Frjáls verslun - 01.04.1975, Page 91

treysta á skjóta aðdrætti, eftir
því sem hreyfingar verða á
vörunum. Skip í Austurlanda-
siglingum fá tæpast nokkurn
flutning sem stendur. Vegna
þessara aðstæðna hafa flutn-
ingar Cargolux aukizt allveru-
lega að undanförnu miðað við,
sama tíma í fyrra. Fullhlaðin
getur stærri DC-8 þotan tekið
44 tonn af vörum en CL-44 tek-
ur 25 tonn og yfirleitt er ekki
stanzað á áfangastað nema fá-
einar klukkustundir meðan vél
er affermd og hlaðin á ný.
Farmurinn fer á pöllum um
borð í þoturnar og í Hong
Kong sjá starfsmenn Cargolux,
en þeir eru 11 talsins, um að
vörurnar sem fara eiga til Evr-
ópu séu tilbúnar á pöllum,
þegar vélin kemur og handtök
eru mjög hröð við afgreiðslu
hennar. Þannig verður viðdvöl-
in kannski ekki lengri en tvær
klukkustundir.
Yfirleitt eru margir eigendur
að farminum, kannski 10—-12
aðilar og til gamans má geta
þess að fyrir hyert kíló til
Hong Kong eru greiddir $1.15
með Cargolux. Kostnaðurinn
við rekstur þotunnar í einni
ferð milli Luxemborgar og
Hong Kong, fram og aftur, mun
vera um 78 þús. dollarar og
ferðin tekur tæpa tvo sólar-
hringa. f öðrum ferðum er oft-
ast um heila farma að ræða á
vegum eins aðila, t. d. í Afríku-
fluginu.
Sölustarfsemi hjá Cargolux
fer öll fram á telex-tækjum og
í síma, og þannig leita menn til
félagsins um tilboð í flutninga.
® BOÐ OG BONN
Einar Ólafsson sagði, að ólíkt
því sem gerðist um sigiingar á
heimshöfunum, sem væru öll-
um frjálsar og heimilar, byggi
flugreksturinn við alls konar
boð og bönn. Kemur þetta mjög
ljóslega fram í Austurlanda-
ferðum Cargolux.
Þegar flogið er í Evrópu eða
Ameríku er yfirferð flugvéla
ekki háð nednumfyrirframleyf-
isveitingum. Öðru máli gegnir
um Austurlönd. Fyrir hverja
flugferð þangað austur verður
að senda skeyti fyrir milli-
göngu Alþjóðaflugmálastofnun-
arinnar til stjórnvalda í við-
komandi ríkjum, tilkynna um
áætlun flugvélarinnar með 7
daga fyrirvara, æskja leyfis til
að fljúga yfir landið. í sumum
tilvikum eru það ef til vill 15
aðilar, sem ættu að senda svar-
skeyti en sumir svara aldrei og
þeir eru verstir, því að þeir
fara að nöldra, þegar flugvélin
er komin að bæjardyrum hjá
þeim og þarf að halda áfram.
Nýlega voru gerðir loftferða-
samningar milli Luxemborgar,
Thailands og Singapore. í
bcinu framhaldi af honum mun
hagur Cargolux vænkast tals-
vert í Austurlandafluginu, því
að hinar reglubundnu ferðir
þangað verða enn tryggari og
tilkynningarskyldan leggst af.
Nú er í ráði að taka upp reglu-
bundnar ferðir einu sinni í viku
til Singapore og Kuala Lumpur
í Malasíu.
DC-8-þotan sem er I ferðum til Ajusturlanda fjær. Hún fer reglu-
lega þrisvar í viku milli Luxemborgar og Hong Kong.
CL-44 flug-
vél í skoð-
un í nýja
skýlinu í
Luxem-
borg.
Á hinni
myndinni
sést Cargo-
lux-áhöfn
ganga í
land í
Singapore.
FV 4 1975
91