Dagblaðið Vísir - DV - 26.02.1988, Blaðsíða 7

FÖSTUDAGUR 26. FEBRÚAR 1988.
7
A rás 2. Menntamálaráðherra vill að hún verði seld eða lögð niður.
Verður rás 2 lögð
niður eða seld?
Birgir ísleifur Gunnarsson
menntamálaráðherra ætlar að beita
sér fyrir því að rás 2 verði annað-
hvort lög niður eða seld.
Þetta kom fram á Alþingi í gær sem
svar við fyrirspurn Inga Björns Al-
bertssonar um hvort ráðherra ætli
að beita sér fyrir því að rás 2 verði
lögð niður eða starfsemi hennar
hætt. Sagði Ingi Björn skilja ráð-
herra svo að hann styddi hugmynd
sína um að selja rás 2.
í svari ráðherra kemur fram að nú
stendur yfir endurskoðun útvarps-
laga og að búast megi við að þeirri
endurskoðun ljúki næsta haust. Ráð-
herra sagðist ætla að beita sér fyrir
því við þessa endurskoðun að því
ákvæði laganna að útvarpið verði að
starfrækja tvær útvarpsrásir verði
breytt þannig að þeirri skyldu verði
létt af Ríkisútvarpinu.
Svavar Gestsson kvað þetta stefnu-
markandi yfrlýsingu hjá ráðherra og
mótmælti þenni. Sagði Svavar að það
myndi veikja Ríkisútvarpið ef rás 2
yrði seld.
-SMJ
Menningarsjóður útvarpsstöðva:
Ráðherra vill
rannsókn
Menntamálaráherra ætlar að láta
skoða starfsemi menningarsjóðs út-
varpsstöðva og hefur beðið um
ítarlega skýrslu frá sjóðstjórninni.
í fyrirspurnatíma á Alþingi í gær
kom fram að Ríkisútvarpið, sem
greiðir meirihluta þess sem í sjóðinn
fer, ber lítið úr býtum þegar kemur
að úthlutun. Gagnrýndu nokkrir
þingmenn þessa fjármagnstilfærslu
frá Ríkisútvarpinu.
Samtals hafa hljóðvarps- og sjón-
varpsstöðvar greitt rúmlega 76
milljónir í menningarsjóð útvarps-
stöðva en honum var komið á fót
með útvarpslögunum 1986.
Greiðslur í og úr sjóðnum
Greiðslur í menningarsjóðinn hafa
skipst þannig:
Rikisútvarpið kr. 60.528.429
íslenska sjónvfél. kr. 5.395.028
Eyfirska sjónvfél. kr. 238.950
íslenska útvfél. kr. 10.310.593
Stjarnan kr. 300.000
Tækifærisútvörp kr. 10.155
Skólaútvörp kr. 4.000
Af þessum -peningum hafa farið 35
milljónir til Sinfóníuhljómsveitar ís-
lands, svo sem útvarpslög gera ráð
fyrir. Þá hefur verið greitt út til
stöðvanna sem hér segir:
Ríkisútvarp kr. 8,525.000
íslenska sjónvfél. kr. 5.750.000
íslenska útvfél. kr. 9.508.000
Eyfirska sjónvfél. kr. 400.000
Það er regla sjóðsins að úthluta
ekki fé til þorra fyrirtækja sem
skulda framlög í sjóðinn og vill sjóð-
stjórnin með því útskýra hina miklu
fjármagnstilfærslu sem virðist eiga
sér stað frá Ríkisútvarpinu til frjálsu
stöðvanna. Ríkisútvarpiö hefur nú
gert upp skuld sína við sjóðinn en
1. desember skuldaði stofnunin
14.817.475. Gjalddagar á greiðslum til
sjóðsins eru sex á ári eða annan
hvern mánuð.
Greiðslur af
auglýsingum litlar
í sjóðinn á að greiða 10% af auglýs-
ingatekjum útvarps- g sjónvarps-
stöðva. Nefndi Eiður Guðnason að
hann væri mjög tortrygginn á að
þessar tölur væru réttar. Hann sagði
furðulegt að Stöð 2 skyldi ekki greiða
meira til sjóðsins en raun ber vitni,
sérstaklega ef tekið er tillit til yfirlýs-
inga útvarpsstjóra, Jóns Óttars
Ragnarssonar, um hve miklar aug-
lýsingatekjur Stöðvar 2 væru.
Þá taldi Eiður einnig furðulegt hve
mikið aðrar stöðvar en Ríkisútvarpið
fengju og spurði hvort skýringin á
því væri sú að þar væri boðið upp á
menningarlegra efni en hjá Ríkisút-
varpinu.
