Frjáls verslun - 01.02.1947, Blaðsíða 28

Merkisdagar koupsýslumanna
Sjötugsafmœli.
Sigurjón Jónsson, verzlunarstjóri við Verzlun
Geirs Zoega, átti sjötugs-afmæli 19. jan. s. 1.
Sigurjón er Árnesingur að ætt en fluttist ung-
ur til Reykjavíkur og réðist að Verzlun Geirs
Zoéga, þar sem hann hefur starfað alla tíð síðan.
Hefur hann nú veitt fyrirtækinu forstöðu í hart-
nær 30 ár og er mikils metinn í því starfi, sakir
ráðdeildar sinnar og heiðarleiks. Svo sem af
þessu sézt hefur Sigurjón verið staðfastur í ævi-
starfi sínu, enda mun hringlandaháttur vera víðs
fjarri skapgerð hans, sem einkennist af festu og
flaslausum virðuleik.
Hann er kvæntur Guðfinnu Vigfúsdóttur og
eiga þau hjónin tvær fullvaxnar dætur.
Sigurjón hefur lengi verið meðlimur V.R., og
óskar félagið og blaðið honum beztu farsældar.
Þorsteinn Þorsteinsson, kaupmaður í Reykja-
vík, varð sjötugur 16. jan. s. 1.
Þorsteinn er ættaður frá Vík í Mýrdal og rak
þar verzlun langt fram eftir aldri en fluttist til
Reykjavíkur fyrir um það bil 20 árum og stofn-
aði Verzlunina Vík, sem hann hefur rekið æ síð-
an á sama stað, Laugavegi 52, og er það löngu
orðin ein þekktasta vefnaðarvöruverzlun bæj-
arins.
Þorsteinn í Vík er traustur og vandaður kaup-
maður, sem rækir verzlun sína af mikilli alúð og
atorku. Hann er prúðmenni og enginn flysjung-
ur, en bregður oft fyrir sig léttri kímni.
Þorsteinn Þorsteinsson er maður vel látinn, og
vill „Frjáls Verzlun“ óska honum heilla í tilefni
afmælisins.
Sextugsafmœli.
Tómas M. GuÖjónsson, kaupm. og útgerðarm.
í Vestmannaeyjum, átti sextugsafmæli 13. jan. s. 1.
Tómas er Vestmannaeyingur og hefur um
fjölda ára verið meðal forvígismanna að ýmsum
framfara- og atvinnumálum eyjanna. Átti hann
m. a. hlutdeild í stofnun og starfrækslu Lifrar-
samlags Vestmannaeyja, Netagerð Vestmannaeyja
h. f., ísfélags Vestmannaeyja og Fisksölusamlags-
ins. Hann hefur frá unga aldri rekið útgerð og
stundaði jafnframt sjósókn lengi framan af.
Einnig hefur hann um langt skeið rekið verzlun
með útgerðarvörur og byggingarefni. Um mörg
ár hefur Tómas annast afgreiðslu skipafélganna
Sameinaða og Bergenska í Eyjum.
28
FRJÁLS VERZLUN