Dagblaðið Vísir - DV - 26.11.1994, Blaðsíða 8

Dagblaðið Vísir - DV - 26.11.1994, Blaðsíða 8
LAUGARDAUUR 26. NÓVEMBER 1994 Vísriaþáttur Matgæðingur vikunnar Vinnumaður á Fjöllum Kristján Jónsson Fjallaskáld var fæddur árið 1842 í Krossdal í Keldu- hverfi í Noröur-Þingeyjarþingi. Krisrján óx upp til tólf ára aldurs á bæjum í Kelduhveríi en fiuttist þá til Öxarfjaröar. Var Kristján síö- an vinnumaöur á Hólsfjöllum 1859-63 og er viöurnefnið Fjalla- skáld dregið af vist hans þar í sveit. Kristján settist í Latínuskólann í Reykjavík 1864 en sagði sig úr skóla vorið 1868 að 3. bekk loknum og réðst sem barnakennari til Vopna- fjarðar og átti þar heima síðan. Ljóðmæli komu fyrst út 1872 en hann lést þrem árum fyrir útkomu þeirra. Kristján varð snemma nafnkenndur af kvæðum sínum sem birtust í blöðunum Norðra og íslendingi síðla árs 1861 þá hann var nírján ára vinnumaður á Hóls- fjöllum. Á leið ofan af Fjöllum á hesti sem Stormur hét kvað Kristján skáld: Háum byggðum hélt ég frá, hló í brjósti von og fró, fráum Stormi fluttur á fló ég yfir hæð og mó. Margar eru syndir vorar og yfir- sjónir og óvíst hvernig himnafaðir- inn bregst við þeim þegar kvittanir eru yfirfamar og úrskurður um vistun er kveðinn upp. En Kristján er bjartsýnn í þessu tilfelli þó að bölmóður og armæða hafi jafna fylgt sveini. Svo kveður hann: Þótt séu brot til sekta nóg og syndir margháttaðar, í himnaríki held ég þó þeir hoh mér einhversstaðar. Af einhverju hefur Krisrján vinnumaður af Fjöllum verið að missa þegar hann kveður þessa vísu: Sveinn á Búðum fái fjúk, fékk hann hana Stínu, öndin spriklar öfundsjúk innan í brjósti mínu. Oft höfum vér hinir .ölkæru piltar teygað mjöðinn okkur til hugar- hægðar og sefað raunir vorar og víl. En misjafn er ávöxturinn þar af og fór Kristján vinnumaður ekki varhluta af því. Svo hljóöar her- hvöt hans: Drekkum bræður iðu öls, árnum mæðu bana, þegar hræða hrannir böls hjarta næðisvana. Lengi hafa Húnvetningar goldið fyrir syndir feðranna og vísar Kristján til alkunrira mála í næstu vísú: A æfi minni er engin mynd, hjá austanvérum slyngum ég er eins og kláðakind í klóm á Húnvetningum. Vísu þessa kvað Kristján við stúlku eina: Lát sem fljótast lyndisgljúp lífsins straum þig bera ofan í það undirdjúp eiginkona að vera. Oft er eina flóttaleiðin frá dægur- þrasi og amstri að gefa sig á vald drauma í svefni og vöku. Svo kveð- ur Kristján: Geng ég dapur gegnum kífs gremjusollna strauma, en sælla nýt þó löngum lífs á landi minna drauma. Næstu vísu kveður Kristján um mjólkurpelann sinn og finnur ein- hverja samsvörum með gripnum: Vísnaþáttur Valdimar Tómasson Löngum fullur, lá á beð líkt og dóni kénndur; , það er lika margur með marki þessu brenndur. Eitthvað hefur Kristján verið orðinn mæddur á vegferð sinni þegar hann kveður: Enginn spornar ýta við örlaga þungum straumi. Ó, að ég mætti finna frið fjarri heimsins glaumi. Hver hefur ekki kveðið með til- þrifum þjóðsöng okkar gleði- manna: Yfir kaldan eyðisand einn um nótt ég sveima, nú er horfið Norðurland, nú á ég hvergi heima. TOLLSTJÓRINN REYKJAVÍK Greiðsluáskorun Tollstjórinn í Reykjavík skorar hér með á gjaldendur, sem ekki hafa staðið skil á gjaldföHnum og ógreiddum álagningum og hækkunum er féllu í gjalddaga til og með 24. nóvember sl. í virðisaukaskatti, trygginga- gjaldi, launaskatti og söluskatti, að gera skil nú þegar eða í síðasta lagi innan 15 daga frá