Dagblaðið Vísir - DV - 06.01.2001, Qupperneq 25

25
LAUGARDAGUR 6. JANÚAR 2001__________________________
I>V _______________________________________________________________________________ Helgarblað
Marie Jones, höfundur Meö fulla vasa af grjóti:
Ástfangin
af orðum

MkvhU
Leikritið Með fulla vasa af
grjóti, sem Þjóðleikhúsið
frumsýndi 30. desember síð-
astliðinn, hefurfengið góðar
viðtökur gagnrýnenda.
Verkið er eftir Mariejones
og var hún viðstödd síðari
hluta frumsýningarinnar
þar sem hún kom ekki til
Reykjavíkur í tœka tíð til
að verða vitni að allri sýn-
ingunni. Hún sá síðan sýn-
ingu tvö í heild sinni.
Marie hefur á 17 árum skrifað 27
verk og hafa þau verið leikin víða um
heiminn og er Með fulla vasa af gijóti
annað verka hennar sem ratar alla leið
á Broadway. Hin sýningin var Nóvem-
berkvöld sem er einleikur sem hlotið
hefur nokkra hyEi. Marie er leikkona
og hefur meðal annars leikið nokkuð i
kvikmyndum, til að mynda fór hún
með hlutverk móðurinnar, Söru Con-
lon, í kvikmyndinni í nafni fóðurins
þar sem Daniel Day-Lewis fór með að-
alhlutverk.
Upphaflega byrjaði hún að skrifa
leikrit því mikill skortur var á góðum
hlutverkum fyrir konur, venjulegar
konur.
Hló á réttum tíma
Marie segir að það hafi verið mjög
skrýtið að sjá sýninguna á íslensku.
„Ég skildi ekki eitt aukatekið orð,“
segir Marie hlæjandi. „Eftir smástund
byijaði ég að greina nöfnin og varð
vön hljómfalli málsins. Ég þekki verk-
ið mjög vel þannig að ég vissi nokkum
veginn hvað þeir voru að segja. Hilmir
Snær og Stefán Karl voru fýndnir og
mjög góðir. Ég hló ailtaf á réttum
tíma.“
Tveir heimar
Marie segir að hugmyndin að verk-
inu hafi kviknað af reynslu þeirra hjóna
af kvikmyndaleik. Eiginmaöur Marie er
Ian McElhinney sem leikstýrir Með
fúlla vasa af gijóti í Þjóðleikhúsinu og
hefur fylgt verkinu frá upphafi.
„Við höfum leikið í mörgum mynd-
um og reynslan er mjög sérstök. Kvik-
myndir eru oft teknar á stöðum þar
sem megináherslan hefur alltaf verið
lögð á landbúnað. Hnattvæðingin hef-
ur hins vegar gert það að verkum að
það þarf ekki jafn marga bændur og
áður. Það steðjar því ákveðin hætta að
þessum litlu sveitaþorpum. Til að
bregðast við þessari hættu hefur verið
reynt að draga að ferðamenn og tengt
því er að fá amerísk kvikmyndafyrir-
tæki til að taka myndir sínar upp á Ir-
landi.
Það er mjög áhugavert að sjá þessa
tvo heima reyna að lifa saman í sátt og
samlyndi: Hollywood með öllum glam-
úmum og umstanginu og síðan kyrrlát
sveitaveröldin sem hefur hingað til
reitt sig á búskapinn. Sambúðin varir
oft i sex eða sjö vikur og átökin milli
þessara heima tekur á sig skrýtnar
myndir. Þessir heimar skilja hver ann-
an ekki að fullu.“
Amerískt íriand
„írland er ekki eins og það birtist
okkur í amerískum kvikmyndum,"
segir Marie. Hún segir að rætur
margra Bandaríkjamanna séu á ír-
landi og það sé hluti af því að ímynd
írlands í kvikmyndum sé mjög róman-
tísk.
„Sagan í leikritinu er hið sanna ír-
land: ungur maður sem striðir við eit-
urlyfjaneyslu. Engin von, ekkert land
og engin framtíð. Það er algjör and-
stæða við hið rómantíska írland sem
verið er að búa til í kvikmyndinni í
verkinu. Þessum heimum lýstur að
endingu saman.“
Frekar orö en myndir
Marie segir að hún hafi skrifað
þetta með það í huga að tveir leikarar
lékju öll hlutverkin. Hún hafi þó ekki
haft áhyggjur af því hvemig samtöl
yrðu leyst inni á sviðinu. Hún hafi lagt
handritið í hendur Ians og leikaranna
og látið þá um að leysa þau vandamál
sem upp kynnu að koma.
„Það var mjög gott þvi þeir þurftu
að sjá algjörlega um að skapa persónur
og umhverfi því ég lét þeim ekki eftir
neitt - nema orðin.
Margir höfundar hafa miklar leik-
lýsingar í handritum sínum og sjá fyr-
ir sér leikmynd og þess háttar. Ég sé
verkið á kvikmyndalegan hátt en ég
DV-MYNDIR HARI
Marie Jones
„Sagan í leikritinu er hið sanna írland: ungur maður sem stríðir við eiturlyfjaneyslu. Engin von, ekkert land og
engin framtíð. Það er algjör andstæða við hið rómantíska írland sem verið er að búa til í kvikmyndinni í verkinu.
Þessum heimum lýstur að endingu saman. “
gat ekki ímyndað mér það á sviði. Ég
sé verk min aldrei fyrir mér á sviði.
Ég fylgist helst ekki með æfmgum.
Það kom mér mjög á óvart hvemig
leikstjórinn og leikaramir unnu úr
verkinu."
Þótt hún hugsi á kvikmyndanótum
þá stendur hugur hennar ekki til
þeirra.
„Mér fmnst ekki mjög gaman að
kvikmyndum. Ég fer helst ekki í bió.
Ég get skrifað leikrit um kvikmyndir
en ég vil ekki sjá þær,“ segir Marie og
hlær. „Ég elska leikhúsið. Ég elska
orð. Þegar kvikmyndahandrit er skrif-
að er alltaf sagt að ekki þurfi að segja
mikið því hið sjónræna sé svo sterkt.
Ég vil frekar segja það, ég vil frekar
heyra orð en sjá myndir."
Án raddar
Verkið hefur gengið mjög vel þar
sem það hefúr verið sett upp. Marie er
ekki frá því að það sé eitthvað alþjóð-
legt við verkið.
„Með fulla vasa af grjóti fjallar um
fólk sem hefur ekki vald á lífi sínu.
Margir geta samsamað sig þessu fólki.
í verkinu lærist aðalpersónunum að
þær hafa kannski eitthvað að segja um
örlög sín. Valdalaust fólk mætir fólk-
inu sem hefur valdið. Einhvem veginn
ná þeir sem skortir valdið að sigra. Öll
mín verk em á þessum nótum. Þau
fjalla um fóik án raddar sem að lokum
flnnur hana.“
-sm
Laugardagar
eru nammidagar
Höfundur og ieikarar
Hilmir Snær Guönason og Stefán Karl Stefánsson hafa með réttu hlotiö mikið lof gagnrýnenda fyrir leik sinn í
Með fulla vasa afgrjóti. Marie . ies segist og mjög ánægð með frammistöðu þeirra og ætlar að koma aftur.