Frjáls verslun - 01.02.1947, Blaðsíða 24

sem bæjarfélagið sjálft ræðst í rekstur útgerðar.
Reynslan mun sýna, hvort sú tilhögun hentar
betur eða verr. Skoðanir eru skiptar um ágæti
opinbers atvinnureksturs. En það segi ég óhikað,
að meginsjónarmið vort hlýtur að vera það, að
fá atvinnutækin og halda þeim úti. Óskir allra
ílokka munu sameinast í því að árna hinni nýju
bæjarútgerð Reykjavíkur heilla og velgengni.
Forgöngumönnum þessa máls, fyrrverandi rík-
isstjórn og Nýbyggingarráði, og ekki sízt sjávar-
útvegsnefnd og útgerðarráði Reykjavíkur, vil ég
flytja alúðar þakkir Reykjavíkurborgar.
En það eitt er ekki nóg að eignast listaskip,
sem líklegt er til mikilla afreka. Þótt tæknin
muni komin á það stig að geta siglt mannlausum
skipum eftir áætlun, verða fiskveiðar ekki ennþá
a. m. k. stundaðar án mannafla. Þjóð vor er svo
lánsöm að eiga stóra stétt karlmenna, sem sækja
sjóinn fast og hræðast hvergi holskeflur Ægis eða
duttlunga Ránardætra. Sjómenn íslands hafa
sannað öllum heimi kjark sinn og karlmannslund
á árum styrjaldarinnar. Þeir munu ekki reynast
deigari á tímum heimsfriðar í glímu sinni við
hafið. Þeir eiga kröfu til þess, að þjóðin búi
þeim í hendur örugg skip með góðum aðbúnaði
fyrir þá sjálfa. Skipið er tæki, fiskimaðurinn
stjórnandi þess. Örn Arnarson segir í hinu
snjalla sjómannakvæði sínu:
„Hvert eitt fljótandi skip
ber þó farmannsins svip,
hann er ferjunnar andi og hafskipsins sdl.“
Sjómannastéttin mun „færa björgin í grunn
undir framtíðarhöll“.
Fyrir eitt þúsund sjötíu og þrem árum nam
Ingólfur Arnarson land hér í Reykjavík, vegna
þess að öndvegissúlur hans rak hér að landi.
Þetta glæsta skip er heitið eftir landnemanum
fyrsta. Það er öndvegiskip íslenzka fiskiflotans.
Vér berurn nú fram til forsjónar vors fagra lands
þá ósk, að gifta fylgi nafni, og að farsæld Ingólfs
landnámsmanns svífi jafnan yfir vötnunum, þar
sem þetta skip leggur leið sína um.
Fyrir hönd bæjarstjórnar og Reykjavíkurborg-
ar býð ég togarann Ingólf Arnarson velkominn
og skipshöfn hans alla, og veiti honum viðtöku
fyrir bæjarins hönd.“
o
Ingólfur Arnarson er fallegt skip, smíðað í
skipasmíðastöð Cochrane 8c Sons, Ltd., Selby,
Úr myndasafni V./?.
VII.
Gotfred Bernhöft.
Englandi. Stærð skipsins er 642 brutto-rúmlestir
og 216 netto-rúml. Lengd þess er 175 fet, breidd
30 fet og dýpt 16 fet. Burðarmagnið er 300 smál.
Skipið er búið mörgum þægindum og öryggis-
tækjum, sem ekki hafa fyrr þekkst í útvegssögu
vorri, og munu fullkomnari fiskiskip vart fyrir-
finnast meðal annarra þjóða.
„Skip mitt er komið að landi“, hið fyrsta af
mörgum slíkum. Vér vonum að Ingólfi Anarsyni
og öðrum skipum, sem á eftir koma, sækist sjór-
inn farsællega og að þau komi ávallt heil og
hlaðin til strandar.
24
FRJÁLS VERZLUN