Frjáls verslun - 01.07.1974, Side 57

lán þurfa að koma inn fyrir
1. september en lánsloforð
liggja fyrir frá stofnlánadeild-
inni. Umsóknir um þessi lán
þurfa að koma inn fyrir 1.
september en lánsloforð liggja
oftast fyrir í júlí. Lán til úti-
húsabygginga eru 50—60% af
matsverði en til íbúðarhúsa
sama hámark og er hjá Hús-
næðismálast j órn.
FJÁRFEST í VÖRUBÍLUM
Aðspurður sagði Gunnar, að
geysilega mikið væri fjárfest
í sveitunum ekki síður en í
þéttbýli. Hann sagði, að skut-
togarar þeirra í Rangárþingi í
fjármálalegu tilliti væru flutn-
ingabílar, stórir og aflmiklir
þriggja hásinga bílar, sem ein-
staklingar hefðu fest kaup á
nú í sambandi við fram-
kvæmdir við Sigöldu og hjá
Vegagerðinni. Hafa að undan-
förnu verið lánaðar um 15
milljónir króna hjá útibúinu á
Hellu til kaupa á slíkum tækj-
um, en það eru bílstjórarnir
sjálfir, sem eiga bílana og
starfrækja fyrir verktaka.
Til marks um föst viðskipti
við útibúið má nefna, að þar
eru um 4000 ávísanareikning-
ar og tæplega 8000 sparisjóðs-
bækur. Langverulegastur hluti
innlána fer fram síðustu 3
mánuði ársins, þegar bændur
fá afurðir sínar greiddar en
frá áramótum og fram í októ-
ber sækja peningarnir hins
vegar svo til í einstefnu út
úr bankanum.
Þróun peningamála upp á
síðkastið og ótrú almennings
á gjaldmiðlunum hefur bitnað
þannig á útibúinu á Hellu, að
innlán hafa minnkað um 30
milljónir á fyrra helmingi
þessa árs miðað við sama tíma
í fyrra.
Gunnar sagði, að ástandið í
peningamálum hefði aldrei
verið jafn uggvænlegt og nú
enda spariféð rifið út úr bönk-
unum. Ríkið ætti sinn hlut í
því með útgáfu spariskírtein-
anna. Hann sagði stöðu banka-
útibússtjórans erfiða, þegar
gamalt fólk úr sveitunum
kæmi með spariféð sitt og
spyrði, hvernig bezt væri að
ávaxta það.
VAXANDI IÐNAÐUR
Á Hellu er nú stundaður
iðnaður í vaxandi mæli. Uppi
á lofti Búnaðarbankahússins
starfar fyrirtækið Tjaldborg,
sem, eins og nafniði bendir til,
saumar tjöld. Fyrirtækið er nú
að byggja yfir starfsemi sína.
Þá er iðnfyrirtækið Mosfell,
sem saumar vinnuvettlinga og
vinnuföt. Einnig er starfandi
Vinnufatagerð Suðurlands á
Hellu og Rennilásagerðin, sem
mun vera hin eina sinnar tek-
undar á landinu. Tækniver
framleiðir rafgeyma og Sam-
verk býr til einangrunargler.
Auk þessa eru starfandi á
Hellu trésmíðaverkstæði, bíla-
verkstæði, sláturhús og kjöt-
iðnaðarstöð og brauðgerð.
Gunnar Hjartarson tjáði
FV., að afkoma þessara fyrir-
tækja hefði verið sæmileg í
fyrra en hjá þeim starfa sam-
anlagt um 80 manns. Annars
leitar vinnukrafturinn nú til
Sigölduvirkjunar.
Hellubúar hafa orðið varir
við mjög mikinn áhuga hjá
fólki á að flytjast til staðarins
en einkalönd í kringum þorp-
ið hafa nokkuð hamlað gegn
stækkun þess. Nú er búið að
festa kaup á nýju landi og
stendur þetta því til bóta.
Það er stórbætt vegasamband
austur um Suðurlandsundir-
lendið, sem á sinn þátt í að
Hella hefur þannig fengið auk-
ið aðdráttarafl, en Gunnar úti-
bússtjóri sagði þó að lokum að
þeir Hellubúar teldu hart, ef
dráttur yrði á gerð varanlegs
vegar alla leið þangað austur,
sem er lífæð samgangna þeirra
við þéttbýlið, á sama tíma sem
varið er stórupphæðum til
hafna — eða flugvallagerðar í
öðrum byggðakjörnum.
Séð yfir Rángá til Hellu. Þar er nú iðnaður stundaður í vaxandi mæli.
FV 7 1974
57