Dagblaðið Vísir - DV - 04.12.1999, Qupperneq 48

■56
LAUGARDAGUR 4. DESEMBER 1999 JD'V’

Tónlist sem kveikir líf í kroppnum
íslenska hljómsveitin
Six Pack Latino sérhæfir
sig í suður-amerískri
tónlist og hefur sent frá
' sér disk sem losar um
liðamótaskrúfurnar, örv-
ar mýktina og lætur
mjaðmirnar sveiflast
Björt mey og mambó er heitið á
nýjum geisladiski frá „Six Pack
Latino", islenskri hljómsveit sem
hefur á seinustu misserum sérhæft
sig í nautnatónlist Suður-Ameríku.
Hljómsveitina skipa þau Aðalheiður
Þorsteinsdóttir píanóleikari, Jó-
hanna V. Þórhallsdóttir söngkona,
" Páll Torfi Önundarson gítarleikari,
Tómas R. Einarsson, sem leikur á
kontrabassa, Þorbjöm Magnússon,
sem leikur á bongótrommur og
kongatrommur, og Þórdís Claessen
sem leikur á djembee, guiro hristur,
bjöllur, slagverk og fleira.
Á diskinum er gömul og ný suð-
ur-amerísk tónlist auk nokkurra
laga sem samin eru af Tómasi R. og
Páli Torfa og hafa alveg sömu lið-
mjúku taktana og sú suður-amer-
íska sjálf. Það er því ekki ólíklegt að
r diskinum verði vel tekið af landan-
um sem hefur verið nokkuð að hall-
ast undir þessa tegund af tónlist upp
á síðkastið og varla verður nokkur
maður fyrir vonbrigðum. Hún er
hreint ekki leiðinleg enda fyrirtæk-
ið tU þess stofnað að valda ekki leið-
indum," eins og þau Tómas og Jó-
hanna segja þegar DV hefur sam-
band við þau til að fá upplýsingar
um þennan nýja disk.
Kippa Latino gekk ekki
En hvaðan kemur nafnið Six
Pack Latino?
„Nafnið fæddist í einhverjum
gálgahúmor á æfingu," segir Tómas.
„við þurftum að gefa okkur nafn og
vínkaupmaðurinn Þorbjörn kom
með kippu á æfingu. Við vorum
með þessa kippu og að spila latin-
tónlist og umræðan spannst í kring-
um það. „Kippa Latino“ gekk ekki
svo þetta varð blanda af ensku og
latino."
Hljómsveitin hefur starfað í tæp-
lega eitt og hálft ár og segir Jó-
hanna samstarfið hafa byrjað með
plötunni hennar „Flauelsmjúkar
hendur". Síðan var það haustið ‘98
að þau „kippufólkið", eins og hún
orðaði það, kom saman og horfði i
fjóra tíma á þætti sem Harry
Belafonte gerði um kubanska tónlist
og það varð ekki aftur snúið. „Það
voru þessir þættir sem kveiktu í
okkur,“ segir hún.
„í framhaldi af því fórum við að
hlusta á þessa gömlu Kúbani sem
eru svo vinsælir um allar koppa-
grundir," segir Tómas. „Þeir eru á
áttræðis- og níræðisaldri og alveg
lausir við rafmagns- og poppáhrif.
Þessir gömlu karlar nálgast þetta
meira beint. Þetta voru menn eins
og píanistinn Ruben Gonzales,
Compay Segundo og Ibrahim Ferrer
og fleiri sem blésu okkur inn áhrif-
in.
Hins vegar erum við íslendingar
og helmingi yngri en þessir menn
og útkoman hlaut að verða öðruvísi
en hjá þeim.“
Þráin sú sama
Hvernig gengur þessi tónlist í
landann?
