Dagblaðið Vísir - DV - 26.02.1988, Blaðsíða 9
FÖSTUDAGUR 26. FEBRÚAR 1988.
9
Utlönd
Forseti
Panama
settur af
Þingiö ’i Panama samþykkti í
morgun með atkvæðagreiðslu að
víkja Eric Arturo Delvalle, forseta
landsins, úr embætti. Var það aðeins
nokkrum klukkustundum eftir að
forsetinn hafði skipað svo fyrir að
Manuel Antonio Noriega hershöfð-
ingi skyldi hætta störfum sem
yfirmaður heraflans í Panama.
Það var í gærkvöldi sem Delvalle
tilkynnti í sjónvarpi þá ákvörðun
sína að hann ætti einskis annars
úrkosti en að reka Noriega hers-
höfðingja. Sem yfirmaður herafla
- landsins hefur Noriega í raun verið
stjórnandi landsins.
í stað þess að hlýða skipuninni
studdu liðsforingjar við bakið á Nori-
ega og forseti þingsins kallaði saman
sérstakan þingfund til að ræða þá
ákvörðun hvort ekki ætti að reka
Delvalle forseta og Esquivel varafor-
seta.
Forsetinn sagði í gær að hann yrði
að reka Noriega þar sem hershöfð-
inginn neitaði að segja af sér í kjölfar
fullyrðinga um að hann væri viðrið-
inn eiturlyíjasmygl og aðra glæpi.
Stuttu eftir að Delvalle forseti hafði
tilkynnt um brottreksturinn sögðu
helstu liðsforingjar Noriega að þeir
styddu hann heilshugar og að þeir
myndu ekki virða þá skipun forset-
ans um að setja annan mann í stað
Noriega. Liðsforingjarnir sögðu að
forsetinn hefði rekið Noriega vegna
þrýstings frá Bandaríkjunum en
yfirvöld þar hafa gefið Noriega að sök
að hafa séð um smygl á eiturlyfjum
til Bandaríkjanna.
Bandaríkjastjórn lýsti því yfir í
gærkvöldi að hún styddi borgaralega
stjórn í Panama. Bandaríkjastjórn
hafði hvatt Noriega og herinn til að
hætta afskiptum af stjórnmálum..
Samskipti Noriega og Bandaríkjanna
höfðu smám saman farið versnandi
og í júlí síðastliðnum hættu Banda-
ríkjamenn íjárhagsstuðningi sínum
við Panama.
Fyrrum sendimaður Panama í
Washington segist hafa fengið fyrir-
mæli um að fara fram á neyðarfund
Samtaka Ameríkuríkja til þess að
beita Noriega þrýstingi svo hann
segði af sér. Fyrirmælin komu frá
Delvalle, forseta Panama, að sögn
sendimannsins.
Gagniýna meðferð á
hiyðjuverkamönnum
Bjami Hmriksson, DV, Bordeaux:
Þrátt fyrir að búiö sé að mestu að
dæma í máli Action Directe, hinna
alræmdu frönsku hryðjuverkasam-
taka, og þrátt fyrir að meðlimir
samtakanna verði bak við lás og slá
mörg næstu árin er langt frá því aö
umtali vegna réttarhaldanna sé lok-
ið,
í Frakklandi deilir enginn á dóms-
niðurstöður og yfirleitt er litið á
handtökurnar og réttarhöldin sem
sigur fyrir franska réttvísi og lög-
reglu.
Hins vegar taka æ fleiri til máls
meðal menntamanna, ættingja hinna
dæmdu og ýmissa mannréttinda-
samtaka til að gagnrýna harkalega
meðferð á föngunum. Þeir hafa verið
í hungurverkfalli í nær þrjá mánuöi
og eru mjög illa haldnir. Allan þenn-
an tíma, og mánuðum saman þar á
undan, hafa þeir verið í algjörri ein-
angrun, einir í klefa án nokkurs
sambands við aðra fanga eða eðlilegt
fangelsislíf. Þetta gagnrýna mann-
réttindasamtökin, meðal annars
Amnesty International, og telja þau
þessar aðferðir pyntingar, sálfræði-
legar pyntingar, sem miðist að því
að brjóta viðkomandi niður.
