Ársrit Ræktunarfélags Norðurlands - 02.02.1956, Page 1

ÁRSRIT
Rœktunarfélags Norðurlands
RITSTJÓRI: ÓLAFUR JÓNSSON
53. ÁRGANGUR
2.-3. HEFTI
1956
Páll Briem amtmaður
19. október 1856—15. desember 1904
ALDARMINNING
Á síðasta fjórðungi 19. aldarinnar var að ýmsu leyti
kyrrstaða í íslenzku þjóðlífi. Stjórnarskráin 1874 færði oss
að vísu margar réttarbætur, þótt ef til væri mest um það
vert, að Alþingi hlaut fjárforræði. Engu að síður markaði
hún þó eigi jafnmikil tímamót í sögu þjóðarinnar, og ef
til vill hefði mátt búast við, og minna fjöri hleyptu þær
umbætur, er fengust, í þjóðlífið, en mátt hefði ætla að
óreyndu. Mönnum var ljóst, að enn skorti mjög á, að
þjóðin hefði fengið þær stjórnarfarsbætur, sem æskilegar
og nauðsynlegar voru, til þess að vér fengjum ráðið málum
landsins, og forystumenn stjórnmálanna einbeindu því orku
sinni í deiluna við Dani um aukin landsréttindi. Deilur
þær voru vafalaust fullkomlega réttmætar, en þær urðu
ófrjóar og um leið gagnslitlar með því, að harðvítug hægri-