Árbók Landsbókasafns Íslands - Nýr flokkur - 01.07.1992, Qupperneq 40

JÓN KJÆRNESTED
Bréf til Stephans G. Stephanssonar
Kirsten Wolfbjó til prentunar
Bréf vestur-íslenska skáldsins Stephans G. Stephanssonar
(1853-1927) til Jóns Kjærnesteds (1861-1941), friðdómara, lög-
reglustjóra og skálds við Winnipeg Beach í Manitoba, voru birt í
vorhefti Skírnis 1992 (bls. 41— 61).1 Bréfin eru varðveitt meðal
handrita og bóka Jóns Kjærnesteds, sem afhent voru íslensku
deildinni í bókasafninu við Manitobaháskóla sumarið 1990. Þau
eru níu talsins og frá árunum 1900-1908.
Urval bréfa til Stephans G. Stephanssonar var gefíð út í þremur
bindum af Finnboga Guðmundssyni á árunum 1971-1975.2 * Hafði
hann séð bréfasafnið á heimili Stephans í Markerville, Alberta, á
ferð sinni um Islendingabyggðir vestan hafs sumarið 1952 og
fengið leyfi þá lifandi barna Stephans til að ráðstafa bréfunum.
Bréfasafnið er nú í Landsbókasafni Islands.
I útgáfu Finnboga Guðmundssonar eru um fjögur hundruð
bréf, en viðtakendur 31 talsins, þar á meðal Helga Sigríður
Jónsdóttir (1859-1940), kona Stephans, Jóhann Magnús Bjarna-
son (1866—1945), Þorsteinn Erlingsson (1858-1914), Jónas Hall
(1852-1931), Margrét J. Benediktsson (1866-1956), Jakobína
Johnson (1883-1977), Guttormur J. Guttormsson (1878-1966),
Sigfús Blöndal (1874-1950), Guðmundur Finnbogason (1873-
1944) og Rögnvaldur Pétursson (1877-1940), sá maður er
Stephan arfleiddi að öllum ritum sínum eftir sinn dag. Bréf Jóns
1 Önnur bréf Stephans voru prentuð í fjórum bindum af Hinu íslenzka Þjóðvinafélagi:
Stephan G. Stephansson, Bréf og ritgerðir, I: Bréffráárunum 1889-1913; II: Bréffrá árunum
1893-1921\ III: Bréf frá nrunum 1908-1927\ IV7: Umhleypingar, Reykjavík: Hið íslenzka
Þjóðvinafélag, 1938-1948.
2 Finnbogi Guðmundsson, útg. Bréf til Stephans G. Stephanssonar I—III, Revkjavík: Bóka-
útgáfa Menningarsjóðs og Þjóðvinafélagsins, 1971-1975.