Búnaðarsamband Austurlands - 01.01.1975, Qupperneq 98

fjármörkum án þess að nota þau eða birta, sem samþykkt var af
flutningsmönnum.
„Aðalfundur B.S.A. 1978 telur, að það geti valdið óþægindum, að
markaskrá skuli ekki gefin út nema á 8 ára fresti, þótt, bæjar-
númer á eyrnamörkum bæti þar nokkuð um, mælir fundurinn því
með, að á miðju tímabili milli útgáfu hennar, verði gefin út við-
aukaskrá. Ennfremur lýsir fundurinn þeirri skoðun sinni, að
óhæft sé, að markaeigendur haldi rétti til marka, ef þeir ekki birta
þau í hverri markaskrá.” — Samþykkt samhljóða.
II. Jón Hrólfsson flutti tillögu um skipan dýralxknaþjónustu hér,
Jafnframt lýsti hann þeirri ósk, að aðalfundir B.S.A. marki sér
afmarkað svið í tillöguflutningi, tóm gæfist þá til að sinna málum
betur. Ingimar kom með breytingartillögu. Páll hélt fram ágæti
tillögunnar. Guðjón Hermannsson fylgdi breitingartillögunni.
Ingvar vísaði til álits Jóns Péturssonar.
Breytingartillaga Ingimars var samþykkt með 11 : 5 atkv og
þannig breytt var tillagan samþykkt svohljóðandi.
„Aðalfundur B.S.A. 1978 lýsir ánægju sinni með þá þróun, sem
orðið hefur á dýralæknaþjónstu á Austurlandi, nú síðast með
stofnun dýralæknisembættis á Breiðdalsvík.
Þá telur fundurinn æskilegt að enn verði bætt við starfskröftum
á þessu sviði t.d. með öðrum dýralækni á Egilsstöðum, ennfremur
telur fundurinn nægilegt verkefni fyrir dýralækna á Norðfirði og
Vopnafirði.”
III. Tillaga um varnir gegn riðuveiki.
„Fundurinn skorar á sauðfjársjúkdómanefnd að hefja nú þegar
aðgerðir til þess að hefta útbreiðslu riðuveiki í sauðfé á Austur-
landi.
Útbreiðsla veikinnar og tjón af völdum hennar á sambandssvæð-
inu er orðið það alvarlegt mál, að til skammar er, að sauðfjárveiki-
varnir skuli ekkert aðhafast í þessu máli.
Fundurinn skorar á alþingismenn austfirðinga að hlutast til um,
að veitt verði ríflegt fé á fjárlögum til rannsókna á riðuveiki svo
og varnaraðgerða.
Fundurinn skorar á forsvarsmenn Tilraunastöðvarinnar á Kelrt-
um að rannsóknir á riðuveiki verði stórauknar.
102