dagsetningu þessar- ar áskorunar. Fjárnáms verður krafíst án frekari fyrirvara fyrir van- goldnum eftirstöðvum gjaldanna ásamt dráttarvöxtum óg öllum kostnaði sem af innheimtu skuldarinnar kann að leiða, á kostnað gjaldenda, að þeim tíma liðnum. Athygli skal vakin á því að auk óþæginda hefur fjár- námsgerð í för með sér verulegan kostnað fyrir gjald- anda. Fjárnámsgjald í ríkissjóð er allt að 10.000 kr. fyrir hverja fjárnámsgerð. Þinglýsingargjald er 1.000 kr. og stimpilgjald er 1,5% af heildarskuldinni, auk útlagðs kostnaðar eftir atvikum. Eru gjaldendur hvatt- ir til að gera full skil sem fyrst til að forðast óþægindi og kostnað. Reykjavík 24. nóvember 1994 Tollstjórinn í Reykjavík Humarveisla „Mér finnst mjög gaman og af- slappandi að búa til mat. Þegar maður hefur verið í vinnunni allan daginn er ágætt að fara í matar- gerðina," segir Sesselja Guð- mundsdóttir, matgæðingur vik- unnar. Sesselja, sem er háriðn- meistari, ætlar að bjóða lesendum upp á tvær humarúppskriftir og góöa tertu í eftirrétt. Hún segist hafa mest gaman af að elda fisk. Sesselja á auðvelt með að nálgast humar þar sem eiginmaður hennar er með humarverkun. „Ég býð gestum yfirleitt í humar enda er hægt aö matreiða hann á svo marg- víslegan hátt. Ég á fjölmargar upp- skriftir að humri en læt þessar tvær nægja núna," segir Sesselja. Grillaðir humarhalar 1 Vi kíló humar í skel 100 g smjör 2 hvítlauksrif brauðrasp hvítlaukssalt Humarinn er skorinn við aftasta lið (bakið) og humarkjötinu lyft upp á skelina, görnin fjarlægð, smjörið brætt en má ekki hitna og hvítlaukurinn pressaður út í. Þá er humarinn settur á ofngrind, penslaður með smjörinu, brauð- raspi stráð yfir og kryddaður með hvítlaukssalti. Humarinn er síðan grillaður undir grillinu í bakara- ofninum í 5-7 mínútur eða þangað til humarkjötið er orðið stíft. Borð- aður með ristuðu brauöi, ísbergs- eða lambhagasalati, steinseýu- eða. agúrkusósu. Steinseljusósa 1 dl sýrður rjómi 1 dl majónes Sesselja Guömundsdóttir háriön- meistari er matgæðingur vikunn- ar. DV-mynd sítrónusafi 2 pressuð hvílauksrif 'A búnt fersk steinselja Allt hrært saman og látið bíða í 4-6 tíma í kæh. Agúrkusósa 1 dl sýrður rjómi 1 dl majónes sítrónusafi 1 dl sýrðar agúrkur —> Safinn sigtaður frá agúrkunum, þær hakkaðar í matvinnsluvél og hrærðar í sósuna. Mjög góðar sósur með öllum fiskréttum. Marineraður humar 500 g skelflettur humar yi dl olífuolía (Berio) '/2 dl þurrt hvítvín 2 msk. koníak 2 msk. sítrónusafi 'A græn paprika % rauð paprika '/2 púrrulaukur sítrónupipar aromat-krydd frá Gevalia Humarinn er þerraður og lagður í marineringarlöginn í sex tíma. Síð- an er allt sett í pott, jafnt lögurinn og humarinn, og suðan látin koma upp. Kryddað með sítrónupipar og aromati. Þykkt með sósujafnara. Borið fram með laussoðnum hrís- grjónum og ristuðu brauði. Þetta er mjög upplagður réttur t.d. á gamlárskvöld. Maður getur átt þetta tilbúið í ískápnum og sett í pott um miðnætti þegar allir eru orðnir svangir. Þetta er mjög góður réttur. Fljótleg terta 1 svampbotn 250 g fersk jarðarber 4 stk. kiwi lítíll pakki After Eight 2 72-3 'A dl rjómi 1-2 tsk. strásykur. Svampbotninn er klofinn í tvennt með hnífi. Rjóminn er þeyttur, jarðarberin skoluð og hreinsuð, skorin í tvennt og sykrinum stráð yfir. Rjómi er settur á báða köku- helmingana, eitt kiwi er skorið nið- ur og sett á annan helminginn ásamt hluta af jarðarberjunum