Búnaðarsamband Austurlands - 01.01.1917, Page 44

46
sýnt um skýrsluhald, og sú búfræðisreynsla, sem þeir
miðla, er mest öll munnleg og eftir ágiskun. prátt
fyrir þennan veigamikla anmarka, mun mega græða
talsvert á þeim upplýsingum, sem jeg hefi aflað mjer
um fóðureyðslu á ferðum mínum um Austurland á
árunum 191—17.
Á ferðum mínum um svæðið á milli Gunnólfs-
víkurfjalls og Breiðamerkursands hefi jeg að jafnaði
leitað upplýsinga um fóðureyðslu. Sumum þessum
upplýsingum liefi jeg safnað á sjerstök eyðublöð,
sem eru eign Sambandsins, nokkrar eru þar fyrir
utan. Svörin, sem jeg hefi fengið, eru um 150. Fæst
eru þau 3 úr einni sveit, flest 24. í töflunni, sem hjer
fer á eftir, eru reiknaðar meðaltölur fyrir hvern
hrepp, og er svo tekið meðaltal af þeim meðaltölum;
þessa meðaltölu kalla jeg meðalfóðureyðslu. par sem
kúm er gefið kraftfóður er það víðast hvar umreikn-
að í hey. Er það gert til þess, að samanburðurinn á
fóðureyðslunni verði eins á milli hreppanna. Einnig
vil jeg endurtaka það, að tölurnar eru teknar eftir
ágiskun, og miðaðar við það, sem hver bóndi kall-
ar meðalvetur. Bændur hafa ávalt tekið það fram,
að ef þeir settu á þetta fóðurmagn, sem þeir hafa
til tekið, þá myndu þeir aldrei verða heylausir. Fyrn-
ingar góðu vetranna mundu hrökkva í þeim hörðu.
Tafla er sýnir meðalfóðureyðslu í nokkrum hrepp-
um á Austurlandi.
Heiti hreppsinis Hross Kýr Ær Lömb
Suðursv.-, Mýra-, Nesjahr. 800 kg. 3200 kg. 84 kg. 120 kg.
Bæjarhreppi ........... 950 — 2750 — 40 — 90 —
Geithellnahreppi ...... 560 — 2500 — 25 — 55 —