Frjáls verslun - 01.02.1947, Blaðsíða 10
Vöruþekking cr eitt veigamesta atriSiS í kunnáttu afgrciöslulólks.
Það er reyndar ekki nægjanlegt að hafa gott
auga fvrir fallegum og hentugum fötum. Allur
fatnaður þarfnast daglegrar umhirðu, ef hann á
að endast vel og halda sér í formi.
Gott útlit er mörgum öðrum skilyrðum bund-
ið en fötunum einum. Hárið, tennurnar og hend-
urnar eru mikilsverð atriði í persónulegum á-
hrifum manna. Hárið á að vera hreint og vel
greitt. Tennurnar skulu hirðast daglega og vera
í reglubundinni umsjón tannlæknis, þar sem þær
eru stór liður í útliti hvers og eins. Hendurnar
og neglurnar verða að vera hreinar og snyrtar,
því að þær eru jafnan fyrir augum viðskipta-
mannsins, meðan honum eru sýndar vörurnar.
Ef notað er naglalakk, á það að vera ljóst að lit.
„Hreinlæti er höfuðdyggð". Tíð böð eru nauð-
synleg, til þess að útiloka slæma útgufunarlykt.
Svitaþefur og andfýla hafa illvænleg áhrif og
eru vægast sagt óþolandi.
Útlit fólks er einnig að miklu leyti komið
undir líkamlegri og andlegri heilbrigði. Afköstin
eru afleiðing áhugans.
Andleg heilbrigði er hornsteinn gjörvallrar
framkomu. Rósemi hugans endurspeglast í yfir-
bragðinu. Hætt er við að jafnvægi í lundarfari
náist ekki, ef hinni sálrænu orku er í miklu
áfátt. Það er raunar með öllu ókleyft að komast
hjá áhyggjum og skakkaföllum. En sé haft í huga,
að enginn getur smokrað sér undan erfiðleikum
lífsins, heldur verður sérhver að gera sér far um
að mæta þeim á mannsæmandi hátt, er fengin
undirstaðan að því að hægt sé að temja sér eðli-
lega framkomu að staðaldri.
Þá má ekki gleyma að drepa á þýðingu hugs-
ananna og heilbrigðs lífernis fyrir útlit og áhrif.
Flest höfum við tilhneigingu til að opinbera öðr-
um hugsanir okkar og gerðir, og það hefur aftur
sitt að segja, þegar þeir leggja saman áhrifa-
tölur okkar. Öll viljum við að útkoman verði
sem hæst!
Viðfelldinn raddblœr og málfar.
Hreimfalleg rödd hefur ómetanleg áhrif á
hvern mann, og ekki sízt viðskiptamanninn.
Þegar talað er við þreytta og taugaóstyrka við-
skiptamenn, er áríðandi að beitt sé lágum og hlý-
legum rómi. Fljótmæli er alvarlegur ókostur,
sem hægt er að vinna bug á með ástundun og
sjálfsaga. Allar upplýsingar og athugasemdir,
sem beint er til viðskiptamannsins, eiga að ber-
ast skýrt fram. Það kemur óþægilega við alla að
þurfa að hvá eftir orðum annarra.
10
FRJÁLS VERZLUN