Árbók Landsbókasafns Íslands - Nýr flokkur - 01.01.1993, Síða 28

28
GUNNAR F. GUÐMUNDSSON
en uppyfír letrinu er höggvin út mynd af biskups mítri.
Minnismerkið er um 4 álnir á hæð og er umhverfís það
keðjugirðing á 6 steinstöplum.
Síðan segir í greininni, að staður sá, sem minnismerkið standi á, sé
allur annar en áður hafi verið talinn aftökustaður Jóns Arasonar.
En haft var eftir Matthíasi Þórðarsyni, að þessi staður væri
áreiðanlega hinn rétti, og hefði hann farið nákvæmlega eftir
biskupaannálum Jóns Egilssonar.2
Frú Disney Leith: œviágrip og íslandsferðir
Heimildir um Disney Leith eru fágætar hér á landi. Lá því heinast
við að snúa sér til Þjóðarbókasafns Skota (National Library of
Scotland) í Edinborg um aðstoð. Um síðir barst svar, þar sem sagði,
að þrátt fyrir mikla leit í uppsláttarritum hefði ekki fundist neitt
um skáldkonu þessa. Frá borgarbókasafninu í Aberdeen bárust
hins vegar tvær greinar, sem fengur er að.3 4 Enn fremur verður hér
stuðst við óprentaðar greinar, sem Magnús Magnússon rithöfund-
ur og sjónvarpsmaður tók saman og geymdar eru í Þjóðminjasafni
íslandsd
Mary Charlotte Julia Gordon, eins og hún hét fullu nafni,
fæddist árið 1840 og var einkabarn foreldra sinna. Hún var komin
af aðalsfólki í báðar ættir. Faðir hennar, sir Henry Percy Gordon,
var barón (baronet) af Northcourt á eyjunni Wight, en móðir
hennar hét Mary Agnes Blanche og var yngsta dóttir jarlsins af
Ashburnham í Sussex. Náfrændi Mary Gordon og æskufélagi var
Algernon Swinburne, sem síðar varð eitt af höfuðskáldum Breta.
Þau voru systrabörn. Mjög kært var með þeim frændsystkinum,
enda voru bókmenntir þeim báðum líf og yndi. Veturinn
1863-1864 dvaldist Swinburne um tíma á heimili foreldra hennar
í Northcourt, á meðan hann var að jafna sig eftir fráfall elstu systur
sinnar. Mary Gordon var um þær mundir að semja skáldsögu
handa börnum (The Children of the Chapel), og lagði Swinburne
2 „Minnisvarði Jóns Arasonar." Visir 2. júlí 1912, bls. 1.
3 „Mrs Disney Leith. A Gracious and Many-Sided Personality." Press and Journal, March
3, 1926; „Mrs Disney Leith. Death of Scottish Authoress." Press and Journal, February
20, 1926.
4 Sjá einnig Magnusson, Magnus: Iceland Saga. London 1987, bls. 144-47. Frásögnin af
Disney Leith er nokkuð styttri í íslenskri þýðingu bókarinnar: Landið, sagan ogsögurnar.
Fyrstu aldir íslandsbyggðar { nýju Ijósi. Reykjavík 1987, bls. 108.