Árbók Landsbókasafns Íslands - Nýr flokkur - 01.07.1992, Síða 92

92
REGÍNA EIRÍKSDÓTTIR
Fundurinn er haldinn annað hvert ár í höfuðstöðvunum í Berlín,
en hitt árið á vegum einhverrar svæðisskrifstofu. A hverjum fundi
er farið yfir skýrslur frá öllum skrifstofum og rædd þau vandamál
eða afrek sem óskað hefur verið eftir að fjallað sé um. Auk fulltrúa
frá svæðisskrifstofum sækja þessa fundi fulltrúar frá ýmsum
alþjóðastofnunum, t.d. IFLA (International Federation of Library
Associations and Institutions), IPA (International Publishers
Associations), ISDS (International Serials Data System), UNESCO
og ISO (International Standard Organisation). Alþjóðaskrifstofan
gefur einnig út ritin ISBN Review og ISBN Newsletter til frekari
tipplýsingamiðlunar um ISBN-kerfið. Svæðisskrifstofan á íslandi
hefur lagt áherslu á að starfsmaður mæti á fundina svo fremi að
fjármagn leyfi, enda eru slíkir fundir nauðsynlegir ekki síst þegar
aðeins er um einn starfsmann að ræða.
Úthlutun tölu útgefanda
Akveðið var að úthluta útgefendum eins til þriggja stafa útgef-
endatölum í samræmi við fjölda útgefinna titla. Þessir útgefendur
bera sjálfir ábyrgð á að úthluta ISBN-númerum á bækur sínar.
Fjögurra stafa útgefendatölu er úthlutað til þeirra sem gefa út fáa
titla. Einnig hefur svæðisskrifstofan ákveðinn númeraforða fyrir
þá sem gefa aðeins út eina bók. Svæðisútgáfan veitir smærri
aðilum þá þjónustu að úthluta númerum fyrir þá. Eftirfarandi
tafla sýnir fjölda útgefendatalna sem úthlutað hefur verið hér á
landi til 31. desember 1991.
ISBN l.marstil
útgefendatala 31. des. 1990 1991 Alls
eins stafa 4 0 4
tveggja stafa 8 0 8
þriggja stafa 17 11 28
fjögurra stafa 6 20 26
Alls 35 31 66
Hlutverk útgefenda felst í því að úthluta eigin ISBN-númerum
á þá titla sem þeir gefa út. Nauðsynlegt er því útgefendum og
starfsmönnum þeirra að kynna sér vel reglur um úthlutun ISBN-
númera.