Frjáls verslun - 01.04.1975, Side 89

Einar Ólafsson, framkvæmdastjóri Cargolux fyrir framan nýja flugskýlið, sem félagið hefur ný-
lega tckið í notkun a Luxemborgarflugvelli.
Cargolux fimm ára:
Þrír starfsmenn í byrjun
- eru nú orðnir 299 talsins
Félagið þarf á þriðju þofunni að halda í haust
Um leið og minnzt er tuttugu ára afmælis Luxemborgarflugs Loftleiða er haldið upp á finim ára
afmæli dótturfyrirtækis Flugleiða í Luxemborg, flugfélagsins Cargolux, sem annast vöruflutninga
um allan beim. Og afmælisgjöfin, sem félagið gefur sjálfu sér að þessu sinni, er nýtt flugskýli, viðgerð-
araðstaða og skrifstofuhúsnæði á Luxemborgarflugvelli, sem tekið var í notkun fyrir nokkrum vikum.
Þetta nýja flugskýli Cargo-
lux er 6000 fermetrar að flatar-
máli, og þar er hátt undir loft
og vítt til veggja. Tvær þotur
af gerðinni DC-8 rúmast þar
samtímis, en félagið hefur ein-
mitt tvær slíkar í þjónustu
sinni um þessar mundir auk
fimm flugvéla af gerðinni CL-
44. Þær notuðu Loftleiðir áður
til farþegaflutninga og leigja
nú Cargolux.
• SELJA ÚT VIÐGERÐAR-
ÞJÓNUSTU
Þessi nýja aðstaða Cargolux
kostaði um 400 milljónir króna.
Byggingin var reist á mettíma,
því að framkvæmdir hófust við
hana í júlí í fyrra. Öll starfsemi
félagsins hefur bækistöð þarna,
tæknideildin með verkstæði og
lager, flugrekstrardeild, sölu-
deild og stjórnun. Foi’stöðiumað-
ur tæknideildar, sem er fjöl-
mennust, er Gunnar Björgvins-
son, en hann starfaði áður hjá
Loftleiðum.
Cargolux annast viðgerðir í
Luxemborg fyrir Loftleiðir og
Air Bahama og eftir að nýja
verkstæðisbyggingin var tekin
í notkun getur félagið tekið að
sér viðgerðir fyrir fleiri aðila.
Eftir því, sem við fregnuðum,
er líklegt, að meiriháttar við-
hald flestra ef ekki allra CL-44
flugvéla, sem nú eru í notkun í
heiminum, milli 30 og 40 tals-
ins, fari eftirleiðis fram hjá
Cargolux. Þess eru dæmi, að
eigendur slíkra flugvéla í S-
Ameríku, hafi pantað tima hjá
Cargolux fyrir skoðanir á þeim.
Framleiðslu CL-44 er nú
hætt en Cargolux keypti upp
allar varahlutabirgðir hjá fram-
leiðandanum, Canadair-verk-
smiðjunum í Kanada. Þá ræður
félagið yfir öllum teikningum
og hefur látið smíða fyrir sig
varahlutabirgðir, þegar þess
hefur verið þörf.
Kunnáttumenn hafa haft
nokkuð mismunandi skoðanir
um framtíð þessara flugvéla en
nú virðist sem forráðamenn
Cargolux telji þær munu verða
í fullu gildi í a. m. k. tíu ár í
viðbót.
Cargolux var stofnað 11. maí
1970. Það var gert í kjölfar
hjálparflugs Loftleiða til Bi-
FV 4 1975
89