Dagblaðið Vísir - DV - 26.02.1988, Blaðsíða 31

FÖSTUDAGUR 26. FEBRÚAR 1988.
47
Paul Zukofsky - tónlist:
Fáir íslendingar unnið
tónlistinni hér betur
„Fyrir hönd dómnefndar um tónlist
vil ég veita hljómsveitarstjóranum
Paul Zukofsky Menningarverðlaun
DV að þessu sinni. Þó Zukofsky sé
Ameríkumaður og búsettur í New
York held ég að það sé óhætt aö full-
yrða að fáir íslendingar hafi unnið
tónlistinni hér betur en hann,“ sagði
Leifur Þórarinsson, formaður dóm-
nefndar um tónhst, við verðlaunaaf-
hendinguna í gær.
Zukofsky kom hingað fyrst árið
1966, þá komungur en þegar orðinn
einn af þekktustu fiðlusnillingum af
yngri kynslóð í heiminum. Hér hélt
Zukofsky fyrst tónleika með Þorkeli
Sigurbjörnssyni á vegum Musica
Nova og Tónlistarfélagsins en Þor-
kell er einmitt staddur hér í dag til
að taka við verðlaununum fyrir hönd
Pauls sem því miður átti ekki heim-
angengt.
Síðan 1966 hefur Zukofsky látið sér
mjög umhugaö um tónlist á íslandi,
komið hér margsinnis til aö leika,
stjórna og fræða og síðustu tíu árin
eða svo oft á ári. Allir kannast við
Zukofsky-námskeiðin sem haldin
hafa verið hér árlega og vakið mikla
athygh. Störf hans við uppbyggingu
Hljómsveitar æskunnar þykja hafa
borið ótrúlegan árangur og flutning-
ur t.d. Kammersveitar Reykjavíkur
undir hans stjórn á meistaraverkum
tuttugustu aldarinnar er með því
besta sem hér hefur fram komið á
tónleikum fyrr og síðar,“ sagði Leif-
ur Þórarinsson.
Auk Leifs voru í dómnefndinni þau
Bergþóra Jónsdóttir og Siguröur Þór
Guðjónsson.
-ATA
Leifur Þórarinsson afhendir hér Þorkeli Sigurbjörnssyni menningarverð-
launin fyrir tónlist en Þorkell tók við verðlaununum fyrir hönd Pauls Zukofsky
sem ekki kom þvi við að vera viðstaddur verðlaunaafhendinguna í gær.
Jónas Kristjánsson ritstjóri útskýrir hér matseðilinn fyrir veislugestum og útlistar hvað þeir hafa lagt sér til munns..
Arnar Jónsson - leiklist:
Tók stökkið út í óviss-
una með reisn
„Við sem settumst niður og htum um
öxl yfir leikhúslífið á árinu 1987 vor-
um einhuga í því að veita bæri
Arnari Jónssyni verðlaunin fyrir
frábæra túlkun hans á klerkinum,
eidhuganum og skáldinu Kaj Munk
í verki Guðrúnar Ásmundsdóttur,
sem sýnt var í Leikhúsinu í kirkj-
unni,“ sagði Auður Eydal, formaður
dómnefndar um leiklist, er hún af-
henti Arnari Jónssyni Menningar-
verðlaun DV í gær.
Helga Bachmann, leikkona og leik-
stjóri, átti sæti í dómnefndinni og
hafði þetta að segja um frammistöðu
Arnars:
„Það er mikil ánægja að geta sam-
glaðst félaga sem á liðnu ári hefur
axlað mikla byrði, það er leikið ekki
færri en sjö hlutverk í ólíkum verk-
um og tekið stökkið út í óvissuna
með reisn.
Hér skal þó ekki mæra magnið
heldur gæðin og ber þá væntanlega
hæst leik hans í hlutverki Kaj Munk
í Leikhúsinu í kirkjunni.
Enginn þroskaður listamaður er
ómeövitaður um stundina þegar
hann blómstrar, en þá er honum
hollt að vita að það fer heldur ekki
fram hjá þeim sem leikhúsi unna.“
Undir þessi orð tóku aðrir nefndar-
menn og Auður Eydal, formaður
nefndarinnar, bætti við: „Arnar hef-
ur frá upphafi sinnt hst sinni af
næmri tilfinningu og alúð. Þessari
viðurkenningu fylgja bestu árnaöar-
óskir og um leið er þaö einlæg von
okkar að hún verði jafnframt öðrum
hvatning th dáða og listrænn sigur
Arnars Jónssonar stuðh að nýjum
landvinningum á sviði leiklistarinn-
ar almennt í landinu."
