Árbók Landsbókasafns Íslands - Nýr flokkur - 01.07.1992, Blaðsíða 58

58
JÓN KJÆRNESTED
Winnipeg Beach, Man., 12. febr. 1905.
Góði vin, Stephán.
Örfá orð að eins. Þökk fyrir bréf meðtekið í gærkveldi. Alit þitt á
„Kringlu" kom mér ekki að óvörum. Mér bjó sama í brjósti. Benti
ég ritstjóranum á það þegar í sumar, að lítill „uppsláttur" væri í því
fyrir blaðið eða „skáldin“ að hrúga þar of mörgum. En það er sem
þú segir um að gera að fá sem flesta kaupendurna. Það er rneinið.
Hreinskilni þína þykir mér vænt um. Það er leiðinlegt að þurfa að
snúa bakinu við gömlum kunningjum. En hvað á að gera? „Freyja“
hefír tekið sér ráðskonuréttinn hjá okkur báðum. En „Svava“ held
ég að sé dottin úr sögunni. Til hennar fréttist ekkert. Síðan
„hótelið" kom á Gimli, hefir hún lítið látið sjá sig. „Baldur" hefir
verið að mælast til, að ég sendi sér eitthvað. Því miður verður lítið
úr ritsmíðum hjá mér.
Svo kveð ég þig núna, kæri vin. Bestu óskir með giftingu
Munda.
Þinn
Jón Kjærnested.
Athugasemdir og skýringar: Petta bréf er ekki í Landsbókasafni; aðeins drög til þess hafa
varðveist og eru þau í bókasafninu viö Manitobaháskóla. Pökkfyrir bréf meðtekið ígcerhveldi\
hér á Jón við bréf Stephans dagsett 6. febrúar 1905. „Baldur"| óháð vikublað, 1-7, Gimli
1903-1910. Bestu óskir með giftingu Munda\ Guðmundur, sonur Stephans, kvæntist Regínu
Jónsdóttur Strong 4. janúar 1905.
oo
Winnipeg Beach, Man., 11. ágúst 1905.
Stephán G. Stephánsson, Esq., Markerville, N.W.T.
Góði vin.
Það hefir dregist að rispa þér línu og bæta við það, sem ég rispaði
þér í vetur eftir að hafa fengið bréf frá þér, með því það var svo
stutt, sem ég þá rispaði þér og að eins snerti jólablöðin. Svo hefir
þú nú séð, hvað hefír verið um þau sagt bæði [afj Lárusi, Askdal og
öðrum. Skrifaði Frímann B. Anderson frá París mér nýlega, og
minnist hann á þau. Setur hann okkur hæstá blaði í Hkr., en finnst
leirbragð að hjá sumurn hinum. Kennir margra grasa í bréfí hans
og kemur víða við. Segist hann nú helst rita fyrir blöð og selja
bækur. Óskar eftir að Vest. Isl. sendi sér svo sem $200 með því
hann sé í kröggum og vilji komast þaðan. Magnús Bjarnason var
hér á snöggva-ferð í sumar og bar fundum okkar saman, en
viðdvöl gat engin verið, og fór vel á með okkur.