Ársrit Ræktunarfélags Norðurlands - 02.02.1956, Page 55

Sigurður Blöndal:
Islenzkir skógræktarmenn í Noregsför
Stutt greinargerð.
í afskekktri sveit við þröngan fjörð á sunnanverðu Mæri
í Noregi situr aldraður bóndi, er Niels Ringset heitir. Á
langri ævi hefur hann sjaldan unnað sér hvíldar. Hann hef-
ur verið forvígismaður ungmennafélagsskaparins og skóg-
ræktarfélagsskaparins á heimaslóðum sínum, setið í stjórn-
um ótal annarra samtaka og stofnana, sem ná yfir allan Nor-
eg, m. a. ríkisjárnbrautanna, og í tvö ár nú eftir stríðið var
hann formaður norska skógræktarfélagsins.
Árið 1951 og 1955 kom hann hingað til íslands sem full-
trúi hins síðastnefnda. Hann vann hér hjörtu allra, sem
kynntust honum, og með þeim Hákoni Bjarnasyni, skóg-
ræktarstjóra, tókst vinátta.
í fyrra tók Ringset að vinna að því, að íslenzkum skóg-
ræktarmönnum yrði boðið í kynnisför til Vestur-Noregs.
Á ferðum sínum hingað hefur hann vafalaust séð hlið-
stæðurnar í þeim vandamálum, sem skógræktin á við að
etja í þessum hluta Noregs og á íslandi og álitið, að við mætt-
um eitthvað af Norðmönnum læra. Áform hans tókst. Skóg-
ræktarfélögin í fjórum vesturlandsfylkjum Noregs, Roga-
landi, Hörðalandi, Sogni og Fjörðum og Mæri, buðu tíu
íslendingum að koma sl. sumar í 10 daga heimsókn.
Förina fóru sjö starfsmenn Skógræktar ríkisins: Hákon
Bjamason, skógræktarstjóri, sem var sjálfkjörinn fararstjóri,
Baldur Þorsteinsson, skógfræðingur, og fulltrúi hans, skóg-