Ársrit Ræktunarfélags Norðurlands - 02.02.1956, Qupperneq 17

73
pilta, og sagði Páll honum um leið, að þá væri ekki enn
búinn að sækja um skólavist, nema einn Þingeyingur.
Ég kom svo til Akureyrar fyrstu dagana í maí, fann
amtmann, og hann kom mér í samband við hinn væntan-
lega húsbónda minn, Flóvent. Ákveðið var að ég færi með
Skálholti vestur á Hofsós, en nokkur töf varð á Akureyri,
því að skipið kom ekki fyrr en eftir liðuga viku. Ég gat
fengið vinnu þessa daga, og hafði 20 aura á tímann, eins
og aðrir verkamenn. Fæði keypti ég suður í Fjörunni hjá
foreldrum Júlíusar skipstjóra, kostaði það 65 aura á dag.
Þegar ég var búinn að borga kostnað minn yfir vikuna,
átti ég 10 krónur, sem mér þótti þá miklir peningar. Far-
gjald frá Akureyri til Hofsóss kostaði kr. 2.85. Þetta sé ég
í sjóðbók minni. Svo kom ferðin til Hóla, en það er nú
önnur saga.
í júlímánuði á túnaslætti kemur Páll Briem vestur að
Hólum og smiður með honum, Jón Chr. Stephánsson,
timburmeistari. Ég veit svo ekki fyrr en hann heilsar mér
þar úti við. „Hvemig hefur þér liðið?“ spyr hann.
„Sæmilega," segi ég.
„Hefur þér leiðzt?“
„Og ekki mikið,“ segi ég, en sannleikurinn var sá, að
ég kvaldist af leiðindum. Þá fer Páll að segja mér frá því,
að hann ætli að láta laga ýmislegt við skólahúsið og mála
það utan og innan, og þessu ætti að vera lokið áður en
Sigurður skólastjóri kæmi heim. Síðan segir hann við Fló-
vent, sem þarna var staddur hjá okkur: „Láttu hann Karl
vera við málninguna með manninum, sem ég sendi vestur.
Hann er vanur við heyskap, en gott fyrir hann að læra að
mála.“
Þá spyr ég Pál, hvort margir séu búnir að sækja um
skólann.
„Einn úr Þingeyjarsýslu, og það ert þú, og þú hefur