Frjáls verslun - 01.12.1962, Blaðsíða 3

Séð norður Smiðjustíg. Næst t. v. er Eyjólfshús þar sem eitt sinn var bæjarskrifstofa Reykjavíkur
Jón Jónsson heitir og er hann kallaður húseigandi.
Síðan búa þau þarna fram til ársins 18(i4.
Árið 1865 er þangað kominn Arnkell Scheving
snikkari og býr með ráðskonu er Arndís Daðadóttir
hét. En þá búa þau þar einnig Jón Jónsson prentari
frá Stafni og Sólveig Ottadóttir kona hans, ásamt
þremur börnum sínum. Þau hafa fengið þarna inni
er þau komu alfarin heim frá Hólmabúðum í Vog-
um, en þar hafði Jón verið fisktökumaður eða
verzlunarstjóri um þriggja ára skeið. Árið eftir eru
þau farin þaðan.
Árið 1866 kaupir Bogi Smith snikkari húsið og
sezt þar að ásamt konu sinni, Oddnýu Þorsteins-
dóttur, systur Jóhanns prófasts Þorsteinssonar í
Stafholti. Þau voru þá nýlega gift og áttu eitt barn
á fyrsta ári, Ragnhciði. Bogi var elzti sonur Martin
Smiths konsúls og kaupmanns, sem verzlaði í Ný-
höfn í Hafnarstræti. Hann var kvæntur Ragnheiði
dóttur Boga á Staðarfelli. — Þarna bjuggu þau
Bogi og Oddný í fjögur ár, en flpttust þá vestur að
Arnarbæli á Fellsströnd og bjuggu þar þangað til
Bogi andaðist. Meðal barna þeirra var Soffía kona
Magnúsar Guðmundssonar ráðherra. Eftir lát
tengdaforeldra sinna erfði Oddný húsið Hótel
Alexandra i Hafnarstræti í Reykjavík og fluttist
þá þangað.
Bjarni Bjarnason á Esjubergi keypti Eyjólfshús
af Boga og fluttist í það 1871. Bjarni var ættaður
frá Seli í Grímsnesi, en hafði búið rausnarbúi á
Esjubergi á Kjalarnesi um 30 ára skeið. Var hann
talinn bezti búhöldur, hagsýnn og framtakssamur.
Kona hans var Kristín Bjarnadóttir frá Vatns-
horni í Skorradal. Er hún fræg fyrir það, að hún
var fyrsta íslenzka konan sem nevtti kosningar-
réttar; það var í bæarstjórnarkosningum í Reykja-
vík 1888. Dóttir þeirra Bjarna var Ingibjörg og
var hún rúmlega tvítug er lnin fluttist með foreldr-
um sínum til Reykjavíkur. Þótti hún þá einna
beztur kvenkostur hér um slóðir. Árið 1876 giftist
hún Þorláki kaupmanni Johnsen og keypti þá Bjarni
FR.TÁLS VERZLUTf
3