Auk Auðar Eydal voru í dómnefnd-
inni Helga Bachmann og Hafliði
Arngrímsson. -ATA
Auður Eydal afhendir Arnari Jónssyni Menningarverðlaun DV fyrir leiklist.
Mermingarverðlaun D V
Manfreð Vilhjálmsson tekur við Menningarverðlaunum DV fyrir byggingar-
list úr hendi Hilmars Þórs Björnssonar, en þetta er í annað sinn sem
Manfreð hlýtur þessi verðlaun.
Manfreð Vilhjálmsson - byggingalist:
Óvanalega fag-
mannleg vinna
„Verkið, sem valið hefur verið til
verðlauna, verslunar- og þjónustu-
húsnæði Epal við Faxafen í Reykja-
vík, ber vott um þroskað hugarfar
og gott samstarf húsbyggjanda og
húsameistara. Manfreð Vhhjálms-
son arkitekt er því vel að verðlaun-
unum kominn, einu verðlaununum
sem veitt eru hér á landi fyrir bygg-
ingarlist, móður hstanna," sagði
Hhmar Þór Björnsson, formaður
dómnefndar um byggingarlist, er
hann afhenti Manfreð verðlaunin í
gær.
„Vel skal vanda það sem lengi á
að standa. Sagt er aö ekkert bygg-
ingaverk heppnist nema því aðeins
að bæði húsameistarinn og hús-
byggjandinn hafl fullan skilning á
markmiðum og mikilvægi verksins.
Ef annar aöilinn veldur ekki verkinu
eru miklar líkur á að það mistakist.
Á sviöi bygginga atvinnuhúsnæðis
fyrir einkafyrirtæki hafa verið
byggðir hundruö þúsunda fermetra
á undanfórnum árum. Flest húsin
hafa verið því marki brennd að meira
var hugsað um magn en gæði. Verk-
ið, sem nú hefur verið valið til
verðlauna, er þó undantekning.
Það er von dómnefndar að athafna-
menn dragi lærdóm af þessu verki
og taki sér það til fyrirmyndar því
fátt er mikilvægara fyrir atvinnu-
rekstur en hvetjandi vinnuumhverfi
fyrirtækja þar sem starfsfólk og viö-
skiptavinir fá notið sín. Ef litið er á
sams konar hús, sem reist hafa verið
á undanfórnum árum, sést að verð-
launahúsið er óvenjulega fagmann-
lega unnið aö öllu leyti.
Þetta er sjálfstætt verk sem mun
standa sem gersemi í umhverfi sínu
um langa framtíð og bera höfundi
sínum gott vitni,“ sagði Hilmar Þór
Björnsson arkitekt.
Auk Hhmars áttu sæti í dómnefnd-
inni þeir Hróbjartur Hróbjartsson og
Guðmundur Hrólfsson.
-ATA
Friörik Þór Friðriksson með verðlaunagripinn góða sem Baldur Hjaltason
afhenti honum fyrir kvikmyndina Skytturnar.
Friðrik Þór Friðriksson - kvikmyndagerð:
Skyttumar marka
tímamót á
ferii Friðriks
„Sjaldan hefur dómnefndin verið
eins sammála og nú hvað varðar út-
hlutun Menningarverðlauna DV
fyrir kvikmyndagerð. Nefndin var
einhuga um að leikstjóri einu ís-
lensku kvikmyndarinnar, sem
frumsýnd var á árinu, skyldi hljóta
verðlaunin. Hér er um að ræða kvik-
myndina Skytturnar en leikstjóri
hennar er Friðrik Þór Friðriksson,"
sagði Baldur Hjaltason, formaður
dómnefndar um kvikmyndagerð.
„Skytturnar marka tímamót á ferii
Friðriks Þórs sem kvikmyndagerð-
armanns. Kvikmyndin festir hann í
sessi sem leikstjóra og sýnir og sann-
ar hvers Friðrik er megnugur þegar
honum tekst vel upp. Þótt myndin
hafi því miður hlotið dræma aðsókn
hérlendis hefur henni verið vel tekiö
erlendis og hefur hún unnið til
ýmissa verölauna, eins og á kvik-
myndahátíöinni í Locarno og á
norrænnni kvikmyndaviku í Lubeck
þar sem hún var kosin besta myndin
að mati áhorfenda.
Með Skyttunúm sýndi Friðrik Þór
að honum eru flestir vegir færir sem
kvikmyndagerðarmanni og að hann
getur brugðið fyrir sig betri fætinum
ef svo ber undir. Hann hefur sýnt
mikla þrautseigju og kjark ásamt
óbilandi bjartsýni, þótt oft hafi á
ýmsu gengið,“ sagði Baldur Hjalta-
son.
Auk Baldurs voru í dómnefndinni
þau Hilmar Karlsson og Guðrún
Kristjánsdóttir. -ATA