Dagblaðið Vísir - DV - 06.07.1996, Blaðsíða 22

LAUGARDAGUR 6. JÚLÍ 1996
sérstæð sakamál
Glæpur án refsingar?
Elizabeth Brett.
Þaö var ljót sjón sem mætti ensku
lögreglunni þetta maíkvöld 1984
þegar hún kom á bílastæði fyrirtæk-
is eins í Knaphill í Surrey. Sölu-
stjóri þess, David Brett, íjörutíu og
sjö ára, lá þar látinn viö hlið BMW-
bíls síns, og var augljóst að hann
hafði verið myrtur. Á höfðinu voru
miklir áverkar.
Það var frú Elizabeth Brett, fjöru-
tíu og fjögurra ára eiginkona hins
myrta, sem hafði gert lögreglunni
aðvart. Hún var í losti. Var ekki
unnt að yfirheyra hana, þar eð hún
hafði þarfnast meðferðar á spítala.
Það leit út fyrir að David Brett
hefði verið myrtur til fjár. Allir fjár-
munir og annað verðmætt hafði ver-
ið hirt af líkinu. Það var hins vegar
eitt sem Kevin Wade rannsóknar-
lögreglufulltrúa fannst einkenni-
legt. Hvers vegna hafði ræninginn
ekki látið sér nægja að rota David
Brett og ræna hann svo, ef rán var
ástæða morðsins?
Wade fór á spítalann þar sem
Elizabeth Brett var, og fékk loks að
ræða stuttlega við hana. Þá sagði
hún honum að maður að nafni
Roger Simms hefði hótað að myrða
mann sinn. Lengra náði samtalið
ekki, því ekki var talið ráðlegt að
halda því áfram.
Handtakan
Um miðnætti þetta sama kvöld
hafði Wade fulltrúa tekist að upp-
lýsa að Roger Simms bjó í húsinu
við Hersham Road 64. Simms varð
mjög undrandi þegar hann opnaði
dyrnar fyrir lögreglumönnunum,
sem komu að honum þar sem hann
var að þvo skyrtu í vaskinum hjá
sér.
Wade spurði Simms hvort hann
hefði myrt David Brett. Simms neit-
aði því og sagðist ekkert um morðið
vita. En grunur féll strax á hann,
því í skyrtunni, sem hann hafði
ekki lokið við að þvo, voru blóð-
blettir, og leit í íbúð hans leiddi í
ljós ýmislegt af því sem rænt hafði
veriö af David Brett.
Simms viðurkenndi síðar um
nóttina að hafa staðið í ástarsam-
bandi við Elizabeth Brett. Sagðist
hann hafa verið með henni á heim-
ili systur hennar, Maureen Den-
hart, á þeim tíma sem morðið var
framið. Maureen hefði verið að
heiman, og því hefðu þau Elizabeth
getað verið ein i húsinu.
Wade fulltrúi trúði ekki einu orði
af því sem Simms sagði, og taldi að
morðið væri upplýst.
Ástarsambandið
Nokkrum dögum síðar hafði
Elizabeth Brett náð sér það vel að
Wade gat rætt við hana í næði. Hún
viðurkenndi þá að Roger Simms
hefði verið elskhugi sinn um skeið,
en sagði að hann hefði ekki látið sér
nægja það. Hann hefði lagt til að
þau færu að búa saman.
„Maðurinn minn var mjög áhuga-
samur um vinnuna sína,“ sagði frú
Brett. „Þess vegna hef ég átt tvo
elskhuga síðustu árin. En þrátt fyr-
ir það elskaði ég hann enn, og hefði
ekki yfirgefið hann undir neinum
kringumstæðum. Ég sagði Roger
það, en þá hafði hann á orði að Dav-
id stæði í veginum fyrir okkur og
yrði að deyja. Þá sagði ég honum að
samband okkar væri á enda, og eft-
ir það hélt ég að han hefði fallið frá
hugmynd sinni.“
Wade fór nú til Maureen Denhart,
systur frú Brett, og sagði hún þá að
hún hefði aldrei lánað Elizabeth
systur sinni og Simms hús sitt, enda
hefði hún verið heima með manni
sínum og tveimur börnum morð-
kvöldið.
