Frjáls verslun - 01.02.1947, Blaðsíða 22

Frá Prag. Forsetahöllin.
ust framleiðsluafköst iðnaðarins til lengri tíma.
Stjórn og skipulag sýningarinnar var í hönd-
um iðnaðar- og utanríkisverzlunarráðuneytisins,
og setti það þau skilyrði fyrir þátttöku í sýning-
unni, að þau ein iðnaðarfyrirtæki kæmu til
greina, sem fullnægðu vissum vörugæðum og af-
kastamagni. Voru síðan fagmenn látnir dæma
um þátttökuhæfni fyrirtækjanna, samkvæmt
þessu. Má segja okkur til hróss, að sárafáum fram-
leiðendum var vísað frá þátttöku.
Nú þegar er hafinn undirbúningur að annarri
slíkri sýningu, sem fram á að fara í Prag á næsta
vori, og vænti ég þess að árangur hennar verði
ekki síðri en hinnar fyrri. Má búast við að vöru-
úrval verði þar enn meira en í fyrra.
— Hvað sýnist yður um íslenzk-tékknesk við-
skipti?
— Viðskipti milli íslands og Tékkóslóvakíu
voru næsta óveruleg fyrir síðustu heimsstyrjöld.
Tékkóslóvakía flutti þá inn dálítið af íslenzku
síldarlýsi, fiski, ull og grávöru og greiddi með
vefnaðarvöru og skófatnaði. Faðir minn hóf við-
skipti við ísland fyrir 18 árum og mun vera ein-
hver fyrsti tékkneski framleiðandinn, sem selur
íslendingum vörur. Þannig mun fyrsta leikfimi-
skósendingin, sem til íslands barst, hafa komið
frá verksmiðju minni, en hún framleiðir einkum
slíka skó, „HIP-HOP“.
Þegar svo löndin gerðu með sér viðskiptasamn-
ing nú eftir styrjöldina, tókust talsverð viðskipti
þeirra í milli. Af íslenzkri framleiðslu flutti þá
Tékkóslóvakía aðallega inn liraðfrystan fisk og
síldarlýsi, og hafa báðar þessar vörutegundir
hlotið lof tékkneskra neytenda og framleiðenda.
Á hinn bóginn getur Tékkóslóvakía afgreitt til
íslands fjölda vörutegunda, allt frá nöglum til
hafnartækja og verksmiðjuvéla, svo að eitthvað
sé nefnt. Eina ástæðan fyrir hægfara viðskiptum
nú sem stendur er sú, að allmargar greinar tékk-
neska iðnaðarins eru þegar ofhlaðnar af pönt-
unum, svo að nokkur dráttur á afgreiðslu til ís-
lands er óhjákvæmilegur. Af þessunt sökum
væri heppilegt að íslenzkir innflytjendur sæktu
vörusýninguna í Prag á næsta vori, til þess að
afla sér viðskiptasambanda.
Góðar horfur virðast vera á viðskiptum milli
landa okkar í framtíðinni, þar sem þau geta
skipzt á nauðsynlegum varningi til gagnkvæmra
hagsmuna.
— Hvernig lízt yður umhorfs hér á landi?
— Hinn hái lifnaðarmælikvarði ykkar á flest-
um sviðum hlýtur að verða undrunarefni hverj-
um éitlendingi. Ókunnugir hafa tilhneigingu til
að ímynda sér að ísland sé fátækt og á frum-
stæðu þróunarstigi, vegna hinnar afskekktu legu
þess, en það er nú öðru nær. Mér finnst land
ykkar, að mörgu leyti líkjast föðurlandi mínu,
og eftir kynningu minni eru íslendingar fram-
úrskarandi vingjarnleg og elskuleg þjóð. Það er
því ekki að undra, að ég kann afbragðs vel við
mig hér, rétt eins og heima hjá mér. Stundum
kemur það fyrir, þegar ég er á ferðalögum út
um land, að mér finnst ég þekkja fjöllin og
dalina, enda þótt ég hafi aldrei fyrr stigið þar
fæti. Hin óblíða náttúra landsins og harðsótt
hafið hafa án efa verið þjóð ykkar góður lífsskóli
og mótað hana í anda dugnaðar og traustrar
skapgerðar.
Ég hef ekki enn haft næg tækifæri til að kynn-
ast íslenzku bókmennta- og listalífi, þar sem er-
indi mitt hingað var fyrst og fremst viðskipta-
legs eðlis, en ég vona að geta hér eftir bætt úr
því að nokkru. Ég hef samt farið á málverka-
sýningu Kjai'vals og er fullur aðdáunar á hinum
stórbrotnu listaverkum hans. Ég er líka nýbúinn
að afla mér nokkurra bóka eftir Halldór Kiljan
Laxness, sent mér er sagt að sé fremsti rithöfund-
ur ykkar.
Ég er hæstánægður yfir komu minni hingað,
bæði að því er snertir verzlunarerindi mitt og
aðra viðkynnigu, og vil að endingu láta í ljós þá
ósk, að viðskipti og viðkynning íslands og
Tékkóslóvakíu blómgist og dafni báðum þjóð-
um til farsældar.
22
FRJÁLS verzlun