Ólafur Þ. Þórðarson, sem hafði
beint fyrirspurninni til ráðherra í
upphafi, sagði að menningarsjóður-
inn hefði brugðist skyldum sínum
óg sagði hann hafa verið misnotaðan
til að færa fé frá Ríkisútvarpinu til
nýju útvarpsstöðvanna. í stjórn
menningarsjóðs útvarpsstöðva sitja
Baldvin Jónsson auglýsingastjóri,
Indriði G. Þorstéinsson ritsjóri og
Jón Þórarinssón tónskáld.
-SMJ
Þróunaraðstoð:
Um 0,6% aff þjóðartekjum
Heildarframlag Islendinga á árinu
1987 til neyðarhjálpar og þróunarað-
stoðar í þriðja heiminum nam
0,05-0,06% ■ af þjóðartekjum. Þetta
kemur fram í skýrslu utanríkisráð-
herra til Alþingis sem.nú hefur verið
lögð fram.
I fjárlögum fyrir 1988 er gert ráð
fyrir 40 milljóna kr. fjárveitingu til
Þróunarsamvinnustofnunar íslands.
Er það 10 milljón kr. hækkun frá
árinu áöur. -SMJ
Fréttir
Tvyggingafélögin misvel stödd fjárhagslega:
Ábyvgð þurfti
að auka hlutafé
Á árinu 1986 var samanlagður
hagnaður þeirra átta tryggingafélaga
sem annast bifreiðatryggingar á milli
20 og 30 milljónir króna. Það er eftir
verðbreytingafærslu, afskriftir og
skatta. Samkvæmt heimildum DV
uppfylltu öll félögin kröfur um eigið
fé og gjaldþol nema Ábyrgð. Bókfært
eigið fé Ábyrgöar var minna en lág-
mark gjaldþolskrafna.
Gjaldþolsmörkin eru sett til að
tryggja viðskiptavini félaganna. Ef
tryggingafélag fer niður fyrir ákveð-
in mörk verður það annaðhvort að
bæta úr stöðu sinni hið fyrsta eða
hætta starfsemi. Vegna gjaldþols-
reglnanna eru viðskiptavinir félag-
anná tryggðir ef þeirra viðskiptafé-
lag hættir starfsemi.
Tryggingafélögin standa misjafn-
lega vel. Ef Sjóvá hefði ekki tekið
Hagtryggingu upp á sína arma er
nær öruggt að Hagtrygging hefði
þurft að hætta starfsemi. Ábyrgð stóð
afar tæpt á síðasta ári og þurfti félag-
ið að auka hlutafé um 20 milljónir
króna til að uppfylla reglur um gjald-
þol. Ársreikningar tryggingafélag-
anna fyrir 1987 liggja ekki fyrir.
Á árinu 1986 voru fjögur af átta
tryggingafélögum sem annast bif-
reiðatryggingar rekin með tapi. Þau
eru Brunabót, þar var tapið 19 millj-
ónir af 550 milljóna króna iðgjöldum,
Ábyrgð, þar var tapið 5 milljónir af
89 milljóna króna iðgjöldum, Sam-
vinnutryggingar, þar var tapið 5
milljónir af 800 milljónum, og Hag-
trygging með 4,5 milljóna króna tap
af 50 milljónum sem fengust í iðgjöld.
Samkvæmt upplýsingum sem DV
fékk hjá Erlendi Lárussyni er rekstr-
arkostnaður íslenskra tryggingafé-
laga lægri en tryggingafélaga í
Danmörku, Noregi og Svíþjóð sam-
kvæmt könnun sem gerð hefur verið.
-sme
Guðmundur Bjarnason um hækkun iðgjalda bifreiðatrygginga:
Ríkisstjómin hefur hvorki
vald né heimild til afskipta
„Ríkisstjórnin hefur hvorki vald
né heimild til að grípa inn í þetta
mál,“ sagði Guðmundur Bjarnason
tryggingaráðherra um beiðni
tryggingarfélaganna um hækkun á
iðgjöldum bifreiðatrygginga, en
samkvæmt þeim eiga iðgjöldin að
hækka um nær 100%.
Guðmundur sagði að dómsmála-
ráðherra gæti með reglugerð gert
tryggingafélögunum kleift að
semja við hvern og einn um sjálfs-
ábyrgð og gæti það leitt til lækkun-
ar iðgjalda. En niðurfelling
sjálfsábyrgðar er eitt þeirra atriða
sem tryggingafélögin nota til að
rökstyðja hækkunarbeiðnina.
Aðrar breytingar eru erfiðari þar
sem til þyrftu að koma breytingar
á nýju umferðarlögunum og ríkis-
stjórnin hyggst ekki grípa til slíkra
ráðstafana.
Guðmundur Bjarnason sagði að
ef ekki kæmu athugasemdir frá
Tryggingaeftirliti ríkisins yrði
þessi hækkun að veruleika.
-sme