Dagblaðið Vísir - DV - 12.07.2003, Síða 37

LAUGARDAGUR 12. JÚLÍ2003 DVHELGARBLAD 41

b
\
'b
10. umferð Landsbankadeildarinnar hefst í dag:
Eykur Þróttur
forystuna?
Getur komist fimm stigum á undan
Fylki með sigri á KR í dag
Tíunda umferð Landsbanka-
deiidarinnar í knattspyrnu
hefst í dag með leik KR og
Þróttar á KR-vellinum. Leikur-
inn hefst kl. 17 en hann var
færður til frá morgundeginum
vegna Evrópuleiks KR-inga
gegn armenska liðinu Pyunik
Jerevan.
Þróttarar hafa verið á miklu skriði
að undanförnu og eru í efsta sæti
deildarinnar með átján stig í níu leikj-
um, tveimur stigum meira en Fylkis-
menn. Þeir hafa unnið sex af síðustu
sjö leikjum sínum í deildinni og hafa
innanborðs „heitasta" leikmann
deildarinnar, Björgólf Takefusa, sem
hefur skorað níu mörk í sumar. Þrótt-
arar hafa vakið mikla athygli í sumar
enda nýliðar í deildinni og Eysteinn
Lárusson, sem hefur leikið frábærlega
í vörn þeirra í sumar, sagði í samtali
við DV-Sport í gær að Þróttarar
myndu ekki mæta með neina minni-
máttarkennd á KR-völlinn í dag.
Ætlum okkur þrjú stig
„Okkur hefur gengið mjög vel í
sumar - framar öllum vonum - og
það er engin ástæða til annars en
mæta á KR-völlinn til þess að taka
þau þrjú stig sem í boði eru. Við erum
í toppsætinu eins og er og það væri
gaman að halda því en við hvikum
samt ekki frá okkar upphaflega mark-
miði sem er að halda okkur í deild-
inni. Við þurfum fjögur til flmm stig í
viðbót til að vera öruggir og á meðan
þau er ekki í húsi þá setjum við okkur
ekki önnur markmið. Við mætufn af-
slappaðir til leiks því að ég held að
það sé meiri pressa á KR-ingum held-
ur en okkur. Það er góð stemning í
hópnum, allir eru heilir og virkilega
tilbúnir að leggja sig fram,“ sagði Ey-
steinn.
Gengi KR-inga hefur verið brokk-
gengt í sumar en þeir eru samt sem
áður í fjórða sæti deildarinnar, fjórum
stigum á eftir Þrótti. Þessi leikur hefur
mikla þýðingu fyrir þá og getur ráðið
miklu um það hvort KR-ingar berjast
um fslandsmeistaratitilinn fram til
síðasta leiks. Mikil meiðsli hafa verið í
herbúðum KR-inga í sumar og hefur
liðinu gengið illa að finna taktinn
sóknarlega. Þeir sýndu samt sem áður
fína takta í fyrri hálfieik gegn FH á
þriðjudaginn og það gæti verið að ris-
inn úr vesturbænum sé vaknaður tif
lífsins.
oskar@dv.is
KARlAfi LANDSBANKADEILD ÆA
Staðan:
Þróttur 9 6 0 3 17-11 18
Fylkir 9 5 1 3 13-7 16
Grindavík 9 5 0 4 14-15 15
KR 9 4 2 3 9-11 14
(BV 9 4 1 4 15-12 13
Valur 9 4 0 5 12-15 12
FH 9 3 2 4 14-15 11
(A 9 2 4 3 11-12 10
KA 8 2 2 4 10-11 8
Fram 8 2 2 4 10-18 8
Markahæstu menn:
BjörgólfurTakefusa, Þrótti 9
Gunnar Heiðar Þorvaldsson, (BV 8
Jóhann Hreiðarsson,Val 5
Sören Hermansen.Þrótti 5
Haukur Ingi Guðnason, Fylki 4
Jónas Grani Garðarsson, FH 4
Sinisa Kekic, Grindavík 4