Frjáls verslun - 01.02.1947, Blaðsíða 13
Afgreiðslumaðurinn getur líka sýnt ríkulegan
vott samvinnulipurðar með því að fara viður-
kenningarorðum um samstarfsmenn sína í öðr-
um deildum og mæla með vöru þeirra við við-
skiptavini sína.
Góð niðurskipan og umhirða þeirra vöru-
birgða, sem eru í vörzlum eða ábyrgð afgreiðslu-
mannsins, er mikilsvert atriði fyrir velgengni
fyrirtækisins og sýnir samvinnuþýðleik gagnvart
því. Gagnvart viðskiptamönnunum er hægt að
sýna samvinnulipurð á margvíslegan hátt, t. d.
með því að gefa þeim glöggar upplýsingar um
tízku, vörugæði, vöruverð o. fl.
Heilbrigði.
Heilbrigði er undirstaða allra framkvæmda og
velgengni í lífinu. Þess vegna er ekkert rneira
áríðandi en gæta heilsunnar vel og eíla hana á
allan hátt. Heilbrigði manna kemur ætíð fram
í dagfari þeirra, og viðskiptamenn verða þess
fljótt varir, ef afgreiðslumaður er óhraustur að
staðaldri. Það verkar illa á þá og getur fælt þá
frá viðskiptum.
Afgreiðslufólk skal gæta þess að vera í þægi-
legum skóm á vinnustað, vegna hinnar löngu
stöðu. Þeir, sem líða af skókreppu daginn langan,
eru tíðast ekki í nógu góðu skapi til að veita
fullkomna afgreiðslu.
Þótt mikið hafi verið skrifað um líkamlega
hreysti, hefur minna verið ritað um andlega
heilsu, sem er nátengd hinni fyrri. í slíkri grein
sem þessarri eru reyndar ekki tök á að fara út
í langar umræður um þetta efni, en ég vil aðeins
vekja athygli á mikilvægi þess, að lifað sé reglu-
bundnu og siðlegu lífi, unninn bugur á hræðslu-
semi gagnvart einu og öðru, krufin til mergjar
vandamál, sem á daginn koma, og haft vald á
hugsunum og tilfinningum. Sé þessa gætt vel,
er grundvöllurinn fenginn að vinsældum meðal
samborgara, og hæfilegt sjálfsálit skapast.
Áhugi.
Áhugi er nauðsynlegur, ef hátt eða langt er
stefnt. Hverjum manni er hollt að setja sér tak-
mark, sem hann beitir áhuga sínum og kröftum
til að ná. Marga dreymir dagdrauma um fram-
tíðina en skortir einbeitingu, til þess að gera þá
að veruleika. Fyrir þeim verður draumurinn
framkvæmdin sjálf — en vitaskuld aðeins nei-
kvæð framkvæmd.
Ef þú fæst af sjálfsdáðum við nám í einhverri
grein, hlýtur þú að vera gæddur áhuga. Haltu
náminu áfi'am þar lil kunnátta er fengin. Fyrir
afgreiðslumann er ekki nóg að læra einungis
bókleg fræði heldur verður hann einnig að afla
sér vöruþekkingar, mannþekkingar og sölu-
kunnáttu. Það er oftast gott til lærdóms að heim-
sækja verksmiðjur, og kynna sér hvernig fram-
leiðslu vörunnar er hagað. Láttu framkomu þína
bera vott um námsvilja. Vertu fús til að taka
að þér starf í annarri deild fyrirtækisins, sé þess
óskað. Vertu þakklátur fyrir hollar leiðbeiningar
annarra, og færðu þér þær í nyt. Reyndu að vera
jafnan í léttu skapi og frjálsmannlegur. Skip-
aðu þér ekki í þann flokkinn, sem fyllist gremju
yfir velgengni annarra og telja hana fengna fyrir
kunningsskap eða framhleypni. Þótt jafnvel sé
sýnilegt að slíkar ástæður hafi valdið, skaltu vera
of önnum kafinn við að ná takmarki þínu, til
þess að þú látir slíkt og þvílíkt telja þér hughvarf.
Góð starfshæfni á oftastnær sigurinn vísan, þrátt
fyrir hindranir. Varastu að láta starf þitt verða
litlaust vanastarf. Gættu og þess, hvernig þú
lætur áhuga þinn í ljós.
Áhuginn skapar vinnugleðina, en án vinnu-
gleði hlýtur lífið að verða næsta bragðdauft. Fyr-
ir afgreiðslumanninn er áhugi á að leysa vanda-
mál kaupandans eitt af aðalskilyrðunum, og til
þess er honum falið starfið. T. d. sýnir það áhuga,
meðan viðskiptamaðurinn bíður eftir að pen-
ingum sé skipt eða vörum pakkað inn, að stinga
hóglátlega upp á að hann líti á aðrar vörur, sem
verzlunin hefur á boðstólum. Það sýnir líka
áhuga, að afgreiða síðbúna skiptavini með fús-
leik, án þess að láta bera á stirfni eða önuglyndi.
Greind.
Sumir eru haldnir þeim misskilningi, að ekki
þurfi vitsmuni til að ná góðum árangri sem af-
greiðslumaður. Þeir, sem þannig álykta gera sér
áreiðanlega ekki fulla grein fyrir eðli starfsins.
Enda þótt nokkuð sé mismunandi, hve ýmsar
greinar verzlunarinnar krefjast mikilla hæfileika,
þarf óhjákvæmilega góða greind til að leysa af-
greiðslustörf af hendi með prýði.
Fullkomin þekking og vandvirknisleg með-
ferð á vörunni, listræn útstilling hennar, góð
dómgreind á þarfir viðskiptamannanna, verk-
hyggindi og ótal margt annað eru atriði, sem
óneitanlega krefjast góðrar greindar.
Skynsamur afgreiðslumaður notar tíma sinn vel,
jafnt á vinnustað sem utan. Hann veit að þekk-
FRJÁLS VERZLUN
13