Ársrit Ræktunarfélags Norðurlands - 02.02.1956, Page 41

97
uppskeru, heldur en að gína yfir stórum garði, sem er van-
hirtur og gefur því lélega og misfellasama uppskeru.
Yfirbreiðsla úr striga (Hessian) kostar um kr. 2.20 á fer-
metra, eða 220—880 kr. á garða af þeirri stærð, sem áður
voru nefndir. Þetta er áþekkur kostnaður og girðing um
garðinn, en striginn, sem aðeins yrði notaður örfáar nætur
á ári, getur vafalaust enzt í marga áratugi, og verður því
yfirbreiðslukostnaðurinn ekki stór liður á uppskeru hvers
árs, og þarf ekki mikið að vinnast til þess að hann sé marg-
borgaður.
Framkvæmd yfirbreiðslu í litlum görðum er mjög einföld
og fljóleg. Striginn er svo léttur, að hann getur að skaðlausu
hvílt á kartöflugrösunum. Hann þarf að vera saumaður
saman í t. d. 5 m breiða feldi, sem eru jafnlangir og garður-
inn er langur eða breiður. Feldirnir eru rúllaðir saman, og
geta þá tveir menn á örfáum mínútum þakið um 400 m2
garð. Að notkun lokinni eru feldirnir aftur vafðir upp og
geymdir, þar til á að nota þá næst.
Þýðing yfirbreiðslunnar er tvenns konar. Hún á að tefja
útgeislun frá jarðveginum og þar með kælingu hans og þarf
því að framkvæmast áður en hitinn er fallinn mjög mikið,
og hún á einnig að hindra, að grasið þiðni of snögglega, ef
það hefur frosið. Auðvitað þarf að gera tilraunir með yfir-
breiðslu og fá úr því skorið, hve mikils má af henni vænta,
en engin ástæða er til að ætla, að hún sé ekki fullkomlega
eins góð eða jafnvel betri vörn gegn frostskemmdum heldur
en reykur, þoka eða aðrar frostvamir, sem reyndar eru og
notaðar með misjöfnum árangri, meðal annars vegna þess,
að erfitt getur verið að hafa vald á því, hvernig reyk og þoku
leggur. Yfirbreiðslan verður því vafalaust öruggari, hand-
hægari og ekki dýrari; þegar um smáa garða er að ræða.
Við megum ekki gleyma því, í þessu sambandi, að hér á
landi eru kartöflur verðmæt uppskera, sem nokkuð er ger-
andi fyrir.
7