„íslendingar virðast vera ótrú-
lega veikir fyrir henni. Hún kveikir
eitthvert líf inni í kroppnum á
mönnum, kveikir eitthvað sem þá
langar til að gera.“
„íslendingar eru aðeins að
liðkast," bætir Jóhanna við. „Þessi
tónlist hefur þau áhrif að fólk fer að
dansa. Það situr ekki kyrrt. Við höf-
um ekki ennþá séð fólk sitja kyrrt í
heilt kvöld þegar við höfum verið að
spila. Það fer að vagga sér mjúklega
í sætunum og göngulagið verður
allt miklu léttara og meiri sveifla í
því.“
„í þessum suður-amerisku lönd-
um er fólki eðlilegt að vagga sér i
mjöðmunum," segir Tómas. Sögu-
lega séð erum við hins vegar alltaf
að klofa skafla á veturna og stund-
andi þúfnagöngulagið á sumrin. Við
höfum, svona líkamlega séð, ekki
sömu forsendur til líkamssveiflunn-
ar - hins vegar er þráin sú sama.
Önnur og nærtækari skýring er
sú að á Kúbu og í Brasilíu eiga
menn trommurnar sem forfeður
þeirra komu með frá Afríku en okk-
ar tónlistariðkun náði hæst í að
baula í fimmundum. Sú tónlist er
annars eðlis og síðra að dansa eftir
henni.“
Blanda af mýkt og krafti
En er hún ekki okkar tónlistar-
arfleifð?
„Hún er svo langt fyrir aftan okk-
ur. Sigvaldi Kaldalóns er miklu
fremur arfleifð okkar en Jón Leifs.
Jón er síðari tíma uppfinning. Það
má eiginlega segja að Bítlamir og
Rolling Stones séu okkar arfleifð, ef
eitthvað er. Annars er þessi latino-
tónlist alþjóðleg þótt hún eigi upp-
tök sín í Karíbahafinu."
Það vekur athygli að tónlistin á
diskinum er mýktin meira áberandi
en sveiflan.
„Við reyndum að blanda saman
mýkt og krafti," svarar Jóhanna.
„Það er helst kraftur og gleði sem
sameinar þessa suðrænu sveiflu og
svo er hrópað og kallað. Á yfirborð-
inu virðist þetta kannski kæruleys-
isleg tónlist en það er ekkert kæru-
leysislegt við flutning hennar.“
Tómas: „Ég var einmitt i gær-
kvöldi að lesa um það þegar Stra-
vinsky kom til Havana á 4. áratugn-
um. Hann var mjög upptekinn af
ryþma og byrjaði strax að nótera
niður rythmann sem hann heyrði -
en hann varð að leggja frá sér blað-
ið og játa sig sigraðan. Hann náði
ekki þessum rythma sem þeir voru
að spila á trumburnar.
Það er ekkert einfalt mál að spila
þessa tónlist þótt hún hljómi ein-
fóld.“
Jóhanna syngur lögin á plötunni
silkimjúkri röddu og virkar viðs-
fjarri þeirri djúpu og dimmu tækni
sem einkenndi hana fyrir ekkert
svo mörgum árum en hún er jú
lærð óperusöngkona. En er bara
einfalt mál að stökkva á milli þess-
ara söngstíla?
„Ég nota það sem ég hef lært
meira ómeðvitað en meðvitað,"
svarar Jóhanna, „en það er meiri
slökun í þessari tæknihugsun. Mér
finnst það framfor hjá mér að ég
hugsa ekki um það lengur hvort ég
er að syngja klassík eða eitthvað
annað. Ég er bara að syngja - meira
af tilfinningu en tæknihugsun."
Höfum tekið við nýjum
straumum alla öldina
Six Pack Latino-sveitin hefur
leikið á tónleikum og böllum nokk-
uð víða. Fram að jólum verður því
haldið áfram og verður m.a. suður-
amerískt sveifluball í KafFileikhús-
inu 18. desember.
Haldið þið að þessi tónlist eigi eft-
ir að veita nýjum straumum inn í
tónlistarlíf okkar?
„Tónlistarlíf okkar hefur verið að
taka við nýjum straumum alla öld-
ina. Við getum nefnt sving og tvist
sem dæmi. Latino-tónlistin er búin
að ryðja sér til rúms um allan heim
vegna þess að fólk hugsar ekki tón-
list í landamærum, sem betur fer,“
segja þau Tómas og Jóhanna.
„Þetta með að rækta bara eigin
garð eða nýta bara sína garðyrkju-
menn er deila sem hefur átt sér stað
alla öldina. En áhrif erlendis frá
hefur alltaf auðgað íslenskt menn-
ingarlíf þegar upp er staðið."
sús