Frjáls verslun - 01.03.1979, Page 24

manna sjálfra á að hefja flug til
Bandaríkjanna. Hvaða áhrif myndi
það hafa á framtíð N-Atlantshafs-
flugs Flugleiða?
— Okkur er ókunnugt um, að
yfirvöld í Luxemborg hafi sýnt
áhuga á að flugfélag þar í landi
taki upp ferðir á Ameríkuflugleið-
inni. Umræður hafa orðið í
Luxemborg um hugsanlega
möguleika á því að stofna flugfé-
lag þar í landi til þess að annast
leiguflug og hugsanlegt flug á
öðrum leiðum, sem félög, sem
fljúga til og frá Luxemborg, fljúga
ekki á. Við erum bjartsýnir á það,
að við munum áfram njóta svip-
aðrar aðstöðu í Luxemborg og
verið hefur.
— Hvaða afleiðingar hefði það
í för með sér fyrir íslenzka þjóðar-
búið, ef Flugleiðir hættu flugi á
N-Atlantshafsleiðinni nema í ein-
hverju lágmarki miðað við þarfir
íslendinga einna? Hvað er það
stór hluti af starfsliði Flugleiða
hér innanlands, sem á atvinnu
sína undir því að framhald verði á
þeim rekstri?
— Norður-Atlantshafsflugið
hefur geysilega mikla þýöingu fyrir
íslenska þjóðarbúið. í fyrsta lagi
má benda á það að nettó gjald-
eyrisskil vegna þessa flugs námu á
árinu 1978 2.259 millj. kr. Að sjálf-
sögðu skiptir þessi starfsemi
meginmáli varðandi samgöngur
íslendinga viö Vesturheim þar sem
héðan eru daglegar ferðir allt áriö
til New York og til viðbótar því eru
samgöngurnar við Chicago og
Baltimore.
Heildarfjöldi starfsmanna, sem
vinna hjá félaginu vegna Atlants-
hafsflugsins einvörðungu á íslandi
nemur um 410 starfsmönnum.
Heildarlaunagreiðslur til þessara
starfsmanna námu á árinu 1978
2.050 millj. kr.
Lendingargjöld og önnur gjöld
til íslenska ríkisins vegna þessarar
starfsemi námu á síðastliðnu ári
597 millj. kr. Þá má benda á það,
að bæöi Fríhöfnin og íslenskur
markaður hafa geysilega miklar
tekjur af þessari starfsemi vegna
allra þeirra ferðamanna, sem fara í
gegnum flugstöðina í Keflavík.
Af framangreindu má gera sér
þess Ijósa grein hve viðamikið
fyrirtæki hér er um að ræða og hve
áhrifin yrðu víðtæk ef þessi starf-
semi, einhverra hluta vegna, væri
ekki lengur fyrir hendi.
.Velkomin um borð'
Vinsamlegast festið sætisólarnar
Allt klárt.
22