Búnaðarsamband Austurlands - 01.01.1975, Qupperneq 66

í framhaldi af síðasta lið skal tekið fram, að austfirðing'ar hafa
verið vanbúnir af ráðunautum miðað við tölu bænda og enn frekar
að umfangi svæðisins.
2. Reikningar B.S.A.
Form. las þá og skýrði, en þeim hafði verið dreift til fundarmanna
fjölrituðum og undirrituðum af endurskoðendum. Síðan hófust um-
ræður um reikningana og skýrslu stjórnar.
Jón Þorgeirsson þakkaði stjórninni störf að útgáfu bókarinnar og
þá sérstaklega formanni, sem borið hafði hita og þunga þess verks.
Jón fjallaði nokkuð um þær skekkjur, sem í ritinu eru og vildi að
sesm best yrði vandað til leiðréttinga í síðasta bindinu. Hann harmaði
að útgáfa ársritsins hefur fallið niður ’7ó og ’76.
Jón Hrólfsson tó'k undir orð nafna síns og þakkaði stjórninni
framkomna reikninga.
Benedikt Sigfússon, þakkaði skýrslu stjórnar og útkomu bókar-
innar.
Vilhjálmur Hjálmarsson sagði frá sögu Bf. Mjóafjarðar í örfáum
orðum og vonaði, að þaðan kæmi fulltrúi er hann nú þyrfti að hverfa
af fundi.
Ráðherrann þakkaði form. skýrslu hans og starf sambandsins að
stuðningi byggðar á Hólsfjöllum og Skeggjastaðahreppi. Lýsti hann
ánægju sinni með bókina og að ráðunautar hverfi að búskap hér á
svæðinu er þeir yfirgefa búnaðarsambandið og maður kemur manns
í stað.
Rögnvaldur Erlingsson harmaði að ársritið hefur ekki getað
komið út nú í 2 ár, minntist einnig á bókina og hvernig hún fór með
hann og hans fjölskyldu.
3. Starfsskýrslur ráðunauta.
Sveinn Guðmundsson las starfsskýrslu Þorsteins Kristjánssonar,
sem ekki gat komið þvi við að mæta á fundinum. Þorsteinn lagði m.a.
áherslu á heyefnagreiningar og hraða úrvinnslu heysýna, og áfram-
haldandi aukningu skýrsluhalds í nautgripa- og sauðfjárræktar-
félögum.
70