Frjáls verslun - 01.07.1974, Síða 79

hálftómum bílum ásamt dýr-
um byggingum, sem ráðizt var
í að reisa, reyndust félaginu
þungar í skauti.
VILJA NIÐURSUÐU
LANDBÚNAÐARAFURÐA
Leitast 'hefur verið við, að
koma á léttum iðnaði í Vík.
Stofnað var hlutafélag um
prjónastofu, sem nú hefur um
20 manns í vinnu, aðallega
húsmæður í þorpinu. Byrjað
var á að prjóna kápurnar
frægu, en svo varð nokkur
samdráttur á erlendum mörk-
uðum. Sagði sr. Ingimar útlit-
ið nú vera gott, og myndi
markaðir opnast í Ameríku,
Rússlandi og,á Norðurlöndum.
Álafoss, Útflutningsmiðstöð
iðnaðarins og Sambandið sja
um_ dreifingu á prjónavörunni.
Ýmislegt annað hefur verið
íhugað og hafa hreppsyfirvöld
leitað fyrir sér með niður-
suðu á landbúnaðarvörum,
sem þau vilja koma á laggim-
ar í Vík. Er mikill áhugi á
þessu máli og ætlar hreppsfé-
lagið að greiða fyrir því, að
einstaklingar hefji slika starf-
semi.
OLÍUMALARLAGNIR.
Um framkvæmdir 'hreppsfé-
lagsins, sagði sr. Ingimar, að
gatna- og holræsagerð hafi
staðið yfir. Þurfti að skipta
um allt kerfið, sem var gert
úr tunnum, og þær farnar að
láta á sjá nú. Áf aðalgötunni
í þorpinu hafa verið steyptir
420 metrar, og núna er lokið
undirbúningi fyrir lagningu
olíumalar á allt, sem eftir er
af gatnakerfinu, og er ætlun-
in að Ijúka því verki næsta
sumar. Þegar hefur 9 milljón-
um króna verið varið til
gatnagerðar.
Nú hefur Hvammshreppur
eignazt allar lóðir og land í
nágrenni Víkur. f fyrra voru
tvær jarðir í nágrenni kaup-
túnsins, Norður- og Suður-Vík,
keyptar á 15 millj. Eru þær
2000 hektarar ræktaðs lands
með tveimur íbúðarhúsum og
sæmilegum útihúsum á ann-
arri jörðinni. Verður nú ráð-
izt í skipulagningu á landi um-
hverfis Vík í Mýrdal, sem
nægja mun 3000 manna
byggð. Hreppsfélagið hefur í
undirbúningi að reisa íbúðar-
hús fyrir kennara og héraðs-
hjúkrunarkonu, svo að hús-
næðisskortur komi ekki í veg
fyrir, að þessir starfskraftar
ráðist til starfa þar eystra.
Húsnæðisskortur er í Vík, eins
og víðar í dreifbýlinu, og voru
marfíir á biðlista, er kaupfé-
lagið afréð að byggja fjórar í-
búðir í fyrra. Þær voru gerð-
ar fokheldar, en kaupendur
fengu þær á bví stigi og klár-
uðu, en greiddu áfallinn kostn-
að. Er fullur hugur í mönnum
að byggja meira með þessum
hætti, ef fjármagn verður fyr-
ir hendi.
iSr. Ingimar Ingimarsson
tjáði F. V., að viðhald vega
í nágrenni Víkur væri ekki
nógu gott. Fyrir ofan Vík er
vegarkafli, sem lokast af snjó
og er oft eini farartálminn á
leið til Víkur. Ef höfn verður
gerð við Dyrhólaey eða um-
ferð eykst til muna, telja Vík-
urbúar eðlilegt, að vegur verði
lagður fyrir Reynisfjall eða í
gegnum það. Á Mýrdalssandi
verður oft illfært vegna krapa
og snjóa. Tillögur hafa verið
gerðar um að flytja veginn
nær sjó en þeim ekkert ver-
ið sinnt. Þeirri afstöðu yfir-
valda veldur sennilega yfirvof-
andi Kötluhlaup.
Aðspurður um viðbúnað í
Vík vegna Kötlugoss, sem
beðið er eftir, sagði sr. Ingi-
mar, að búið væri að skipu-
leggja og æfa almannavarna-
kerfi, sem mikið öryggi ætti
að vera í. Það eru aðallega
bílar á Mýrdalssandi og byggð-
in niðri á sandinum hjá Vík,
sem yrðu í hættu, en ekkert
ber á ugg hjá íbúum Víkur
vegna þessarar hættu.
Um hafnargerð í Dyrhólaey
sagði sr. Ingimar að lokum, að
rannsóknum væri ekki lokið,
og á meðan aðhefðust stjórn-
völd ekkert. Það er trú Víkur-
búa eins og fleiri aðila, að á
svæðinu allt frá Höfn í Horna-
firði til Þorlákshafnar sé hafn-
argerð í Dyrhólaey langhag-
kvæmust og heppilegust. Veld-
ur því fyrst og fremst lega
helztu fiskimiða bátaflotans
rétt undan eynni og sagði sr.
Ingimar, að á veturna minnti
ljósadýrðin frá bátunum á
miðunum á stórborg að kvöld-
lagi. Pálmi Jóhannsson, verk-
fræðingur, telur, að miðað við
verðlag 1973 megi koma upp
góðri innri- og ytrihöfn við
Dyrhólaey fyrir rúmar 1000
milljónir króna.
„Hafnarmálastjóri segir hins
vegar, að kostnaðurinn verði
2000 milljónir og þar stendur
hnífurinn í kúnni“, sagði sr.
Ingimar að lokum.
ÍÞRÓTTABLAÐIÐ
Eina íþróttablað landsins.
Fjallar um íjDróttir og útilíf.
Áskriftasímar 82300 — 82302
FV 7 1974
79