Málið verður flóknara
Eftir að hafa fengið upplýsingar
systranna, Elizabeth og Maureen,
hélt Wade fulltrúi til Rogers Simms.
Hann sagði þá nýja sögu af því sem
gerst hefði. Hann kvaðst hafa
kynnst Elizabeth Brett fyrir milli-
göngu vinar síns, Tonys Croft, sem
var þrjátíu og sjö ára. Croft hefði
verið elskhugi Elizabeth um hríð,
en misst áhugann á henni þegar
hún hefði lýst yfir því að hún vildi
fara frá manni sínum og giftast hon-
um. Roger sagði að sér hefði litist
vel á Elizabeth, og nokkru eftir að
þau kynntust hefðu þau verið farin
að eiga ástarfundi.
Roger Simms játaði nú að hafa
myrt David Brett, en sagði að um
Roger Simms.
samatekin ráð hans og Elizabeth
hefði verið að ræða. Hún hefði sagt
sér að hún vildi fara frá manni sín-
um og giftast sér, en hann, Simms,
verið atvinnulaus og ekkert fé átt.
Hún hefði þá sagt að það væri ekki
vandamál, því hún myndi erfa allar
eigur manns síns og fá að auki
greitt líftryggingarfé, sem væri
veruleg upphæð.
Hugmyndin hefði verið sú, sagði
Simms, að myrða David Brett að
kvöldi til þegar hann hefði unnið
lengi fram eftir á skrifstofunni og
láta líta út fyrir að um ránmorö
hefði verið að ræða. Líkið myndi
ekki finnast fyrr en næsta morgun,
svo nægur tími gæfist til að afmá öll
spor.
Enn fleiri mótsagnir
Roger Simms skýrði enn fremur
frá því að þeim Elizabeth hefði kom-
ið saman um hvað segja skyldi lög-
reglunni þegar ljóst yrði að David
hafði verið myrtur. Þau myndu þá
Tonys Croft.
segjast hafa verið saman alla nótt-
ina í húsi systur hennar, Maureen.
Fyrir lá að Elizabeth haföi komið
á bílastæðið viö skrifstofu manns
síns skömmu eftir að hann var
myrtur, séð líkið og gert lögregl-
unni aðvart. Eftir að hafa heyrt það
og annað sem fram var komið hafði
Simms orð á því við Wade fulltrúa
að Elizabeth og Tony Croft hefðu
Kevin Wade.
skipulagt morðið á David og hann,
Simms, orðið leiksoppur þeirra.
Wade leit svo á að Simms væri að
gera tilraun til að koma af sér að
minnsta kosti hluta þeirrar ábyrgð-
ar sem hann hafði axlað með játn-
ingunni. Lögreglufulltrúinn hélt á
fund Tonys Croft, og þá hrundi öll
röksemdafærsla Rogers Simms eins
og spilaborg.
Saga fyrri elskhugans
Tony Croft játaði að hafa staðið í
ástarsambandi við Elizabeth Brett.
Hann sagðist hafa orðið ástfanginn
af henni, og þar eð fjárhagur hans
væri þokkalegur og hann ætti sitt
eigið hús hefði hann lagt til að hún
skildi við mann sinn og flyttist til
hans. Þá hefði Elizabeth hins vegar
sagt að þótt hún væri óánægð með
hve mikill vinnufikill maður henn-
ar væri gæti hún ekki hugsað sér að
yfirgefa hann eftir tuttugu og
þriggja ára hjónaband.
