Dagblaðið Vísir - DV - 04.05.1987, Qupperneq 40
40
MÁNUDAGUR 4. MAÍ 1987.
Dægradvöl
Texti:
Borghildur Anna
Hárprúðar og hressar valkyrjur þrjár á Laugaveginum - Berglind Freymóðsdóttir, Úlla Harðardóttir og Harpa
Óskarsdóttir.
DV-myndir:
Kristján Ari
Með gervihár á höfði
Eitt af því sem vakti athygli manna
í kosningasjónvarpinu var sú gamal-
kunna Hljómasöngkona. Shady
Owens. Hún mætti til leiks hárprúð
mjög og er reyndar ekki ein um slíkt
útlit því hártoppar úr gervihári eru
nýjasta tískubólan. I öllum hornum
spretta upp valkyrjur með hárið í
tagli og nær faxið oftar en ekki lang-
leiðina niður í mitti.
„Þetta er yfírleitt gert þannig að
eigið hár er tekið í hnút og fest með
teygju," segir Jón Stefnir Hilmars-
son á hárgreiðslustofunni Saloon
Ritz.
„Síðan er toppurinn festur við með
teygju líka en einn lokkur vafinn í
hring til þess að festa teygjuna. Þetta
er mjög vinsælt núna en mest notað
þegar menn fara út að skemmta sér.“
Það er hægt að hafa fleiri en einn
topp í einu á höfðinu en stykkið kost-
ar 1.250 af sléttu gerðinni en 1.350
þeir liðuðu. Efnið er gerviefni sem
skola má úr volgu vatni og mildri
sápu en gæta her þess að greiða þá
hvorki né nudda meðan þeir eru
blautir. Með þessu er hægt að fá
slaufur úr gervihári eða stutta
brúska klippta í blómkrónu.
„Þetta er fyrir allan aldur,“ er sam-
dóma álit starfsmanna á Saloon Ritz
þegar þeir eru spurðir um hverjir það
séu helst sem kaupa toppana eða
biðja um slíkar viðbætur í samkvæm-
isgreiðsluna. „Sá sem þorir og þær
eru alveg upp í fertugt og kannski
aðeins yfir það.“
„Topparnir byrjuðu í haust en það
hefur verið mikið um þetta alveg frá
jólum,“ segir Jón Stefnir. „Núna er
þetta orðið mjög algengt - hálfgert
æði.“
Ekki óþægilegt
Átta ára gömul dóttir Jóns Stefnis
- Jóhanna Ella - er með síða gervi-
fléttu og segist ekkert finna fyrir því
að hafa hana.
„Ég hef meira að segja farið með
svona hár í skólann og það er ekkert
óþægilegt," fullyrðir Jóhanna Ella
og skoppar um allt þannig að fléttan
stendur beint upp í loftið. Og ekki
er annað að sjá en sterturinn haldist
sæmilega fastur þar sem honum hef-
ur einu sinni verið komið fyrir - ef
átta ára fjörkálfur hristir slíka auka-
hluti ekki auðveldlega af sér ættu
fullorðnir að geta haldið greiðslunni
líka.
„Tískan í gervihári er mun léttari
en áður var,“ segir Vilborg Ársæls-
dóttir hárgreiðslumeistari.
„Rétt um og upp úr sextíu og átta
og sjötíu voru það nælonkollurnar
og stuttir lausir lokkar. Þá komu
konurnar bara einu sinni í viku á
stofuna til þess að fá greiðslu. Topp-
urinn var losaður úr, hárið þvegið
og lokkarnir settir upp aftur þannig
að allt tylldi vikuna á enda. Lokka-
greiðslurnar voru viðamiklar og
sama aðferðin við hárgreiðsluna not-
uð allt árið um kring. En núna eru
greiðslurnar frjálslegri og gervitopp-
ar aðallega notaðir við hátíðlegri
tækifæri.“
Stuttklipptir þrælar
Allmargar kollsteypur hafa orðið í
sögunni hvað viðkemur hártískunni.
Strax meðal Assyríumanna til forna
höfðu menn komist að því að þægi-
legra myndi að skera hárið fremur
en halda því í fullri sídd og með hár-
skurðinum voru fyrstu skrefin tekin
í átt til hönnunar hártísku. Miklir
liðir voru látnir falla niður á axlir í
hentuga sídd miðað við lífsvenjur
þess tíma. Á dögum Rómaveldis var
stutt hár tákn þrælsins og af svipuð-
um rótum virðist sú siðvenja kvenna
af hinum ýmsu þjóðernum og á öllum
tímum að hylja hár sitt að meira eða
minna leyti. Loðvík fjórtándi
Frakkakonungur sást hins vegar
aldrei hárkollulaus á almannafæri
heldur gekk með mikinn ljónsmakka
og flestir Evrópumenn, sem vildu
teljast til siðaðra manna, fóru að
dæmi sólkonungsins.
Undir átján hundruð fór hár
kvenna að verða meira áberandi og
vísir að hármenningu nútímans fór
að láta á sér kræla. Hippar síðari
tíma höfðu svo hárið sem villtast í
samræmi við nýjar hugmyndir um
frelsi einstaklingsins og friðarhug-
myndir.
Einn góðan veðurdag mætti Svava Ingólfsdóttir, starfsmað-
ur á skrifstofu DV, til vinnu með myndarlegt tagl i hnakkan-
um. Það hafði ekki vaxið um nóttina. DV-mynd GVA
„Ég hef meira að segja farið með fléttuna í skólann,“
sagði Jóhanna Ella Jónsdóttir.
Alls kyns lausir toppar og slaufur úr gervihári eru á boð-
stólum þessa dagana. Stuttir brúskar klipptir i blómkrónu
eru mjög vinsælir.