Búnaðarsamband Austurlands - 01.01.1975, Page 93

11. Önnur mál.
Pétur Jónasson gerði grein fyrir ráðstefnu um heyverkun er
haldin var á Hvanneyri um sl. mánaðarmót.
Álit manna þar var að skipuleggja beri vorbeit á tún og beita
helst eldri túnin. Endurskoða þurfi samsetningu fræblandna. Upp-
skerurýr tún þurfi að endurvinna. Leiðbeiningar til bænda þarf að
gefa við hvers og eins hæfi. Lögð var áhersla á góða súgþurrkun.
Votheysgeymslur þarf að miða við, hvernig hagar til með sláttu-
hraða og magn heys. Auka þarf og bæta prófanir á búvélum og
þýddar leiðbeiningar. Æskilegt væri að taka saman bækling um
tækni og vélvæðingu landbúnaðarins.
Sveinn Guðmundsson skoraði á menn að horfast í augu við þann
vanda, sem blasir við bændum í afurðasölumálum í næstu framtíð.
Öhjákvæmilegt er að draga úr framleiðslu mjólkur og kjöts. Mis-
munur á útflutningsbótaþörf og rétti er nú 1.134 millj. kr. Þessi tala
þýðir 80 kr. vöntun á hvert kg. dilkakjöts, sem dregst frá kaupi
bóndans. Sveinn gat tillögu síðasta búnaðai-þings um úrbætur. Ræddi
hann um kosti og lesti á hugsanlegum kjarnfóðurskatti, ennfremur á
kvótakerfi sem virðist ákaflega flókið í framkvæmd. Alls voru 71
þús. tonn af kjarnfóðri flutt inn árið 1977.
Möguleikar bænda til aukabúgreina eru ýmsar, m.a. fiskirækt og
vatnabúskapur.
Spurningar vakna um tilhögun framlaga til bygginga og rækt-
unar. Nú hljóta „ skítamusterin” meiri styrk en hlöður og súg-
þurrkun til samans.
Þórður Pálsson reifaði þessi mál og hvað lengi hafa stefnt á þann
vanda, sem við er að etja í sölumálum. Sníða þarf framleiðslunni
stakk innan 10% útflutningsbótanna. Samtök bænda þurfa að fá
heimild til að beita takmarkandi aðgerðum á framleiðsluna. Lýsti
hann góðri reynslu norðmanna á kvótakerfi í mjólkurframleiðslunni.
Þórður hvatti fundinn til að álykta um þessi mál til stéttarsambands-
fundar.
Sigurjón Ingvarsson óttast að verðlagsmálum verði ráðið ofanfrá
bændum í óhag, því sé brýn þörf að þjappa sér saman og koma með
raunhæfar tiilögur til úrbóta. Sigurjón vildi útiloka svokallaðan
97