raunsæir. Eins og
staðan er orðin stend ég á vegamótum.
Annars vegar blasir við möguleiki á
að hafa frið og róa óánægjuöldur og
hins vegar að fara út í stríð, hella olíu
á eldinn.
Það brennur eldur í æðum stuðn-
ingsmanna minna um þessar mundir.
Spumingin er: Verður hann til að
skaða eða ekki?
Við höfum engin efhi á því að hafa
eld og óánægju geisandi í þjóðfélag-
inu, sér í lagi ekki þegar loksins
einhver ríkisstjóm náði verulegum
árangri," sagði Albert.
Ég er særður. Ég er þreyttur
„Ég tók þessa ákvörðun eiginlega
ekki fyrr en ég kom á þingflokks-
fundinn. Ég hafði ekki gert upp minn
huga fyrr en þá.
Þetta var mjög erfið ákvörðun. En
eftir mikla og erfiða umhugsun þá
held ég að þetta sé vænlegast til þess
að halda frið í Sjálfetæðisflokknum
og ef mögulegt er utan hans líka.“
Albert sagði að sér fyndist atburða-
rásin, sem leiddi til afeagnarinnar,
hafa verið einkennileg.
„Ég er ekki bitur en ég er særður.
Ég er þreyttur. Þetta hefur kostað mig
andvökunætur. Án þess að gera mér
beint grein fyrir því er svona eins og
kökkur í hálsinum. Ég get ekki neitað
því.“
- Telurðu að hér hafi verið skipulögð
aðför að þér?
„Nei. Það er rangt að segja það. Ég
vil ekki leggja neitt mat á það.“
- Þorsteinn Pálsson hefur lagt þetta
upp sem spumingu um siðferði Sjálf-
stæðisflokksins. Hvað telur þú að
hann eigi við með því?
„Ég veit hvað hann á við með því.
En ég er ekki sammála honum þar.“
Sé eftir aö hafa ekki skráð fyrir-
tækið á son minn
„Það má segja að ég sjái eftir því
að hafa ekki orðið við beiðni sonar
míns fyrir löngu síðan að skrá fyrir-
tækið á hans nafri. Það er bara af því
að mér fannst það ekki skipta neinu
máli og átti ekki von á því að neitt
slíkt kæmi upp sem nú er orðið til
þess að ég hef þurft að segja af mér
ráðherrastarfi.
Þorsteinn hefur ekki lagt að mér að
segja lausu mínu ráðherraembætti.
Við ræddum þetta á sunnudaginn og
það kom fram hjá honum að það væri
ósk hans og þingflokksins vegna þessa
atviks, að afeláttarfærslur hafa ekki
verið færðar í heildverslun minni, að
hann taldi rétt, siðgæðis vegna, að ég
yrði ekki áfram ráðherra."
- Var ekkert minnst á fyrsta sætið
í Reykjavík á fundi ykkar Þorsteins á
sunnudag?
„Ekkert annað en það að hann átti
ekki von á að það yrði nein breyting
þar á.“
Albert kvaðst ekki óttast dóm sög-
unnar.
„Það sem er nú talið siðleysi eru
almennar viðskiptavenjur hér. En ég
óttast ekki dóm sögunnar. Ég var
fyrsti atvinnuknattspymumaður
Norðurlanda.“
-KMU
Steingrímur Hermannsson forsætisráöherra segir fréttamönnum eftir ríkisstjómarfund í gærmorgun aö Albert hafi bara
um tvennt aö velja. DV-mynd GVA.
Steingrímur fyrstur til
að staðfesta fréttimar
Steingrímur Hermannsson forsætis-
ráðherra varð fyrstur til að staðfesta
opinberlega að Albert Guðmundsson
myndi hætta sem iðnaðarráðherra.
Það gerði Steingrímur á fundi með
blaðamönnum eftir ríkisstjómarfúnd í
gærmorgun.
Steingrímur sagði þá að Albert hefði
um tvennt að velja: Að verða vikið
úr ríkisstjóminni eða biðja sjálfur um
að verða leystur frá störfum.
Þorsteinn Pálsson, formaður Sjálf-
stæðisflokksins, hafði áður upplýst
Steingrím um stöðu málsins.
-KMU
Gunnlaugur Sævar Gunnlaugsson vísar Ijósmyndara DV burt.
DV-mynd KAE
Fundur sljómar fulltrúaráðsins:
Engin tillaga um breytingar
„Enga blaða- eða fréttamenn hér,“
sagði Gunnlaugur Sævar Gunnlaugs-
son, framkvæmdastjóri fulltrúaráðs
sjálfetæðisfélaganna í Reykjavík, fyrir
fund stjómar fulltrúaráðsins í Valhöll
gær.
Á fundinum, sem stóð liðlega
klukkustund, kom ekki fram nein til-
laga um að fulltrúaráðið kæmi saman
til að fjalla um framboðslista flokksins
í Reykjavík. Á fundinum skýrðu
stjómarmenn hins vegar sjónarmið sín
og formaður Sjálfstæðisflokksins, Þor-
steinn Pálsson, kom á fundinn og lýsti
afgreiðslu máls Alberts á fundi þing-
flokksins fyrr um daginn.
Samkvæmt þessu verður framboðs-
listmn í Reykjavík því óbreyttur hvað
fulltrúaráðið varðar og einu breyting-
amar, sem á honum kynnu að verða
gerðar, yrðu að frumkvæði Alberts
Guðmundssonar sjálfs.
-ój