„Ég átti nú aðeins tvo kosti,“
sagði Croft. „Annaðhvort að halda
áfram að hitta hana á laun eða
hætta að vera með henni og leita
mér að stúlku. Ég tók síðari kost-
inn.“
Enn var kominn framburður sem
gekk þvert á það sem Roger Simms
hafði til málanna að leggja. Þegar
réttarhöldin yfir honum hófust í
október 1984 kom hann með skýr-
ingar sínar, en kviðdómendur tóku
lítið mark á þeim. Var hann fund-
inn sekur um að hafa myrt David
Brett að yfirlögðu ráði og fékk lífs-
tíðardóm. Þar með var málinu opin-
berlega lokið.
Grunsemdir
Wade fulltrúi fylgdist gaumgæfi-
lega með réttarhöldunum. Þótt
hann heföi sjálfur borið brigður á
það sem Roger Simms hafði sagt um
morðið og aðdraganda þess gat
hann ekki losnað við grunsendir
sem gert höfðu vart við sig og fóru
nú frekar vaxandi en hitt.
Þegar leið að jólum 1984 ákvað
Wade því að kanna hagi Elizabeth
Brett og Tonys Croft, ef vera skyldi
að þau væru í þann veginn að rugla
saman reytum. En sú rannsókn
leiddi það eitt í ljós að Elizabeth bjó
ein í húsi sínu, og Tony lifði sínu
lífi. Virtist hvorugt gera neina til-
raun til að hafa samband við hitt.
Wade sagði því við sjálfan sig að nú
gæti hann loks litið svo á að málið
Væri leyst. Rogers Simms hefði
fengið þann dóm sem hann átti skil-
ið.
En með Wade áttu eftir að vakna
nýjar grunsemdir, sem hann hefur
glímt við til þessa dags. í júlímán-
uði tveimur árum eftir morðið á
David Brett fór lögreglufulltrúinn
með konu sinni og tveimur börnum
með leiguflugvél frá Gatwick-flug-
velli í London til Torremolinos á
Spáni, en þar hugðist fjölskyldan
vera í sumarleyfinu.
Dag einn fór Wade með konu og
bömum í skoðunarferð til Malaga.
Þau komu þar á markað, og skyndi-
lega gekk kona rétt hjá Wade. Hann
bar þegar í stað kennsl á hana, en
hún tók ekki eftir honum. Konan
var Elizabeth Brett. Og rétt á eftir
henni gekk Tony Croft.
Um seinan
Það sem Wade fulltrúi sá þennan
dag eyðilagði næstum sumarleyfið
hans, og þegar hann kom heim gat
hann ekki látið vera að hefja á ný
rannsókn á vissum þáttum málsins.
Þá kom í ljós að Elizabeth hafði
fengið greitt líftryggingarfé manns
síns í mars 1985. Síðan seldi hún all-
ar eigur sínar, hús, tvo BMW- bíla
og annað, og tók út ailt fé sem hún
átti í banka. Skömmu síðar fór hún
frá Englandi og settist að á Spáni.
Nýja heimilisfangið hennar var í
Malaga.
Tony Croft hafði farið að á svip-
aðan hátt í mars 1985. Hann hafði
selt hús sitt, tæmt bankareikning-
ana og flust til Spánar. Heimilisfang
hans var í Malaga á Spáni.
Wade spurði sig nú þeirra spurn-
ingar hvort verið gæti að Roger
Simms hefði á sinn hátt haft rétt
fyrir sér. Var hann fávíst fórnar-
lamb Elizabeth Brett og Tonys
Croft? Höfðu skötuhjúin skipulagt
það sem teljast mætti glæpur án
refsingar? Það var staðreynd að
Elizabeth hafði vísað á Roger sjálft
morðkvöldið, þegar honum hafði
enn ekki gefist tími til að þurrka út
þau spor sem urðu til þess að bönd-
in bárust að honum.
Wade er ekki einn um að hafa
grunsemdir um að um samsæri hafi
verið að ræða. I raun geti því þijár
manneskjur hafa komið við sögu
morðsins á David Brett. Af þeim
sitji ein í fangelsi, en hinar tvær
njóti lífsins í vellystingum á Spáni.
En Wade getur ekkert frekara að-
hafst. Til þess skortir hann sannan-
ir.