Aðstandendur hryðjuverkamann-
anna krefjast þess að þeir veröi
flokkaðir sem samviskufangar en í
Frakklandi er sú ílokkun ekki til.
Chalandon dómsmálaráðherra og
Pandraud öryggismálaráðherra hafa
lýst því yfir að ekkert sé athugavert
við fangelsisvist hinna dæmdu og að
ekki komi til greina að láta undan
því sem þeir kalla kúgunaraðgerðir
aðstandenda.
Albanir vilja auka sam-
bandið við umheiminn
Bjami Hinriksson, DV, Bordeaux:
Frakkar hafa löngum átt góð sam-
skipti við Albani þrátt fyrir einang-
runarstefnu hinna síðarnefndu. Allt
frá því að Frakkland varð fyrsta rík-
ið til að viðurkenna hina nýju
albönsku stjórn eftir heimsstyrjöld-
ina síðari hefur Albönum verið hlýtt
til Frakka. Helstu leiðtogar Albana
sóttu menntun sína til Parísar og í
þessu minnsta ríki Balkanskagans
er franska ennþá mikilvægasta er-
lenda tungumáliö í skólakerfinu.
í síðustu viku kom aðstoðarráð-
herra Frakka í opinbera heimsókn
til Tírana, höfuðborgar Albaníu. í
förinni voru einnig íjölmargir kaup-
sýslumenn, listamenn og skemmti-
kraftar. Ráðherrar ríkjanna
undirrituðu viðskiptasamning og
samning um menningarsamskipti.
Eru þessir samningar hinir fyrstu
sinnar tegundar milli ríkjanna. Þrátt
fyrir aö Frakkar hafi áður átt góð
samskipti við Albani, til dæmis tekið
þátt í byggingu stórrar virkjunar,
hafa þau alltaf takmarkast af al-
banskri efnahagsstefnu sem lokar á
umheiminn og leyfir til dæmis ekki
að tekin séu erlend lán eða keypt sé
inn í landiö án þess að samsvarandi
verðmæti séu flutt út.
Albanir vilja auka sambandið við
umheiminn og þessir samningar við
Frakka eru skref í þá átt, skref sem
Albanir taka hægt og rólega.
Umsjón: Ingibjörg Bára Sveinsdóttir og Halldór Valdimarsson
Panamaþing ákvað i morgun að reka Delvalle, forseta Panama (til vinstri), i kjölfar þess að forsetinn tilkynnti i
gærkvöldi um brottrekstur Noriega hershöfðingja (til hægri). Noriega hefur verið sakaður um að hafa átt aðild
að eiturlyfjasmygli til Bandarikjanna.
INNLAUSNARVERÐ
VAXTAMIÐA VERÐTRYGGÐRA
SPARISKÍRTEINA RÍKISSJÓÐS
Í2.FLB1985
Hinn 10. mars 1988 er fimmti fasti gjalddagi vaxtamiða verðtryggðra
spariskírteina ríkissjóðs með vaxtamiðum í 2. fl. B1985.
Gegn framvísun vaxtamiða nr. 5 verður frá og með 10. mars nk. greitt sem hér segir:
__________Vaxtamiði með 50.000,- kr. skírteini_kr. 2.620,85_
Ofangreind fjárhæð er vextir af höfuðstól spariskírteinanna fyrir tímabilið
10. september 1987 til 10. mars 1988 að viðbættum verðbótum sem fylgja hækkun
sem orðið hefur á lánskjaravísitölu frá grunnvísitölu 1239 hinn 1. september 1985
til 1968 hinn 1. mars 1988.
Athygli skal vakin á því að innlausnarfjárhæð vaxtamiða breytist aldrei eftir gjalddaga.
Innlausn vaxtamiða nr. 5 fer fram gegn framvísun þeirra í afgreiðslu Seðlabanka Islands,
Kalkofnsvegi 1, Reykjavík, og hefst hinn 10. mars 1988.
Reykjavík, febrúar 1988
SEÐLABANKIÍSLANDS
vörum i gjafa- og búsáhaldadeild
Jlij
/áAAAii * >
Z2 C » ZL Z3
i_J £9
m iiw( imu u w *) f «•»*!.
Jón Loftsson hf. ___________________
Hringbraut 121 Sími 10600
Gjafa- og búsáhaldadeild, 2. hæð