Búnaðarsamband Austurlands - 01.01.1975, Síða 29

fyrir 1973, en svo verði að útvega þann starfskraft sem dugi til að
létta bókhaldinu af framkvæmdastjóranum. Taldi hann að ein-
falda mætti form reikninganna og spara þar með vinnu. Vildi Þórð-
ur fela stjórninni umfjöllun reikninganna og senda síðan fulltrúum
þessa fundar eintak af þeim fyrir þessi tvö ár.
Sveinn Guðmundsson skýrði, að stjórnin liti þetta mál alvarlegum
augum og bað hann Jón Atla um meiri skýringar á, hvað valdið
hefði þessum drætti á reikningsuppgjöri.
Jón Atli svaraði síðan því sem til hans var beint. Kvað hann
vinnuna við uppgjör hafa orðið meiri en reiknað var með og skekkjur
í viðskiptareikningum fyrri ára hefðu tafið verulega fyrir. Sagði
Jón ennfremur það hafa verið sinn vilja að fá bókhaldsaðstoð við
uppgjör R.S.A. Hann minntist einnig á, að ekki væri þægilegt að
vinna að bókhaldi á verkstæðinu vegna þess erils, sem þar ríkir af
eðlilegum ástæðum.
Þórður Pálsson gerði fyrirspurn um störf ráðunauta við ræktun-
arsambönd og launahlut þeirra frá ríkinu og svaraði Sveinn G. því.
Reikningarnir voru síðan bornir upp og samþykktir án mótat-
kvæða.
7. Fjárhagsásetlun fyrir árið 1976.
Snæþór las og gerði grein fyrir fjárhagsáætluninni. Var hún síð-
an afgreidd umræðulaust til fjárhagsnefndar.
8. Tillögur og erindi frá sambandsdeildum.
Sveinn Guðmundsson las þrjár tillögur frá Bf. Tunguhrepps, en
þeim var vísað til nefndar. Sú fyrsta um lánaafgreiðslu Stofnlána-
deildar, önnur um síðbúið uppgjör Ræktunarsambandsins og sú
þriðja með ósk um, að B.S.A. hvetji til uppbyggingar sýsluvega í
hreppnum.
Geir Pétursson lagði fram tillögu frá Bf. Breiðdæla með ósk um
bætta þjónustu Búnaðarsambandsins og Ræktunarsambandsins.
Sigurður Guttormsson lagði fram tillögu frá Bf. Eiðahrepps um
almenna fræðslufundi á vegum B.S.A. og aðra um að B.S.A. greiði
fulltrúum á aðalfundum þess dagpeninga.
33