og sex plötur af After Eight sem hafa verið smátt skornar og þá er hinn helmingurinn af botninum settur yfir og skreytt með jarðarberjun- um, kiwi (skorið í sneiðar) og After Eight. Þegar kakan hefur verið geymd í ísskáp í nokkra tíma hefur rjóminn tekið í sig bragð af súkkul- aðinu og það er mjög gott. Þetta er einföld terta sem fljótlegt er að gera. Sesselja ætlar að skora á mág- konu sína, Sigrúnu Inger Helga- dóttur, bónda í Borgarfirði, að verða næsfi matgæðingur. „Hún er góður kokkur og fljót að búa til eitt- hvað gott." Hinhliðiii Langar að lesa Ólaf Jóhann - segir Gunnlaugur Helgason útvarpsmaður Gunnlaugur Helgason er kominn til landsins eftir að hafa stundað leiklistarnám í Los Angeles. Gulli, eins og hann er ailtaf kallaður, hefur verið einn öflugasti útvarps- maður Bylgjunnar undanfarin sumur en hefur nú söðlað um og hafið störf hjá FM 957. Þar er Gulli Helga nú með morgunþátt og segist hafa gaman af að prófa FM þar sem nýir eigendur séu við völd og út- varpsstöðin á uppleið. Þaö er Gulh Helga sem sýnir hina hhðina að þessu sinni: Fullt nafn: Gunnlaugur Helgason. Fæðingardagur og ár: 26. águst 1963. Maki: íris ErUngsdóttir. Börn: Helgi Steinar sem er fimm og hálfs árs. Bifreið: Nissan Sunny, árgerð 1991. Starf: Dagskrárgerðarmaður og leikari. Laun: Þau fara eiginlega eftir árs- tíðum. Áhugamál: Kvikmyndir og vinnan mín. Hefur þú unnið í happdrætti eða lottói? Ég hef fengið fjóra rétta í lottóinu hér heima og líka í Banda- ríkjunum. Hvað finnst þér skemmtilegast að gera? Liggja á ströndinni í Kali- forníu með fjölskyldunni og slaka á. Hvað finnst þér leiðinlegast að gera? Að sirja fastur í fjörutíu stiga hita í traffíkinni í Los Angeles meö bilaða loftkæhngu. Uppáhaldsmatur: Rjúpur, maður Gunnlaugur maður. Helgason útvarps- fær þær bara einu sinni á ári. Uppáhaldsdrykkur: Undanrenna og íslenskt vatn. Hvaða íþróttamaður stendur fremstur í dag? Eiður Smári Guðjohnsen. Uppáhaldstímarit: Mannlíf og Hollywood Reporter. Hver er fallegasta kona sem þú hefur séð fyrir utan maka? Marisa Tomei. Ertu hlynnntur eða andvígur ríkis- stjórninni? Hlutlaus. Hvaða persónu langar þig mest að hitta? Anthony Hopkins og aðeins lengur en þegar ég hitti hann síð- ast. Uppáhaldsleikari: Tommy Lee Jones og Pálmi Gestsson. Uppáhaldsleikkona: Meryl Streep. Uppáhaldssöngvari: Björgvin Hall- dórsson. Uppáhaldsstjórnmálamaður: Jón Baldvin Hannibalsson. Uppáhaldsteiknimyndapersóna: Tommi og Jenni. Uppáhaldssjónvarpsefni: Breskir fræðsluþættir. Uppáhaldsveitingahús: Ég elska Kínahúsið í Lækjargötu. Hvaða bók langar þig mest að lesa? Sniglaveisluna eftir Ólaf Jóhann Ólafsson. • Hver útvarpsásanna finnst þér best? Ætli það fari ekki svolítið eft- ir því hvar ég starfa hverju sinni. Uppáhaldsútvarpsmaður: Hinn hehnsfrægi Howard Stern. Hvort horfir þú meira á Sjónvarpið eða Stöð 2? Nokkuð jafnt en annars horfi ég ekki mikið á sjónvarp. Uppáhaldssjónvarpsmaður: David Letterman. Uppáhaldsskemmtistaður: Kaffi Paris. Uppáhaldsfélag i íþróttum? Víking- ur. Stefhir þú að einhverju sérstöku í framtíðinni? Já, að komast aftur til Bandaríkjanna og taka upp þráð- inn þar sem frá var horfið í leiklist- inni. Hvað gerðir þú í sumarfríinu? Eftir að hafa unnið hér heima í allt sum- ar fór ég aftur til Bandaríkjanna í mánuð og kom síðan heim með strákinn minn sem fór á íslensku- námskeið.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.